1/ Thủ tướng rajaei njauk hatai brei ka UB bhap bini tỉnh Thái Bình salih jalan pandar 13 triệu 789 ribau 409 mét vuông taneh ngak padai piah peih ngak 906 dự án, công trình. Thủ tướng  pandar Ub bhap bini tỉnh Thái Bình tacei pato, peih ngak bruk salih jalan pandar taneh yau ndom angaok nan tui njauk quy định di sarak 42/2012/NĐ-CP harei 11/5/2012 di rajaei.

2/ Mintri y tế barau hu harak payua ka giám đốc sang iek ruak Nhi TƯ ka bruk oh mek jien iek ruak ka sa uranaih ruak nan lac anek di Thiếu tá Phạm Văn Hướng, y sĩ di Nhà giàn DK1-20, di kaoh pulao Trường Sa. Ini lac bruk ngak biak hu yaom glaong, daong ka dom urang daok ngak bruk khik caga chủ quyền tasik pulao sanang hatai ngak bruk saong brei mboh bruk “taneh ia brei ka Trường Sa, Trường Sa ka palei negar”.

3/ Pachreih tui danak dak Daong pren ka palao tasik palei negar, gah pato megru tỉnh KG hu peih bruk pamong tal Trường Sa, Hoàng Sa ka 3000 urang jakar, gru pato dalam tỉnh, jak ba, rik pataom, pachreih daong di gah pato megru. Bahrau ni, Sở pato megru KG hu payua pok jien labaih 550 triệu đồng tal urang tong ikan, dom lực lượng di drei dok ngak bruk khik caga quyền ngak pô palao tasik di taneh ia labik tasik Biển Đông.

4/ Kayua hu mbuan lagaih gah tiềm năng tasik duk saong dom labik karei, langiu di bruk patagok taong cap kaya ikan, dom puk palei bhum tasik di tỉnh Quảng Trị urak ini hu ba tabiak dom jalan nao barau piah patagok dịch vụ hậu cần bruk ngak ikan, piah taong cap hu kein laba jang dom tiềm năng di bhum, tapa nan daong ka urang taong ikan daok patui bruk tabiak tasik.

5/ Piah paglong siam lagaih, kein laba di bruk pato bruk ngak ka urang ngak palei pala, Mintri LĐTB song XH pandar UB bhap bini dom tỉnh, ban di TƯ patom tame tacei pato, pasang iek veik dom bruk pato ka urang ngak palei pala, khik ka dom bruk ngak nong brei lagaih song bruk padang ngak palei pala bahrau, lagaih saong quy hoạch bruk ngak nong.

6/ Mintri ngak nông saong patagok palei pala barau hu harak payua ka sở ngak nông saong patagok palei pala dom tỉnh: Thanh Hóa, Nghệ An, Hà Tĩnh, Quảng Bình, Quảng Trị, Thừa Thiên Huế, Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Ninh Thuận, Bình Thuận pandar ngak siam bruk padang kapul nyaom, pandap panda, langyah chip tuk hu bruk khuah glai rah tabiak.

7/ 5 bilan akaok thun ni, dalam negar hu ba labaih 45 ribau 400 urang ngak nao ngak bruk di negar langiu. Đài Loan (TQ) jeng dok lac darak pasa taduan rilo urang ngak di abih, patui di nan lac Japon, HQ, Malaysia  song Á Rập Xê út... 

Patui di ini dom khau tin dunya:

8/ Căn cứ không quân di Mỹ daok di Cư-rơ-gư-xtan, bhian lac labik mai tal dahlau di tuk tabiak nao di urang lin saong pandap di taneh ia ini tal Ápganixtan dalam 12 thun tapa, barau ini brei kreik pabah mbang. Căn cứ ini hu padang tagok di thun 2001, hadei di mbang khủng bố 11/9.  

9/ Hiệp hội dom urang pablei brah tabiak negar langiu di Thái Lan brei thau, negar ni hu yam tapa Ấn độ, sa negar pablei tabiak negar langiu labaih 3,74 triệu tấn brah song VN ( pablei tabiak negar langiu 2,4 triệu tấn brah) piah jeng sa negar pablei brah tabiak negar langiu dang akaok di dunya, hadei di tuk pablei tabiak negar langiu hu jiak 4 triệu tấn brah dalam 5 bilan akaok thun ni.

10/ Truyền thông Australia brei thau bruk tamuh tabiak sa janih virus barau – hu angan ieu lac parechovirus -  ngak ka uranaih taneh ia ini metai daok ngak ka gah y tế duh hatai. Uranaih njauk njom parechovirus bhian mboh pandiak, kan daok, tabiak mban saong aih caraoh; ngan saong anek kamar, virus meda ba tal ruak laka gan atau laka glo akaok saong mbuan metai./.