Da a mikva saong grauk yut pang dom khaw tin ka an toan hacih saat pandap mbang menyum

1# Công ty Trách nhiệm hữu hạn sa thành viên Việt Nam Kỹ nghệ súc sản (Vissan) brei thau, taong abih dom labik pablei rilo metah di công ty ini jeng hu pablei  taong abih ralo pabui hu chứng nhận VietGAP. Ông Văn Đức Mười, Tổng Giám đốc Vissan ndom lac : “Piah hu bruk nan lac kol dahlak pandar urang raong glang njauk tut angan raong glang tui tiêu chuấn VieGAP. Tuk kol dahlak pandar yau nan saong blei meng yaom glaong labaih 500 đồng/sa ký lac urang raong glang ngak hu. Anak bruk bức xúc di urang blei kol dahlak njauk salih bruk ngak mbang. Yau nan ye, labik sik raih, pablei salih kol dahlak jeng njauk salih saong salih gam yaom.

2/Anak bruk pandap mbang oh hacih sa-at daok hu pablei bak drak pasar, ralo baoh sang di tỉnh Đồng Nai hu pandar dom labik taneh sit sot dalam mbang bein di sang pala dom janih njam piah hu njam hacih piah mbang. Meng hộp xốp, chậu phun tal taneh sit anak sang jeng hu bhap bini pandar piah pala njam hacih piah mbang

3# Di cửa hàng njam hacih Tani G.A.P, ban sit Tây Ninh, tỉnh Tây Ninh asal pandap njam patam baoh traoh pablei di ini hu blei meng dom hợp tác xã pala njam hacih njauk tiêu chuẩn VietGap ye Rỗng Tượng (huyện Gò Dầu), Long Mỹ (huyện Hòa Thành), Hương Việt (ban sit Tây Ninh), Tổ hợp tác Thái Bình (huyện Châu Thành) saong rilo janih njam ôn đới karei hu blei di dom hợp tác xã njam hacih di Đà Lạt (tỉnh Lâm Đồng). Langiu di nan, cửa hàng daok hu labaih 200 janih pandap mbang thu ye ikan tasik, mực 1 pandiak, ia tương, ia mesin, mì gói, ia tasau…duh ka  bhapbini blei.

Kol dahlak likau khan dom khau tin ka bruk ngak ilamu:

4/ Tui chi cục khik caga phun pala tỉnh yên Bái, dom harei tapa di Yên Bái hu hajan phùn, pasah, palagaih ka halak di dom mblang hamu padai đông xuân tagok khang. Urak ini, mbalng hamu padai đông xuân njauk halak di tỉnh yên Bái  tagok tal 600 ha, hu dom janih ruak đạo ôn, đốm sọc, thu hala; rầy nâu, rầy ka-ing patih. Anak bruk halak halin meda ngak patrun năng suất vụ padai ini, chi cục khik caga phun pala tỉnh yên bái daok tacei pato dom puk aplei kham merat tabiak rivang hamu, pandar dom janih jru khik caga phun pala njauk janih saong pruh tui tacei pato.

5# Dalam dom bruk ngak piah salam uan harei ilimo dom bangsa Việt Nam (19/4), bhapbini dom bangsa meda pataom gauk di palei ilimo - Du lịch dom bangsa Việt Nam (palei Đồng Mô, ban sit Sơn Tây, Hà Nội) piah pataom tame dom bruk biểu diễn nghệ thuật piah yaih khan tal bhapbini ban ine saong tuai damuai dom ilimo gheih mekre di bangsa drei. Dom rija, dom daoh kadha daoh bhapbini, dân vũ, bruk mein mengkan, parang iek saong pablei dom pandap puk palei saong pandap mbang menyum bangsa gam piah khik, patagok dom yaom ilimo, adat cambat tanarakun di bhapbini dom bangsa VN gam rik daong paglaong bruk taom gaok di dom bangsa, pachreih tuai du lịch, dak padang labik mai palei ilimo - Du lịch dom bangsa Việt Nam.

6/ UB bhap bini tỉnh Thừa Thiên-Huế barau peih bruk pok brei angan “nghệ nhân ưu tú” dalam gah inem krung ilamu phi vật thể ka 8 urang hu buh rilo pren yava dalam khik ramik saong patagok inem krung ilamu bangsa. Dom nghệ nhân ini hu ralo rik daong dalam bruk khik ramik saong patagok inem krung ilamu bangsa, abih di nyu nan lac ngan saong dom gah Nhã nhạc cung đình, daoh Huế, nghệ thuật diễn xướng saong parang iek alat ragam bhap bini dom bangsa bhum ceik, pandap mbang Huế saong y học bangsa.

Khaw tin dunya

7# Nhật báo Gran-ma di Cu-ba brei thau, Cu-ba meda peih bambang darak pasal pablei salih di karja ka dom doanh nghiệp tư nhân, yau sa binah di dom cải cách kinh tế bo taneh ia ini daok peih ngak, jeng ye piah trun áp lực gah yaom kaom di dom gah .

8/ Rajaei Mali brei thau, meda brei dui atah bruk khẩn cấp dalam taneh ia tal harei 15/7 tal piah patui bruk pacang chủ nghĩa khủng bố, dalam tuk taneh ia Bắc Phi ini daokdang anak dom bruk thánh chiến cực đoan./.

9# Nga saong Trung Quốc pandar Hội đồng bảo an Liên hợp quốc duah thau bruk dom kapul phiến quân daok  ngak saong pandar khí độc di Xy-ri. Panuac ieu ini hu ba tabiak hadei di tuk rajaei Xy-ri meng akaok bilan khan lac kol IS hu cuh dom đạn pháo hu khí mù tạc di dom căn cứ quân sự di tỉnh gah timul Đê-i An Do./.