1/ Cục Xúc tiến pablei salih ( mintri Công Thương ) bahrau yaih khan danak dak “Rayo papar binguk angan pakat negar”. Danak dak hu pataom tame dom kadha padang angan je DN, patagok gah pandap xuất khẩu, dom jalan ngak patagok bruk meriak gauk di DN gam song 3 yaom glaong di danak dak angan je pakat negar : “Chất lượng-Salih bahrau, hadah krah –ilamu pan akaok”. Danak dak hu papar sap di angaok kênh VTV3 Rayo papar binguk Việt Nam di harei anga song harei jip yaok adit.

2/ Di tổ 6, phường Thái Bình, ban sit Hòa Bình (tỉnh Hòa Bình), miunyim inem krung ilamu Mường hu peih tabiak hu mbaok di di urang dang akaok Cục inem krung (mintri ilamu, TT saong DL) saong UB bhap bini tỉnh Hòa Bình. Ini lac miuyim langiu công lập ka dua di tỉnh bhum ceik Hòa Bình saong lac miuyim tư nhân ka 24 di VN. 

3/ Tuk pacit da-a Pô Hùng 10/3 saka ia bilan (lac harei 28/4), song tuk padeih lễ 30/4 song 1/5, bhap bini hu padeih tal 6 harei, nan ye bruk nao mai rivang main du lịch song mai rivang palei tagok khang. Kayua yau nan ye,  harei camereip saong harei puac di mbang padeih lễ urang tuh mai dom mblang kapan, mblang radeih biak rilo. Urang dang akaok dom mblang kapan,, mblang radeih jeng hu panuac lac, hu caga ginup radaih saong kapan piah pabak siam di abih bruk nao mai di bhap bini.

4. Harei pataom tapuk salam uan harei tapuk VN mbang ka 2 hu peih tabiak di mblang bein Thống NHất - HN meng harei 17/4 tal harei 21/4, ngan saong kadha “tapuk klak saong urak ini”. Harei pataom tapuk mbang ka 2 ini hu 150 gian hàng di 100 đơn vị nhà xuất bản, cty tapuk dalam taneh ia ngan saong yaok ribau angan tapuk hu biak ralo janih: tapuk thiếu nhi, tapuk văn học, ilamu xã hội, tapuk kinh tế, khoa học kỹ thuật, tapuk ngoại văn, tapuk điện tử saong thiết bị số.

5/ Phó Akaok Sở ilamu Thể thao Du lịch Hà Nội Trần Quốc Chiêm brei thau, pahadar 40 thun harei peih paha gah merong yasa taneh ia, melam 30/4 di mblang bein rup patau Lý Thái Tổ song Pasak quận Hà Đông, hu cuh pháo bingu glong di 5 labik dui atah dalam 15 minite di danao Hoàn Kiếm, mblang bein Thống Nhất, danao Văn Quán, sân vận động Mỹ Đình song labik pasak bein bingu ban sit Sơn Tây. Jien cuh phao bingu hu ieu pataom meng nguồn xã hội hóa.

6/ Hãng kapal haoh yaom lap Jetstar Pacific brei thau peih jalan par tapak pambuak ban ine HN saong ban Đà Lạt (Lâm Đồng) piah pabak ka bruk nao mai saong pablei salih dak harei dak patagok di dua labik ini. Tuk camereip, yaok harei hu 1 mbang par nao saong 1 mbang par mai, meng kapal haok Airbus A320 - 180 gaiy đồng hạng phổ thông meng harei 1/6/2015.

7/ Tui khau tin meng UB bhap bini tỉnh Bình Thuận, Danak dak Cảng tổng hợp Vĩnh Tân daok jaik pasak Nhiệt điện Vĩnh Tân, huyện Tuy Phong hu peih bruk padang ngak di harei 16/4 anak tal. Hu thau, danak dak Cảng tổng hợp Vĩnh Tân hu pabak ka brukxaut61 nhập khẩu pandap panda tổng hợp pabak ka bruk patagok KTXH di BT, gah merong tỉnh Ninh Thuận, sa binah di Tây Nguyên song dom tỉnh dok jiak bhum Nam Trung bộ.

Patui di ini dom khau tin dunya:

8/ Rayo papar binguk pakat negar Cộng hòa Dân chủ bhap bini Triều Tiên brei thau, ông Hoang Piêng Xô, urang gah chính trị dang akaok di bol bala taneh ia ini barau hu ba tame ngak 2 labik praong ngak ka ong jeng urang hu quyền lực praong dang ka dua di TT. Tui báo chí TT, ong Hoang Piêng Xô hu pok ngak Ủy viên thường vụ mintri chính trị Đảng Lao động Triều Tiên, saong daok khik chức akaok Tổng cục chính trị bol bala bhap bini TT.   

9/ Liên hợp quốc hu panuac ieu dong 174 triệu đôla Mỹ piah dong ka jiak 200 ribau urang Ni-giê-ria nduac klak sang danaok kayua dom mbang taong tame di kol phiến quân Bô cô Haram. Kol Bô-cô Ha-ram khin padang sa karja Hồi giáo di gah barak negar Ni-giê-ria, nyu pametai labaih 13 ribau urang meng di thun 2009. Bruk srau kadau jeng ngak ka yaok rituh ribau urang Ni-giê-ria nduac nao daok di labik karei dalam taneh ia saong tapa dom negar karei dok jiak tapen. 

10/ Cảnh sát Palestin mbang akaok meti hu ba tal 3 labik di Bờ Tây, jaik timur Giê-ru-xa-lem. Tui urang brei panuac cảnh sát Palestin, mbang akaok meti cảnh sát Palestin cuk đồng phục saong hu vũ khí, hu mbaoki di 3 labik lac: A-bu Dis, An-ram và Bi-đô. Bruk ini piah pamaong tame kol tội phạm saong lac bruk ngak hu meng talei pambuak bruk saong karja Ixraen./.