1#/ Bộ Tư lệnh bhum 4 Hải quân bahrau ba kapan 524 pajeng 140 mét khối ia taba brei ka yaok ribau bhapp bini daok di palao Bình Ba, ban sit Cam Ranh, tỉnh Khánh Hòa. Amuk Lê Thị Liên, daok di palei Bình Ba Tây, xã Cam Bình, ban sit Cam Ranh ndom lac:  “Harei ni, Hải quân ba kapan mai brei ia ka palao Bình Ba khol hulin biak uan tabuan. Kayua lac, Bình Ba thu lagu, oh hu ia yau nan ye brei ia khol hulin sambai song thau dar phol dom urang lin

2/ Dalam dom var taom gaok cử tri di dom urang tabiak ứng cử QH mbang 14 saong urang HĐ bhap bini dom pakat tukvak 2016 – 2021 di tỉnh Bình Thuận pachreih hu biak ralo bhap bini Chăm hu mbaok tame. Kayua mikva thau, ini lac bruk praong di taneh ia, lac tuk piah cử tri patagok quyền saong nghĩa vụ di công dân, palih ruah tabiak dom urang hadah krah, lambaok ka hatai caong di bhap bini.

3# Meng rilo thun ni mai, bhap bini dok di palei Phước Thuận, Phước Hậu, xã Hoà Nhơn, huyện Hoà Vang, ban Đà Nẵng glaih glar kayua nerak môi trường meng bruk khai thác, pajeng haluk patau. Bhap bini luac thun daok dalam thur mur di bilan pandiak, gluh baok di bilan hajan. Ong Bùi Văn Lành dok di palei  Phước Thuận, xã Hòa Nhơn brei thau, yaom lac nao ngak atau dok sang jeng kreih pambah mbang piah nyaih thur mun

4/ Di ban sit Plei Kần, huyện taphia negar Ngọc Hồi, tỉnh Kon Tum, pasak pachreih công saong tư vấn patagok công nghiệp Kon Tum (sở công thương) pambuak bruk saong UB bhap bini huyện Ngọc hỒi peih nyaom darak pandap Việt. Hu mbaok di nyaom darak hu labaih 100 gian hàng di dom doanh nghiệp dalam saong langiu tỉnh ngak saong pablei dom  janih pandap: thực phẩm chế biến, pandap jhik, pandap pandar dalam sang, pandap điện tử hu ngak tabiak di dom công ty dalam taneh ia.

5#/ Ban sit Cần Thơ urak ni hu 8 khu Công nghiệp praong abih tih 2.270 ha.  Bruk caong hu urang ngak di labik ni tagok, dalam tuk urang ngak urak ni trun. Ong  Nguyễn Hữu Phước – Phó Trưởng Ban Quản lý dom  khu chế xuất song công nghiệp ban Cần Thơ brei thau, piah pabak menuac ngak anak tal njauk patagok talei pambuak di dom sang pato bruk ngak song dom khu công nghiệp song doanh nghiệp. 

6/ Dom thun tapa, dom dự án đầu tư meng kadung jien daong urang nông di tỉnh Trà Vinh hu daong salih jalan pala drak, raong glang di baoh sang urang hội, urang nông, rik daong salih bahrau jalan ngak nông, palei pala, ba bruk ngak ka urang ngak palei pala. Mban điều hành kadung jien daong urang nông hu peih jien  brei mesraiy ka 45 dự án, ngan saong yaom jien jaik 16 tỷ đồng ka 1000 baoh sang urang hội mesraiy raong limo ralo, limo menek, ngak padai saong pala bingu kiểng, phun mbang baoh.

7#/ Tapa pasang iek di darak Kim Biên Quận 5, dom jabat chức năng di ban raya HCM mboh hu rilo labik pablei salih hóa chất dok oh njauk hukum, khik piah hóa chất di dom labik oh siam song oh hu harak adat pablei salih. Gah pasang iek hu chap mek labaih 8.000 kg hóa chất dom janih oh hu harak gar, oh thau asar di nyu, jiak 3.400 kg hương liệu, hóa chất công nghiệp tapa harei pandar

Patui di ini dom khau tin dunya:

8/ Taduan panuac daa di Tổng thống Liên bang Nga Vla-đi-mia Pu-tin saong Thủ tướng Liên bang Nga Đờ-mi-tơ-ri Mét-vê-đép, Thủ tướng Rajaei Nguyễn Xuân Phúc hu nao rivang Liên bang Nga saong hu mbaok tame nyaom meyai pakat glaong pahadar 20 thun talei pambuak bruk đối thoại ASEAN – Nga meng harei 16 tal harei 20/5.

9#/ Akaok mintri thống nhất Hàn Quốc Hông I-âng Pi-ô brei thau, HQ meda ba tabiak dom jalan trừng phạt song patagok sức ép ngan saong Cộng hòa dân chủ bhap bini  Triều Tiên dahlau di tuk peih bruk ginum biai song negar ni, dalam sa kham merat piah phi hạt nhân hóa  palao Triều Tiên. Panuac khan ni hu ba tabiak hadei di tuk Cộng hòa dân chủ bhap bini Triều Tiên tamat nyaom roya mbang ka 7 di Đảng Lao động Triều Tiên.

10/ Giám đốc jabat thông tin năng lượng Mỹ A-đam Xi-min-xki brei thau, yaom khí đốt tự nhiên nyu tagok di puac thun ini kayua bruk pandar dak harei dak ralo di dom gah công nghiệp./.