1# Thủ tướng barau tabiak Quyết định ka bruk rami ramik, khik caga, patagok, pandar saong mbang tui meng glai pacang caga; đầu tư patagok glai pacang caga. Tui nan, Thủ tướng pandar : oh brei cap mek dom  janih athur, phun glai quý hiếm saong dom janih hu ưu tien khik caga tui adat hukum dalam glai.

2/ Tỉnh Thừa Thiên - Huế hu ngak salah bloh bruk kuria caga piah khak ka mbang pakacah THPT pakat negar thun 2015 rah tabiak dalam siam mekre. Tỉnh jeng peih dom bruk ngak piah daong anek saih, abih di nyu nan lac anek saih gaok kan kandah, bhum atah bayah saong daok lingiu tỉnh. Piah daong anek saih mai pakacah, pasak duh sinh viên ĐH Huế parabha jaik 2.500 labik daok yaom lap di 4 ký túc xá Đống Đa, Đội Cung, Tây Lộc saong Trường Bia. Dom ký túc xá ini jeng daok jiak dom labik pakacah, yaom meng 25.000 tal 35.000 đồng sa harei, duk biak lagaih, hu labik bac daa karei, bruk mbang menyum jeng lagaih.

3# Meng harei 15 tal 20/6, di ban sit Đà Nẵng, mintri ilimo, padhih saong du lich, Tổng cục Du lịch meda peih Diễn đàn Du lịch Mê Kông 2015. Angan thun ini pataom tame dak padang dom talei pambuak bruk piah patagok pren khang, patagok Tiểu vùng Mê Kông peih praong (GMS) jeng sa labik nao du lich karei, hu du lich mbang menyum, du lich kham pha, du lich bhapbini saong dom jalan ilimo tapa negar.

4/ Barau ini, UB bhap bini tỉnh Bình Thuận brei buh tabiak 15 tỷ đồng piah daong jien ka dom đơn vị, puk palei pasiam veik bruk kurang ia pandar kayua pandiak bhang rah tabiak. Yaom jien nan pataom tame ngak 3 bruk praong nan lac daong blei ia pandar ka bhap bini; rok bingun, blei mac njuk ia, buh tame ngak jalan ba ia saong padang công trình ba ia.

5# Ủy ban bhapbini  tỉnh Khánh Hòa barau tabiak quyết định ka bruk phê duyệt bhum raong cim yến dalam tỉnh tal thun 2020. Bruk ba tabiak lac padang dom bhum, palei raong cim yen khik caga alam moi truong sinh thai, patagok tiem nang saong pren khang di palei raong cim yen, patagok khang kajap bruk raong cim yen langiu tu nhien; taphia nan, dak padang saong khik caga angan "Yến sào Khánh Hòa" di darak pasal dalam taneh ia saong dunya.

6/ Piah parilo janih phun pala, athur raong saong pambuak ứng dụng barau tame bruk ngak mbang pala drak, tukvak tapa, cty TNHH HPQ hu ba pajaih linh chi meriah tabiak pala di huyện pulao Phú Quốc tỉnh KG, camereip hu ba mai kein laba biak glaong. Tuk camereip, cty bahrau hu dom rituh phôi pajaih piah pala iek, tal urak ini hu labaih 15.000 phôi pajaih, yaok vụ meng 4 tal 6 bilan, paik hu labaih 50 kg (yaom pablei urak ini jaik 2 triệu đồng sa kg) bimao linh chi. Bruk pala bimao linh chi meriah nyu siam di labik lac lagaih saong môi trường, pandar ia ngầm tự nhiên piah pruh, nan ye khik hu salamat ka urang pandar.

7# Tui akaok Sở ngak nong saong patagok palei pala tỉnh Hưng Yên, dalam tỉnh hu labaih 20ha darang di labaih 170 sang di dua xã Hồng Nam (ban sit Hưng Yên) saong Hàm Tử (Khoái Châu), yaok xã hu 10ha hu brei mã vùng piah pablei tabiak darak pasal Mỹ. Tui nan, abih tih  sản lượng kuhria mek hu jaik 80 tấn darang. Piah khik caga tiêu chuẩn di darak pasal Mỹ, dom taneh pala darang pablei tabiak taneh ia langiu hu pasang iek khang tui jalan VietGAP, khik caga chất lượng saong biak hacih. 

Patui di ini dom khau tin dunya:

8/ Barau ini, di ban Sakai, tỉnh Qsaka - NB hu rah tabiak bruk peih mbaok danak dak ilamu – DL VN di Osaka thun 2015  kayua Tổng Lãnh sự quán Việt Nam di Osaka saong mintri ilamu, TT saong DL VN pambuak bruk peih tabiak. Dalam tukvak dua harei piah yaih khan nghệ thuật bhap bini hadah krah  di VN tal bhap bini NB di Osaka, tuk pahadar 40 thun harei yasa taneh ia saong 70 thun harei negar VN. 

9# Labaih 3 triệu uranaih di Pháp, sumu 1/5 menuac di taneh ia ini daok diuk dalam eik lipa, kathaot rambah, tui pathau khan di Quỹ Nhi đồng Liên Hợp Quốc (UNICEF) . UNICEF ieu dom gah chức năng Pháp ngak chip piah pasiam raidiuk ka uranaih taneh ia ini .

10/ 80% menuac sia Yemen, samu labaih 20 triệu bhap bini taneh ia ini daok caong hu daong pahala dalam tuk dom bruk không kích di liên minh quân sự Arap saong bruk mesruh metak di taneh ia ini dak harei dak khang jang. Labaih 20 triệu urang oh hu ia hacih pandar saong oh hu nhiên liệu piah pandar. Langiu di nan, dom bruk caong ngak pahala jeng biak cấp bách yau pandap mbang, jru tavao, dom sang bac njauk palai pajoa saong ralo uranaih njauk pacap nao linh./.