1#  Hadei di tuk pang kadha ndom puac tamat nyaom biai mbang yaka 11, Ban Chấp hành Trung Đảng mbang XI di Tổng Bí thư Nguyễn Phú Trọng, urang jakar urang dang saong bhapbini di dom tinh gah kreh negar mboh biak chreih chrai. Ndom ka bruk menuac urang ka Ban chấp hành Trung ương Đảng mbang XII, ông Nguyễn Tam Quý, dahlau thiah ngak Bí thư Tỉnh ủy Bình Định brei thau, nyaom biai mbang yaka 11hu ba tbiak rilo tiêu chuẩn urang jakar biak siam, biak cambaih laih: “Bruk kuhria caga menuac ka nyaom roya mbang XII, dalam nan hu ndom cambaih ka tiêu chuẩn. Dahlau thiah hu dom tiêu chuẩn, 4,5 tiêu chuẩn min mbang ini mdom biak cambaih, hu gam bruk chinh tri, bruk pham chat dao duc, bruk sang, trach nhiem nao gam saong bruk ngak. Dahlak mboh biak takre.

2/ Pamaong tal bruk pahadar 125 thun harei ndih tapui CTHCM, di HN, Ban Tuyên giáo Trung ương, jabat Trung ương Đảng saong Học viện Chính trị Quốc gia Hồ Chí Minh pambuak bruk peih nyaom meyai khoa học quốc gia ngan saong kadha “jalan sahneng Hồ Chí Minh- yaom glaong nhân văn saong patagok”. Brei panuac di nyaom meyai, akaok Ban tuyên giáo Trung ương Đinh Thế Huynh ndom lac: yaom glaong nhân văn di jalan sahneng HCM hu brei mboh biak đa dạng saong phong phú, tapa rai diuk, bruk ngak, dalam jalan saneng saong jalan ndom puac daok dang di gait.    

3# Tổng công ty padai brah gah meraong mboh lac, meng jaik puac bilan 6 tal akaok bilan 7, brah pablei tabiak taneh ia langiu meda tagok. Urak ini, Philippines  barau blei tame 300.000 tấn brah meng Việt Nam,tui kuhria mboh dahlau, taneh ia ini meda blei veik 500.000 tấn. Taphia di nan, Việt Nam jeng daok ginum biai pablei brah tapa darak pasal Malaysia. Hu thau, brah pablei tabiak taneh ia langiu dalam bilan 4 tapa hu  labaih 2 triệu tấn, kuhria tabiak yaom jien hu 889 triệu đo la Mỹ .

4/ Hu ba tame ngak iek meng bilan 5/2014, bruk raong iek da menek kayua pasak pajaih athur raong saong kaya ikan tỉnh Hòa Bình peih ngak hu dom jak jeng tuk camereip. Cambaih laih nan lac, hadei di tuk duah thau thông tin, bac megru ilamu raong, thuần hóa ada, di trang trại ada di saai Tô Quang Dần (huyện Lục Ngạn, tỉnh Bắc Giang), pasak hu padang ngak var ro saong blei 80 drei pajaih da praong mai raong. Tapa iek glang di pasak, tuk camereip da mbang takik, rilo meng huac. Min, hadei di sa bilan kham merat iek glang, tapol ada hu tani tanat saong patgok siam, lagaih saong bruk di puk palei.

5# Piah khik ramik, pacang khik glai saong abih d nyu nan lac pacang khuah padam khuah dalam bilan thu, gah kiểm lâm Quảng Nam hu peih ngak rilo bruk dalam nan hu paglaong dom bruk khik, pagui mek, pambuak bruk dak padang saong patabiak bruk pacang khuah padam khuah. Tui nan, gah kiểm lâm hu biai saong puk palei ba tabiak bruk, gam gam peih bruk khik iek, pagui mek di dom labik praong bhian kaoh tak, pablei salih, pajeng ba kayau suan hukun. Khik ramik khang bruk duan mek, pataom kayau glai tu nhien di dom cong trinh thuy dien, jalan menyek saong jalan nao mai.

6/ UB bhap bini ban sit Đà Nẵng hu patabiak quyết định ka 2008 brei peih ngak đề án pasang iek gah njaum patam, baoh karaoh di darak đầu mối Hòa Cường (quận Hải Châu) tukvak 2015 – 2020 ngan saong yaom jien peih ngak jaik 6 tỷ đồng. Tui nan, sở ngak nông saong patagok palei pala dang tabiak pambuak bruk saong dom đơn vị padang kapul pasang iek, brei bruk pasang iek nguồn gốc piah duah mboh langyah dom urang ngak sung pambuak tal an toàn thực phẩm.

7# Pambuak tal nyaom roya Đảng dom pakat tukvak 2015- 2020. Tỉnh ủy Tiền Giang  hu pilih ruah 33 đảng bộ, 17 chi bộ di 23 xã, phường, 16 cơ quan hành chính, đơn vị sự nghiệp, 4 doanh nghiệp, saong 7 đơn vị tapon nyom bol pan phao kraong piah peih ngak nyaom roya diem piah pataom iek veik bruk. Dalam nan hu 13 dang bo ngak iek bruk pilih ruah tapak Ban thường vụ, bí thư, phó bí thư. Urak ini hu 50 chi đảng bộ hu pilih ruah ngak iek hu peih ngak blaoh nyaom roya. Dom labik hu pilih ruah ngak iek jeng hu kuhria caga siam mekre ka nyaom roya; khik caga hu asal kadha saong bruk peih ngak, khik caga siam mekre ka nyaom roya.

Patui di ini dom khau tin dunya:

8/ Ngoại trưởng Đức Franh Oan-tơ Xtên-may-ơ brei thau, Nga saong NATO daok mek hu dom siam mekre dalam bruk padang veik dom mbang taom gaok quân sự, nyu klaoh nao hadei di tuk bruk khủng hoảng Ucraina patuh tabiak.

9# Jabat Khí tượng Nhật Bản hu paagok tanut cảnh báo ka ceik apui Hakone, sa dalam dom labik du lịch hu angan di gah Tây Nam Tokyo meng tanut 1 tagok 2. Tanut ini lac sa mbang pruh sit meda rah tabiak di pabah ceik apui. Jabat Khí tượng Nhật Bản jeng hu panuac ieu bhapbini saong tuai damuai plaih atah labik ini.

10/ Dom kapul nyom y tế dunya saong Nepal daok peih bruk klauk vacxin pacang cakak ruak ka labaih 500.000 uranaih di Nepal kayua huac lac mbang megei baoh taneh di bilan 4 meng bloh ngak ka uranaih di taneh ia Nam Á ini mbuan njauk dom janih ruak njom mbak. Bruk ngak ini hu peih tabiak hadei di tuk Quỹ Nhi đồng LHQ ba tabiak panuac cảnh báo ka bruk mbuan tamuh jit ruak sởi di Nepal, hadei di mbang megei baoh taneh ngak ka 7.600 urang metai di harei 25/4 meng bloh./.