1# Tui kuhria mboh di Cục Y tế dự phòng (Mintri Y tế), tal tukvak ini dalam taneh ia hu labaih 44.000 urang ruak tangin takai pabah di 62 tỉnh, ban. Dom labik hu urang ruak rilo ye : ban raya Hồ Chí Minh hu 6.554 urang, Đồng Nai hu 4.673 urang...Tui dom chuyên gia y tế, lingik salih bilan lac tukvak lagaih ka virus ruak tamuh tabiak, mbuan si ba tal bruk patuh ruak tangin takai cambuai. Urak ini, oh ka hu vaccine caga jeng ye oh ka hu jru iek ruak đặc hiệu janih ruak ini .  

2/ Tui harak pathau khan di pasak y tế dự phòng tỉnh Gia Lai, kuhria meng akaok thun tal ini, dalam tỉnh Gia Lai hu 1.757 urang ruak pandiak tabiak drah, dalam nan hu sa urang metai. Akaok pasak y tế dự phòng tỉnh Gia Lai Hồ Ngọc Gia brei thau,  jit ruak pandiak tabiak drah thun ini daok rah tabiak dalam kan kandah kayua daok dalam chu kỳ jit. Taphia di nan, langik tasik thun ini hajan pandiak oh lagaih nan ye pandiak tabiak drah mbuan tamuh tabiak. 

3# Yaom lac barau bac tal tan bac  4, min meng hatai takre sáng tạo, ông Lương Minh Đồng (58 thun) – sa urang nong daok di xã Đại Hồng, huyện Đại Lộc, Quảng Nam ngak tabiak hu dom sruh mac liua đa năng daong ka mikva urang nong ngak hamu apuh, trun takik pren ngak. Dalam palei hu tal 3.000 urang pandar pandap kayua ông ngak tabiak.

4/ Barau kreih học kỳ 1 di thun bac 2015 – 2016, min di huyện Lắc, tỉnh Đắc Lắc, hu 258 anek saih klak bac, ralo meng lac anek kamuan urang bangsa takik. Tui pasang iek di gah pato megru saong karja palei, dom makna ngak ka anek saih klak bac lac: mboh melau kayua praong thun duk saong dom ayut bac hong gauk; bac yếu, daok veik nan ye laih bac; sang kan kandah njauk daok di sang daong amaik ame. Ong Y Bang Hđớk, akaok UB bhap bini huyện Lăk brei thau: UB bhap bini huyện hu tacei pato jabat pato megru pambuak bruk saong UB bhap bini dom xã peih họp taong abih amaik ame piah pathau khan jak ba dom kambuan mai bac veik. Dom xã daok tacei pato pasang iek taong yaom makna klak bac di anek saih. Abih di nyu nan lac anek saih klak bac kayua sang kan kandah, sang hu ralo anek nao bac njauk buh ralo jien, kol dahlak tacei pato lac oh mek jiensa mbang bloh bo mek dalam rilo mbang piah daong ka dom kamuan hu nao bac.

5# Barau ini, mban Thường trực Ủy ban mặt trận negar tỉnh Đồng Tháp, Ủy ban mặt trận negar ban sit Cao Lãnh pambuak bruk peih harei jum pataom bangsa di palei Đông Hòa, xã Tân Thuận Đông, ban sit Cao Lãnh.  Tukvak tapa, meng thau jum pataom gauk dalam raidiuk, nan ye sang kathaot di palei Đồng Hòa trun daok jaik 4%;  hu labaih 94% urang ngak hu bruk ngak gam gam, jien mek tame tani tanat, meng 21 triệu tagok 30,5 triệu đồng/sa urang/ sa thun; taong abih sang hu pandar menyek…  

6/ Meng harei 12 tal harei 15/11 tal lac tukvak Hà Giang yam tame Harei pataom bingu tam giác mạch. Ini lac bruk ilamu hadah krah mbang akaok meti rah tabiak di 4 huyện bhum glaong cao nguyên patau. Ong Trần Đức Quý, phaok akaok UB bhap bini tỉnh Hà Giang brei thau urak ini hu labaih 200 ha bingu tam giác mạch pala duh ka harei pataom bingu di huyện Đồng Văn daok rak dom bingu akaok meti.

7# Pagaiy harei 10/11, di ban raya Hồ Chí Minh, kapul Liên Hiệp dam dara ban raya Hồ Chí Minh saong Sở Y tế ban raya Hồ Chí Minh peih bruk mbaoh tangin pambuak bruk peih ngak Đề án padang danakak “ daong pren urang ruak” tukvak 2015-2016). Tukvak tapa, danakdak ini hu peih tabiak di dom sang iek ruak di ban raya lac : Chợ Rẫy, sang iek ruak Ung bướu saong sang iek ruak brei darah huyết học, hu labaih 15.000 mbang dam dara halan hatian pataom mbaok tame. Dom damdara halan hatian hu daong ka labaih 300.000 mbang urang ruak mai iek ruak. Danakdak hu daong pachreih hatai, ngak ka urang ruak mboh sahanang hatai tuk mai iek ruak di dom sang iek ruak di ban raya. Ông Đoàn Văn Dâng daok di phường An Phú, Quận 2, ban raya Hồ Chí Minh mai iek ruak di sang iek ruak Quận 2 brei thau : "Harei ini mai sang iek ruak quận 2 iek ruak mboh dom urang đoàn dam dara daong dom urang jaoh jo, urang taha. Danakdak ini biak siam, caong lac danakdak hu dom bruk daong ka urang jaoh jo saong urang taha hu siam.

 Patui di ini dom khau tin dunya:

8/ harei 9/11, rajaei TL hu brei tapa danak dak padang ngak 2,7 triệu baoh sang yaom lap brei ka urang hu jien mek tame takik. Phaok thủ tướng Pra-vít brei thau, ini lac danak dak praong di rajaei, hu peih ngak dalam 10 thun. Dalam 3 thun tal, kadung jien brei ka tukvak camereip di danak dak ini lac 96 tỷ bạt, tui kuhria hu padang labaih 500 ribau baoh sang.

9# Thủ tướng Nga Đi-mi-tri Mét-vê-đép (Dmitry Medvedev) harei 9/11 brei thau, rajaei meda daong gah du lịch daok dang anak dom khat lahik hadei di tuk Nga padheih dom mbang par tal Ai Cập, saong daok hu panuac lac, dom tour du lịch ini daok suai meng hu peih gilac. Thủ tướng Nga brei thau taphia bruk ba urang Nga mai veik taneh ia, bruk khik caga an toàn ka dom mbang padheih di Ai Cập meda lahik rilo tukvak .

10/ Hãng kapal haoh Đức Lúp-than-sa brei thau khat lahik takik di abih 10 triệu ơ rô dalam sa harei kayua bruk đình công oh ka bhian mboh di dom phi công saong tiếp viên hãng ini. Harei 10/11, bruk đình công yam tapa harei ka 4, lac bruk đình công atah di abih dalam 60 thun tapa di Lúp-than-sa./