1/ Dom thun tapa, MT negar VN dom pakat di tỉnh Thừa Thiên-Huế hu peih bruk jak ba “Abih bhap bini tame khik caga alam môi trường”, dong paglong akaok sahaneng di menuac urang ka bruk môi trường-thiên nhiên. Urak ni, dalam tỉnh hu jiak 100% boh sang hu pandar ia hacih, tong abih boh sang hu jaman, jalan mbak nao mai di puk palei hu lanieng lanoi.

2/ Langik pandiak dui atah lavik harei ngak brei bruk mbuan khuah glai saong kurang ia pandar di dom labik bhum glaong di huyện ba Tơ, tỉnh Quảng Ngãi dak catang jang. Urak ini kraong, caraoh di dom xã yau Ba Nam, Ba Trang, Ba Lế, Ba Điền, Ba Dinh nyu thu lagu ngak kan kandah tal bruk sinh hoạt di bhap bini saong taphol athur. 

3/ NT urak ni hu labaih 254 ribau drei athur rong dom janih yau pabe, pabo, kubau, limo, pabui. Anak bruk pandiak bhang thu lagu yau urak ni, piah pacang caga dom janih jit ruak di athur raong lika cambuai tapok kakau, tụ huyết trùng…., Sở ngak nong song patagok palei pala hu panuac kakei urang rong glang brei pala dom janih hareik piah pabak pandap mbang, samar klauk jru pacang caga dom janih ruak karei karei.

4/ Piah daong ka baoh sang kan kathaot patagok bruk ngak mbang, pablei salih, dhar gilang pariak sarak karja tỉnh Lâm Đồng hu patagok yaom brei mesraiy glaong di abih ngan saong baoh sang kan kathaot, meng 30 triệu đồng tagok 50 triệu đồng sa baoh sang. 

5/ Ban raya HCM bahrau ba tame pandar danak dak pasiam Khu lưu xá song  bilac Y tế brei ka uranaih metui medar njom HIV/AIDS di pasak rong ba- iek glang khik iek uranaih phường Linh Xuân, quận Thủ Đức. Danak dak ni hu 4 tal hu padang ngak abih tih 22 tỷ đồng. Danak dak ni hu ba tame pandar meda pasiam hu bruk kurang balik dok, labik iek ruak ka uranaih di pasak.

6/ Ngak tui sarak daong ia pandar ka baoh sang bhap bini bangsa takik kan kathaot saong baoh sang kan kathaot daok di xã, palei biak kan kandah, tỉnh Vĩnh Long hu labaih 1.400 baoh sang bhap bini bangsa takik gaok kan kandah ka ia pandar hu daong 1 triệu 300 ribau đồng sa baoh sang piah ngak bể padang ia, rok bingun mek ia pandar. Abih tih yaom jien daong nan labaih 1 tỷ 830 triệu đồng. 

7/ urak ni, rilo urng nong pala bei plom di xã Suối Đá, huyện Dương Minh Châu, tỉnh Tây Ninh doh duh hatai ka sa janih ruak ngak bruk akaok bei plom, saong nyu bruk biak rilo meng 60 tal 70%. Kuhria tal tuk vak ni, dalam xã hu labaih 10 ha bei plom ruak bruk akaok, tui kuhria yaok ha bei plom ruak bruk akaok, urang pala khat lihik meng 30 tal 40 triệu đồng.

Patui di ini dom khau tin dunya:

8/ Tòa án trọng tài hu Liên hiệp Quốc dang likuk (daok di La Hay, Hà Lan), jabat taduan bruk pathau di Phi-li-pin ka bruk merak gauk haong TQ ka quyền ngak pô tasik, pulao angaok Biển Đông, brei tukvak ka Bắc Kinh ba tabiak dom janih dom kadha cagar veik dahlau di harei 15/12 tal.  

9/ Japn brei thau, dom anek kama bahrau ndih tapui di negar ni thun 2013 biak takik nan lac labaih 1.000.000 adei. Bruk ni, ngak ka bruk suy giảm dân số tự nhiên di Japon nyu trak jang..

10/ Dom urang ilamu Anh barau ini hu ba tabiak dom kadha camereip brei mboh lac: inta meda lac asal di vi rút ngak tabiak hội chứng hô hấp cấp bhum trung đông. Vi rút ini ba tal dom triệu chứng yau padiak, patuk, kan suak yava, laka phổi saong hu iek lac “gauk gar” di vi rút ngak tabiak hội chứng laka jalan suak yava chip ngak ka labaih 8 ribau urang châu Á njom ruak saong 9% dalam dom urang nan metai di thun 2003./.