1/ # Tui Mintri Y tế, urak ini, urang njuk pakao thụ động di taneh ia drei daok takik nao meng dalam sang tal labik ngak bruk, meng sang bac tal labik hu rilo menuac sia. Bruk nan hu makna lac  urang oh njuk pakao min hít njauk sauk pakao di urang karei njuk daok takik nao.

2/ Tỉnh Thừa Thiên-Huế daok peih rilo jalan ngak langyah kan kandah, daong ka bhap bini tapen tasik tani tanat rai diuk hadei di bruk ikan metai oh ka thau cambaih makna  dalam tukvak tapa. 10 harei tapa, chi cục thủy sản tỉnh Thừa Thiên Huế hu brei harak chứng nhận kaya ikan hacih ka labaih 30 kapal taong cap atah binek. Dom janih ikan taong cap hu jeng hu dut iek dahlau di tuk pablei.

          3/ # Gah Cảnh sát môi trường Công an tỉnh Nghệ An bahrau pambuak bruk haong Công an huyện Diễn Châu saong Công an xã Diễn Lâm cap mek hu bruk pablei salih, pajeng ba athau glai quý hiếm. Tapa nan, gah chức năng duah mboh, cap mek hu di sang ong Cao Xuân Võ, daok di xã Diễn Lâm, huyện Diễn Châu, tỉnh Nghệ An daok pablei salih, khik piah 680 kakau takai ramaong, samu 34 drei ramaong njauk pametai. Urak ini, dom pandap nan hu ba tame Phòng Cảnh sát môi trường Công an Nghệ An khik piah cang dut iek, taong yaom.

4/ Thượng tá Lê Văn Toàn, urang dang akaok đồn Biên phòng Lai Hòa, ban sit Vĩnh Châu, tỉnh Sóc Trăng brei thau, biar harei 10/5, đồn biên phòng hu pambuak bruk saong karja palei xã Lai Hòa saong chi cục khai thác kaya ikan, sở ngak nông Sóc Trăng palao sa drei kara kanduh nao tasik. Tui ong Trần Hoàng Dũng, phaok akaok chi cục khai thác kaya ian Sóc Trăng, kara kanduh ini lac động vật tasik quý hiếm daok dalam angan meriah di VN, brei hu khik caga catang, klah lihik but.

5/ # Meng akaok thun tal ini, Chi cục Quản lý thị trường tỉnh Lai Châu hu patagok bruk pasang iek darak pasar, pataom tame dom janih pandap that yau njam patam, baoh kraoh saong dom janih pandap tui Thông tư 58 di Mintri Công thương. Tapa nan, duah mboh 38 mbang ngak suan, hu taong phạt, chap mek, am cuh klaak 6.000 klak ia  giải khát, labaih 230 ndop ia tasau, 900kg pha menuk saong tung pruac athur raong oh thau cambaih asal di nyu, haong rilo pandap karei yau: bột ngũ cốc, ia tasau dom janih,  phụ gia thực phẩm.

6/ Mesup harei 10/5, công ty ia Kiên Giang mek hu ia taba tame danao caik ia kayua độ mbak dalam kraong trun. Ong Nguyễn Hữu Hoài Phương, Giám đốc Công ty  ia Kiên Giang brei thau, độ mbak daok 0,2 phần ribau min, mek hu chuẩn brei adat nan ye công ty brei peih taong abih cống piah mek ia tame danao. Tal urak ini, công ty hu pabak ia máy ginup abih công suất ka bhap bini dalam ban, taphia di nan, kreik taong abih dom jalan pabak ia ngầm saong dom bingun khoan. Dom xà lan pajeng ia jeng brei padeih pajeng ia mai danao caik. 

7/ # Dalam nyaom biai“Vườn ươm doanh nhân” peih tabiak di ban raya Hồ Chí Minh harei 11/5, rilo chuyên gia, urang quản lý hu khan bruk padang doanh nghiệp ka dam dara thanh niên, sinh viên thau; klah rabha dom ilamu khik ramik, tacei ba bruk daong kapul nyom, menuac urang caong padang mbang ngui... Klah rabha dom kan kandah haong sa doanh nhân tuk bahrau peih bruk ngak mbang, Thạc sĩ Đỗ Hoàng Thắng, daok ngak bruk di “Vườn ươm Doanh nghiệp” Đại học Bách Khoa ban raya Hồ Chí Minh brei thau: " tapa rilo mbang thất bại kol dahlak mboh hu dom janih bo doanh nghiệp trẻ daok kurang. Yau ye kurang thau ka darak pasar, kurang ilamu khik ramik doanh nghiệp, kurang phun jien ngak mbnagư . Urang sahneng lac ngak pandap siam piah pablei min oh pablei hu. Nan lac bruk bo doanh nghiệp trẻ bhian gaok di abih"

Patui di ini dom khau tin dunya:

8/ CPC brei thau, hãng kapal haok Cambodia Angkor Air  di taneh ia ini hu peih dom mbang par tapak meng ban raya HCM tal ban Pri-a Xi-ha-núc meng harei 17/6 tal saong hu 5 mbang par yaok adit.

9/  # Di tỉnh Kaluga, Liên bang Nga bahrau rah tabiak “Trại hè Obninxk 2016” brei ka dom sinh viên Việt Nam daok bac megru, roh duah di dom sang bac đại học Liên bang Nga, praong di abih kuhria meng dahlau mai. Hội trại lac tuk piah patagok talei jum pataom, anit ranam gauk di urang VN ranaih umo daok atah palei negar. 

10/ Jabat thủ tướng Prang brei thau, thủ tướng Prang Ma-nu-en Van meda nao rivang Ixraen saong dom bhum taneh di urang Palextin dalam bilan 5 ini piah peih veik bruk sron mbon TQ hadei di mbang taong gauk khang di dải Gada dalam 2 thun jaik di ini./.