1/ Sở Lao động Thương binh song  Xã hội tỉnh Quảng Trị bahrau hu harak pathau khan ka bruk thưởng tết thun 2017. Tui nan, DN thưởng tết nguyên đán glnog di abih lac 80 triệu đồng  sa urang, takik di abih 100 ribau đồng yaok urang. Yaom thưởng tết anek sak menuk kuhria rah tapa dalam dom DN lac 5 triệu 400 ribau đồng yaok urang, glong di abih lac 80 triệu đồng yaok urang di 2 DN dân doanh song DN hu phun jien đầu tư tapak negar langiu ( FDI) takik di abih lac 100 ribau đồng yaok urang. 

2/ Ngak tui sarak di rajaei ka bruk kuhria tết ka puk palei, ka urang kan kathaot, urang daok sa drei, Binh đoàn 15 (mintri QP), hu alin hadaih labaih 5.000 paok pandap ka bhap bini daok di dom puk palei taphia negar dom tỉnh Bắc Tây Nguyên. Dom paok pandap tết hu daong ka mikva uan rok tết bui sambai, hanem phon.

3/ UB bhap bini tỉnh  Đác Lak bahrau patabiak Quyết định 37/QĐ-UBND ka bruk nao rivang, brei pandap ka dom kapul nyaom, menuac urang dalam tuk tết nguyên đán anek sak menuk 201. Tui nan, dom urang dalam sarak karja hadah krahh song gauk gar bộ đội palao Trường Sa, taha palei, akaok palei naih gheih hu alin brei 500 ribau đồn. Daok urang hu buh pren yava ka taneh ia, urang taha umo labaih 80 thun, urang sup meta, uranaih metui medar oh hu labik do, urang jakar, công chức, viên chức,  tapon nyaom bol pan phao krong song dom đối tượng Xh karei karei hu brei 300 ribau đồng. Tong abih yaom jien blei pandap Tết labaih 40 tỷ đồng hu UB bhap bini tỉnh kaoh meng kadung jien karja tỉnh

4/ Dalam 4 harei tapa, labaih 2.300 bhap bini daok di dom huyện bhum glaong Mường Tè saong Phong Thổ, tỉnh Lai Châu hu dom bác sỹ  sang iek ruak Hữu nghị Việt Đức iek ruak brei saoh. Jeng tapa nan, sang iek ruak Hữu nghị Việt Đức daok hu alin hadaih jaik 2.300 paok pandap tết, 20 blah phui, 200 blah aoli-ar yaom jaik 300 triệu đồng ka mikva saong dom adei anek saih di 2 huyện nan.

5#/ Tết quân dân thun 2017 di ban Cần Thơ hu angan "Quân - Dân Cần Thơ bui sambai tết song jum pataom dak padang rai duik văn minh đô thị" hu peih ngak di phường Thới An, quận Ô Môn. Dalam jiak 2 bilan, tapon nyaom bol pan phao krong song dom mban, ngành, kapul nyaom hu peih ngak rilo bruk hu makna yau peih ngak dom danak dak an sinh XH, iek glang ka boh sang sarak karja song puk ramik hacih saat alam môi trường

6/ Mintri ngak nông saong patagok palei pala brei thau, bruk raong glang dalam taneh ia daok tagok glaong, rik daong khik kajap bruk patagok di gah ngak nông saong jien mek tame di urang raong glang. Min, bruk raong pabui patagok “biak khang” dalam tukvak jaik di ini daok ngak lahik cân đối cung cầu, ba tal dom kadha oh siam tal gah raong glang praong ini.

7/ Kayua hajan liar dui atah dalam dom bilan meng lboh, ngak ka rilo kubau, limo di huyện Kon Plông, tỉnh Kon Tum liar metai. Ong Trịnh Xuân Quý, Phó jabat ngak nong song patagok palei pala huyện Kon Plông brei thau: Piah khik ka tapon athur, khol hulin ieu mik va pataom mek hareik, piah ka tapon athur hu pandap mbang. Dom var rol njauk ramik pasiam veik taom dar piah pacang hajan liar song hangin. Nền var rol pasiam veik meng bê tông

Patui di ini dom khau tin dunya:

8/ Sa đồng minh thân cận di Tổng thống Nga Vla-đi-mia Pu-tin brei thau, Nga halan hatian pasiam veik talei pambuak bruk saong Mỹ dalam dom bruk an ninh yau bruk mesruh pacang khủng bố saong tội phạm mạng. Panuac ini hu ba tabiak dom harei dahlau di tuk tok ngak Tổng thống Mỹ di ông Đô-nan Trăm.

9/ Quỹ Nhi đồng Liên hợp quốc (UNICEF) bahrau peih tabiak bruk ieu dom rajaei buh jien tame ngak saong ngak khang jang brku iek glang anek kamar, dalam nan njauk sangka dom thun thun bilan camereip di uranaih. Bruk mbang menyum kurang dinh dưỡng atau kurang bruk iek glang, anit ranam hatai anit rana, gam song stress, bạo lực meda pacang cakak bruk patagok di dom tế bào thần kinh.

10/ Cao ủy Liên minh châu Âu iek gah sarak ngoại giao Phê-đê-ri-ca Mô-ghê-ri-ni brei thau, Liên minh châu Âu (EU) hu peih sa nyaom meyai ka Xyri dalam bilan xuân thun ini di Brúc-xen, Bỉ. Panuac nan hu ba tabiak hadei di mbang nyaom akaok meti di Hội đồng sarak ngoại giao Liên minh châu Âu mbang camereip dalam thun 2017./.