1/ Thủ tướng rajaei bahrau brei mek bilan 5 yaok thun lac “ Bilan ngak ka  an toàn, vệ sinh lao động”. “ Bilan ngak ka  an toàn, vệ sinh lao động” piah paglong hatai sahaneng ngak njauk tui adat hukum ka an toàn, vệ sinh lao động. Saong piah jhul pakhang bruk peih ngak dom jalan ngak pasiam veik, patrun ô nhiễm môi trường lao động, patakik tai nạn lao động, ruak nghề nghiệp; iek glang pren yava ka urang ngak.

2/ Tukvak 2016 – 2020, tỉnh Phú yên ba tabiak jalan ngak lac hu labaih 65% dom xã saong hu 2 huyện mek hu tanut chuẩn palei pala barau; jien mek tameyaok tui akaok menuac jaik 48 triệu đồng sa urang yaok thun; baoh sang kan kathaot trun meng 2 tal 2,5% sa thun. Piah ngak hu bruk ini, tỉnh Phú yên kuhria meda pachreih phun jien đầu tư peih ngak dom tanut jiak 9.000 tỷ đồng; patui padang ngak palei pala barau pambuak saong rami ramik veik gah ngak nông saong salih barau kinh tế palei pala.

3/ Meng kreik bilan 2 tal bilan 6 thun 2016, 498 DN ( rilo meng lac DN hu phun jien buh tabiak ngak mbang negar langiu) dok di tỉnh Đồng Nai meda tuyển bahrau labaih 31.000 urang ngak pabak ka bruk peih prong sx, pabak ka dom urang ngak padeih bruk. Tuk vak DN tuyển rilo urang ngak di abih lac kreik bilan 2 tal bilan 3 thun 2016, kayua hadei di tết nguyên đán, dom urang ngak oh mai ngak bruk dalam tuk DN jhul pakhang bruk ngak  piah jao pandap ka gah blei.

4/ Hadei di labaih sa bilan peih ngak, pasak daong anek saih, sinh viên ban raya HCM hu mbaoh tangin tame pambuak bruk ba sinh viên caong ngak bruk tuk tết nguyên đán anek sak kara 2016 ka 195 doanh nghiệp hu angan jre dalam ban raya ngan saong 3.120 bruk ngak. Min, tal urak ini bahrau hu jaik 1.600 sinh viên tut angan tame duah bruk. Ong Lê Xuân Dũng, phaok giám đốc pasak daong anek saih, sinh viên ban raya HCM lac: Kol dahlak hu ginum meyai, mbaoh tangin tame harak pambuak bruk saong dom labik caong hu  ralo menuac ngak yau dom siêu thị, công ty iek gah jalan bingu.. kol dahlak hu mbaoh tangin saong dom doanh nghiệp piah khik kajap quyền lợi jeng yau gam gam cập nhật thông tin di dom ayut sinh viên piah ngak yau habar khik kajap quyền lợi di dom ayut sinh viên dalam dom harei jaik tết.

5/ Tui jalan yam tal bảo hiểm y tế tong abih bhap bini, thun 2015, ban Cần Thơ  hu 70% menuac sia hu Bảo hiểm y tế, samu jiak 870 ribau urang hu Bảo hiểm y tế, Chỉ tiêu ba tabiak di rajaei ka ban Cần Thơ dalam thun bahrau 2016 lac brei hu 73% urang hu Bảo hiểm y tế, dalam nan hu patagok bahrau di nyaom urang Bảo hiểm y tế boh sang. Jalan ngak dalam dalam tuk vak tal. ong Trần Văn Minh – Giám đốc Bảo hiểm Xã hội ban Cần Thơ brei thau: Piah mek hu bruk ni brei peih bruk pathau khan,  ngak habar ka urang thau hu makna, jalan ngak di sarak BHYT di Đảng song karja piah iek glang pren yava ka bhap bini

6/ Piah patagok DL, tukvak tapa tỉnh Lào Cai hu ba tame khai thác ralo janih DL yau: tham quan, padeih padei di Sapa, Bắc Hà, bein negar Hoàng Liên; DL sinh thái pambuak saong chinh phục tabung Fansipan; du lịch ilamu, cộng đồng di Sa Pa, Bắc Hà, Bát Xát; du lịch blei pandar di ban sit Lào Cai; DL tâm linh, DL nao tapa negar… piah hu điểm nhấn ka thun DL pakat negar 2017 hu peih tabiak di Lào Cai, puk palei ini daok sangka patagok dom pandap DL biak karei piah thỏa mãn hatai caong di tuai damuai.

7/ Danak dak “ papok har chưng xanh ka urang kan kathaot mbang tết” thun 2016 ngan song kadha “Xuân xum họp - Tết sẻ chia" hu rah tabiak di palei Ilamu - Du lịch dom bangsa Việt Nam meng harei 30-31 /1 njauk tame harei 20-22 bilan mat thun anek sak kara. Ni lac danak dak kayua mban khik ramik palei ilamu  Du lịch dom bangsa Việt Nam dang tabiak pambuak bruk song rilo đơn vị peih ngak piah yaih khan tal tuai damuai dalam song langiu negar janih ilamu siam uan raok tết meng kan di bangsa VN abih di nyu nan lac dam dara, anek saih, SV dong khik ramik, patagok dom ilamu meng kan di bangsa.

Patui di ini dom khau tin dunya:

8/ Hadei di sa tukvak katut panak duah thau, barau ini cảnh sát ban Sydney, bang New South Wales (Niu Xao Uên) di Australia cap hu sa urang kamei umo 24 thun  pachot pablei harak kapal haok ja tapa mạng CH Faceobook ka dom du học sinh VN. Urang ini, mek angan angaok địa chị Facebook lac Vi Trần, hu cap di sa địa chỉ di Petersham (Pi-tơ-sam), atah quận pasak ban Sydney jaik 6km gah Tây Nam. Urang ini njauk kreik saong hu ba tabiak tòa kaoh duac di harei 3/2 tal ngan saong panuac cap duac lac mbang jien padai sung hukum meng bruk pachot. 

           9/ Canada taduan hu 10.000 urang tị nạn Syria , suai jang 2 adit dut song bruk ba tabiak dahlau di nan song bahrau samu 40% panuac sinya. Min bruk hu urang Canada caik hatai sangka di abih lac urak ni oh lac bruk taduan hadom urang dut song bruk ba tabiak, bo ngak yau habar dong ka dom urang bahrau nhập cư hu tani tanat rai duik song pacang cakak dom bruk oh siam yau bruk rah tabiak di negar Đức tuk vak tapa.

10/ Gah y tế tỉnh Tứ Xuyên (Sichuan), Tây Nam Trung Quốc harei 14/1, brei thau hu duah mboh sa urang njom cúm menuk ada A/H5N1di tỉnh ini. Urang ruak nan lac sa urang likei, umo 42 thun, njauk viêm phổi, duk iek drah mboh dương tính saongvirus cúm A/H5N1. Urang ruak ini hu gaok menuk ada dahlau duah thau ruak saong biak nguy kịch. Jabat pacang cakak jit ruak puk palei hu tẩy trùng sang di urang ruak saong dom labik jaik taphia./.