1/ Bahrau ni, Đồn Biên phòng pambah mbang dunya  Móng Cái, tỉnh Quảng Ninh pambuak bruk song gah chức năng peih bruk am cuh klak jiak 1 tấn ikan ướp liar oh thau asar di nyu mai tapa pambah mbang dunya Bắc Luân. Tui kuhria mboh dalau, tuk vak jiak tết lac tuk vak dom urang pablei salih pandap mbang oh hacih bhian duah rilo jalan piah ba pandap mbang oh hacih, oh thau asar di nyu tame darak pasa, kayua yau nan ye, dom gah chức năng tỉnh Quảng ninh daok patagok bruk pasang iek catang di dom pabah mbang negar, darak praong song dom ban prong.

2/ Harei 18/1, Thành Đoàn Đà Nẵng, Hội sinh viên ban ĐN pambuak saong Công ty Trách Nhiệm Hữu hạn Pepsico Việt Nam, pasak daong SV ban raya HCM peih danak dak “Chuyến xe mùa xuân – tết sum vầy” thun 2017. Di labik ini, dom gah tài trợ hu alin hadiah 315 harak radaih ka SV, công nhân lao động dom tỉnh atah gaok kan kandah daok bac daa, ngak bruk di ban ĐN mai palei mbang tết. Yaok SV, công nhân hu taduan pok pandap yaom 100.000 đồng saong ia menyum luac tukvak mai palei mbang Tết haong gauk gar.

3. Ubbhap bini tỉnh Khánh Hòa hu caik tabiak 7 tỷ 200 triệu đồng blei pandap tết Nguyên đán anek sak menuk 2017 ka 16.700 urang sarak karja dalam tỉnh. Di huyện bhum ceik Khánh Sơn, urang dang akaok tỉnh song dom Sở, dom gah hu jao yaok ribau pok pandap tết ka dom boh sang urang bangsa takik di dom xã Thành Sơn, Ba Cụm Nam, Ba Cụm Bắc . Tui mban bangsa tỉnh  Khánh hòa, thun ni, 26 urang hu angan je dalam bhum urang bangsa takik, hu rilo rik dong ka bruk patagok KTXH, khik caga an ninh, quốc phòng hu taduan pandap tết di TƯ song di tỉnh   

4/ UB bhap bini tỉnh Bình Phước hu công nhận ngak salah bloh bruk padang ngak 12 xã palei pala barau. Thun 2017, tỉnh daok padang ngak ka pahu gilac 12 xã palei pala barau, patagok dom xã hu công nhận lac 27 xã dalam 92 xã dalam tỉnh. Tui taong yaom di mban tacei pato danak dak bruk ngak negar padang ngak palei pala barau dalam 12 xã barau hu công nhận; dalam nan, hu dom xã mek hu meng 14 tal 18 tanut palei pala barau. Yaom lac “tagok rai” palei pala barau min dom xã jeng daok sraiy veik dom tanut yau gah ngak jalan mbak palei pala, sang bac saong drak pasar.

5/ Salam uan Tết nguyên đán, Uan thun bahrau anek sak menuk thun 2017, tỉnh  Long An kaoh tabiak meng kadung jien karja tỉnh labaih 72 tỷ đồng piah dong, piah blei pandap ka urang dalam sarak karja song urang kan kathaot, tui jalan ngak lac “ yaok urang, yaok boh sang jeng hu mbang tết”. Dalam nan, labaih 64 tỷ đồng blei pandap ka dom urang dalam sarak karja song labaih 8 tỷ đồng ka urang kathaot. Langiu di nan, tỉnh Long An dok brei pandap ka boh sang gauk gar di amaik Anh Hùng, 325 boh sang Việt Kiều Campuchia,, dok rah tui jalan tapen negar di dom huyện Mộc Hóa song  Đức Huệ, yaok boh sang  500 ribau đồng. 

6/ Tỉnh đoàn Sóc Trăng barau ngak salah baoh saong ba tame pandar công trình dam dara “Truac hadah jalan palei” di palei Nhơn Hòa, xã Gia Hòa 2, huyện Mỹ Xuyên. Công trình hu padang 83 geng bê tông  piah vak talei điện, gom pui angaok jalan atah jaik 2.600 m ngan saong yaom jien jaik 170 triệu đồng. Công trình ini hu daong ka labaih 100 baoh sang ngan saong 500 menuac angaok jalan nan hu lagaih nao mai tuk melam, rik daong patrun patakik bala di puk palei.

7/ Di Cần Thơ , urang dang akaok ban peih bruk taom mbaok 150 văn nghệ sỹ naih gheih dalam jiak 600 văn, nghệ sĩ di ban tuk jaik tame thun bahrau anek sak menuk 2017. Di var taom mbaok, urang dang akaok ban taong yaom glong bruk ngak di dom văn nghệ sỹ dalam dak padang ilamu pamomg tal Chân –Thiện – Mỹ. Gah ilamu lac gah nao dahlau dalam bruk tham mưu ka urang dang akaok ngak pasiam sarak bahrau, pachreih kapul văn nghệ sỹ, nghệ nhân kham merat dalam bruk nghệ thuật

Patui di ini dom khau tin dunya:

8/ Tòa phúc thẩm Campuchia peih mbang  xét xử oh hu mbaok thủ lĩnh Đối lập Sam Rên-si, Chủ tịch đảng Cứu quốc ka duah vu khống Thủ tướng Hun Sen tacei pato pakat ala blei “Like” ka blah Facebook di ong. Ong Sam Rên-si oh hu mbaok di tòa kayua urak ini daok lưu vong di negar langiu saong hu brei luật sư lambaok mai hu mbaok. Tamat bruk tranh tụng, tòa phúc thẩm CPC brei thau hu tuyên án di harei 9/2 tal.

9/ Công ty rilo taneh ia ngak dom janih pandap pandar U-ni-le-vơ khan lac, tong abih kadung papaok meng nhựa dalam dom janih pandap di U-ni-le-vơ meda hu ngak veik dalam thun 2025. Công ty U-ni-le-vơ  ngak mỹ phẩm, hóa chất giặt tẩy, kem cah tagei, sabol raco akaok  brei thau meda padang bộ quy tắc ka bruk patom mek kadung papaok meng nhựa piah ngak veik, pandar veik piah dong khik caga alam môi trường.

10/ Harei 17/1 brei thau, harak pathau khan bruk meriak gauk nhân tài dunya 2017 (GTCI) hu ba Indonesia, nền kinh tế praong abih Đông Nam Á tame labik dang ka 90 dalam 118 taneh ia ngan saong điểm lac 36,81. Labik dang di Indonesia hu taong yaom glaong jang nền kinh tế barau tagok lac Ấn Độ (dang ka 92). Dalam tuk nan, dua taneh ia jaik taphia Indoensia lac Singapore hu 74,09 điểm GTCI, dang ka dua dunya, hadei Thụy Sỹ saong Malaysia dang ka 28 dunya ngan saong 56,41 điểm. /.