1/ Kapul Chữ thập đỏ tỉnh Kon Tum barau nao rivang saong alin hadiah 1.170 paok pandap tết hu: khan ao barau, mì tôm, brah, ia tương, saradang, bột ngọt, ikan thu…brei ka urang kan kathaot saong bhap bini bangsa takik daok di dua huyện Kon Rẫy saong Tu Mơ Rông, tỉnh Kon Tum. Abih tih yaom pandap nan lac 410 triệu đồng.

2/ Thun 2016, tỉnh Khánh Hòa hu buh jien tame ngak song pasiam veik 13 danak dak ia pandar palei pala, dalam nan padang ngak bahrau 3 dana dak ba ia ka yaok ribau boh sang di dom xã palao. Langiu dom xã palao, thun 2016 Khánh Hòa dok padang ngak, pasiam veik rilo danak dak ia pandar ka dom xã bhum ceik di huyện Diên Khánh, huyện Khánh Vĩnh.

3/ UB bhap bini tỉnh Bình Thuận barau peih bruk pok brei angan nghệ nhân ưu tú gah inem krung ilamu phi vật thể thun 2015 kayua akaok negar mboh tangin alin brei kayua hu buh rilo pren yava dalam bruk khik ramik saong patagok inem krung ilamu di bangsa. Tui panuac caong khin pok brei angan di tỉnh Bình Thuận, akaok negar hu pok brei angan nghệ nhân ưu tú dalam gah inem krung ilamu phi vật thể ka 9 urang, dalam nan hu dom nghệ nhân Chăm lac: Ong Cửu Lạc, ginang Chăm; ong Thổ Đồng, alat ragam Chăm; amuk Đào Thị Sâu, menyim khan bai Chăm; amuk Đơn Thị Hiệu, khik ramik bruk ngak lan am meng kan; ong Thường Xuân Hữu, ngak adat cambat di urang Chăm Bà la mô.

4/ Thun 2016, Sở LĐTB song XH tỉnh Trà Vinh kham merat ba bruk ngak ka 22.000 urang ngak, patrun urang oh hu bruk ngak dok 3,8% song patrun urang ngak kurang bruk ngak ala 5%. Thun bloh, Trà Vinh hu ba bruk ngak ka jiak 66.000 urang. Dalam tỉnh hu pato bruk ngak ka labaih 15.000 urang. Tỉnh jeng hu peih brei jien labaih 7 tỷ đồng peih ngak danak dak pato bruk ngak ka urang ngak palei pala.

5/ Sở pato megru tỉnh Đắc Lắc daok ramik pasiam veik tài liệu ragu daoh bhap bini Tây Nguyên piah ba tame pato di dom sang bac. Baoh tapuk kayua mintri pato megru pambuak saong quỹ nhi đồng LHQ biên soạn saong hu brei saoh tal 2.500 sang bac di 5 tỉnh Tây Nguyên. Langiu bruk peih brei saoh, tài liệu jeng hu số hóa piah brei thau angaok internet. Meng ini tal thun 2017, sở pato megru tỉnh gam saong mintri pato megru biên soạn, phát hành gilac dom tài liệu yau: dalikan bhap bini, rija roya, danh lam thắng cảnh saong inem krung sajarah dak rai Tây Nguyên.

6/ Dalam 2 harei 17 saong 18/ 1 di huyện Ba Chẽ, tỉnh Quảng Ninh hu peih harei pataom te bingu katam. Harei pataom piah piah yaih khan dom janih pandap meng kan di huyện, tapa nan ieu pachreih urang buh jien tame ngak mbang song pachreih ba bhap bini peih prong taneh pala drak jang yau ngak tabiak dom janih jru , dalam nan hu phun te bingu katam. Jeng dalam harei pataom hu rah tabiak dom danak dak doh tako, dom kadha main bhap bini ndung bak ilamu bangsa yau cờ người, chọi chim, jhul gai.

Patui di ini dom khau tin dunya:

7/ Nghị viện Nga pasang iek hukum oh brei urang đồng đồng tính, song tính saong chuyển giới ranam gauk di labik công cộng. Hukum hu ba tabiak meng puac bilan 12/2015 meng bloh. Meyah hukum hu brei tapa, dom bruk anit ranam gauk di dom urang hu giới tính yau gauk oh njauk haong adat cambat meng kan oh brei di labik công cộng. meyah ngak sung njauk phạt 65 USD atau daok gut dalam 15 harei.

8/ Karja Nhật Bản brei kreik pambah mbang rilo jalan cao tốc, klaak rilo mbang par song jalan pasei, hadei di tuk sa mbang bão tuyết khang tuh tame labik gah pai song gah barak negar ni di mesup harei 18/1, 26 urang njauk rambuac tuk peih radeih di angaok jalan dane kayua băng tuyêt bak di dom labik nan. Jabat dự báo thời tiết Nhật Bản hu  tabiak panuac brei bhap bini thau lac mbuan gaok bala kayua dane, hangin khang, riyah tasik paoh glaong di dom labik gah pai song gah barak negar ni.

9/ Di Ríp-nê saong di Ki-rô-vô-grát hu dom urang metai kayua cúm, dalam tuk dom labik jit hu tabiak panuac brei thau di dom sang bac dalam ban ine Kiev, dom tỉnh Vin-nít-xa, Đô-nhét-xcơ, Khác-cốp saong Ô-đét-xa. Urak ini dom bác sĩ daok hu mbaok di mblang kapal haok, ga radaih pui, saong anek saih brei padeih bac. Min, gah y tế Ukraine brei thau virus cúm A/H1N1 jeng oh ka tamuh jeng jit di taneh ia ini./.