1/ # Bộ Chỉ huy Bộ đội Biên phòng tỉnh Điện Biên bahrau pambuak bruk haong Phòng khám từ thiện baha Linh Sơn (Thanh Nhàn - Hà Nội) peih bruk iek ruak, brei jru ngak pahal ka urang gaok kan kandah daok di xã Na Tông, huyện Điện Biên. Jaik 1.300 bhap bini daok dalam 15 palei di xã Na Tông hu iek ruak saong brei jru . 

2/ Dom thun tapa, tỉnh Lào Cai bhian sangka pato bruk ngak ka urang joh jo, daong ka urang ba drei tame raidiuk. Barau ini, pasak pato bruk ngak Phú Minh di tỉnh Lào Cai hu peih tal pato bruk ngak brei ka urang joh jo di puk palei. Dom urang nan hu pato jalan pala bimao, pasiam komputer, jalan pasram bruk tự tin piah khẳng định drei.

3/ #  Tal urak ini,  kapul urang kumei doanh nhân ban sit Đà Nẵng hu rik daong labaih 4 tỷ đồng piah ngak pahla. Lingiu di nan, Kapul daok hu daong phun jien ngak mbang ka yaok rituh urang kumei kan kathaot di ban sit Đà Nẵng; pambuak bruk haong karja palei ngak jaik 100 sang anit ranam brei ka urang kumei sang kan kandah, urang kumei dahlau deih ngak thanh niên xung phong hu tani tanat raidiuk.

4/ Pandiak dui atah daok ngak kurang ia pandar ralo di dom puk palei dalam tỉnh Phú Yên. Urak ini hu labaih 5.000 baoh sang bhap bini di 4 puk palei dalam tỉnh daok kurang ia pandar; dalam nan, trak abih lac ban sit Sông Cầu ngan saong labaih 2.000 baoh sang daok kurang ia pandar. UB bhap bini tỉnh Phú yên hu tacei pato sở ngak nông saong patagok palei pala, sở xây dựng peih dom jalan ngak anak meta saong suai lavik piah daong ia pandar ka bhap bini, tani tanat rai diuk.

5/ # Pandiak bhang livik harei, ia mbak njom tame ngak ka ia kraong Cái gah ala đập pacang mbak Vĩnh Phương, atah di pabah tasik Nha Trang jaik 10 km njom mbak biak khang.  Uỷ ban bhap bini tỉnh Khánh Hòa hu tacei dom puk palei daok tapen 2 gah kraong padeih mek ia tame ka padai hè- thu piah  mek ia nan pandar. Anak tal, meyah oh hu hajan, tỉnh Khánh Hòa  brei tathuak ia khik piah di binek Suối Dầu piah jhul ia mbak saong pabak ia pandar ka bhap bini.

6/ Viện phun mbang baoh gah meraong brei thau: tapa ruah duah saong pasang iek, viện hu palih tabiak ralo jalan ghép  phun pajaih hu siam njauk pambak praong di bhum taneran kraong Cửu Long piah lagaih saong pandiak, mbak. Nan lac palih ruah dom pajaih phun hu pasiu yau: phun sảnh, kroc bung mBung (tỉnh Bến Tre), kroc bung Hồng Đường (Cần Thơ), kroc bung Đường Hồng (Bình Dương), phun Bòng (Huế) ngak gol ghép ka phun kroc bung kanduh hijao saong kroc bung Năm Roi di bhum taneran kraong Cửu Long lagaih saong ia mbak.

7 # Klau harei jaik ini, di canah klau Kênh Cụt - Tà Niên - Ông Hiển dalam Phường An Hòa saong An Bình, ban sit Rạch Giá, tỉnh Kiên Giang hu ikan metai rilo. Bhap bini dalam palei ba gauk sraong ikan mai mbang atau pablei. Sa-ai Trần Thị Trang, daok di khu phố 7, Phường An Hòa brei thau:

“harei camereip ikan metai bak kraong. Tal harei ka 3 jeng daok mboh ikan metai rilo. Drei sahneng lac kayua ia mbak, ikan metai, nan ye drei mbang”. 

Patui di ini dom khau tin dunya:

8/ Hội chữ thập đỏ CPC barau peih mittinh pahadar mbang ka 153 harei padang Hội chữ thập đỏ saong trăng lưỡi đỏ dunya. Di mittinh, amuk Bun Rani Hun Sen, akaok Hội Chữ thập đỏ Campuchia brei thau: urak ini yaok triệu urang CPC daok di bhum atah bayah, bhum ceik taphia negar daok kurang ia pandar dalam bilan pandiak ini. Labaih 13 triệu đô la ieu pataom hu, nyu daong ka Hội chữ thập đỏ CPC patui jalan peih bruk  pabak ia pandar ka bhap bini dalam tukvak anak tal.  

9/ # Takik di nyu  25 urang metai kayua jaleih taneh, hajan praong di Bắc Ru-an-đa. Tui dom urang ngak praong di labik ini, mbang glut taneh rah tabiak di huyện Ga-ken-kê dalam tỉnh gah barak. Urak ini, bruk cứu hộ daok gaok rilo kan kandah kayua dom mbang hajan praong saong jaleih taneh nyu ngak khut jalan, oh ba jamriak nao tal labik glut jaleih hu. Kayua yau nan ye, urang mboh lac, menuac metai dalam mbnag glut jaleih taneh ini meda hu rilo jang.

10/ Tui kuhria mboh di jabat khik iek khuah saong bala Nhật Bản, dalam adit tapa hu labaih 180 urang tame sang iek ruak kayua pandiak bhang, dalam nan hu sa urang metai. Dalam dom harei tapa, nhiệt độ di NB hu tagok biak glaong ngak jhak tal pren yava saong rai diuk di bhap bini. Dom urang ngak praong NB kakei bhap bini brei hu dom jalan nyaik pandiak piah pacang cakak đột quy./.