1# Dalam jaik 10 harei tapa, di ban sit Đà Nẵng hu 5 mbang khuah glai di labik glai Sơn Trà, Hòa Khánh Nam, Hòa Bắc, Hải Vân saong jaik labaik glai đặc dụng Bà Nà-Núi Chúa. Ông Lê Mạnh Hùng, Phó akaok Chi cục Kiểm lâm ban sit Đà Nẵng brei thau : “Kol dahlak daok duah thau, min mboh makna akaok mereip lac kayua chủ quan di anek menuac. Kol dahlak hu pathau khan angaok dom phương tiện thông tin đại chúng, cảnh báo khuah glai, mbaoh tangin sanya;  apdang 61 tổ caga khuah padam khuah glai hu labaih  600 urang, parabha gauk khik iek luac harei melam. Praong jang lac kol dahlak khang hatai duah thau, langyah catang bruk xử lý thực bì tuk oh ka hu adat di Kiểm lâm saong karja pak nani”

2/ Oh khin eik lipa kathaot rambah, kham merat yam tagok angaok bhum taneh kan kandah, saai Tòng Văn Xương daok di palei Huổi Khăng, xã Sốp Cộp, huyện Sốp Cộp, tỉnh Sơn La  khang hatai buh jien tame bruk “raong menuk tano binai pambuak saong jamriah kram baoh dalam  sang”. Urak ini, bruk ngak di saai daok ba mai kein laba, hu ralo mikva dalam bhum bac megru ngak tui.

3# Ngan saong kadha “710 thun Thuận Hóa- Phú Xuân-Thừa Thiên Huế- inem krung ilimo saong mbeik drei tame, patagok”, Festival Huế mbang yaka 9 rah tabiak dalam 6 harei meng harei 29/4 tal 4/5) daok ngak veik rilo rija roya gheih mekre yau ye : Lễ tế Giao, melam Hoàng Cung; melam pataom menyek Quảng Chiếu, rija jalan phố, harei pataom ao atah… 

4/ Melam 21/4, gah chức năng tỉnh Kon Tum hu duah mboh, cap mek 140kg ralo menuk oh thau asal di nyu daok hu pajeng nao pablei. Taong abih ralo menuk cap mek nan hu kapul ngak bruk di blai cảnh sát jalan mbak Ngọc Hồi jao ka blai dut iek jit Măng Khênh, chi cục thú y tỉnh Kon Tum langyah tui adat.

5# Amuk Nguyễn Xuân Thu, akaok Uỷ ban bhapbini xã Minh Thuận, huyện U Minh Thượng, tỉnh Kiên Giang brei thau, harei kabroi 20/4, di canah jalan meng pasak huyện U Minh Thượng nao xã Minh Thuận, labik tổ 1, ấp Minh Dũng rah tabiak sa mbang glut jalan ngak ka labik jalan atah 33m jeng danao dalam, ngak gar jalan nao mai . Hadei di tuk rah tabiak bruk nan, Sở Giao thông vận tải tỉnh Kiên Giang hu tacei pato dom gah thi công ngak paga pacang, pasaim glut jaleih, taphia nan, peih jalan phụ tapa taneh di  bhapbini piah radaih patuh saong bhapbini nao mai.

6/ Tui duk kinh tế - hạ tầng ban sit Ngã Năm, tỉnh Sóc Trăng, lịch trun pajaih bilan hè thu 2016 di ban sit meng harei 10/5. Min tal tukvak ini, hu labaih 3.500 ha padai hu urang nông trun pajaih bloh. Makna lac kayua mikva mboh yaom padai tagok; gam tuk, taduan ia taba meng thượng nguồn. Saai Trần Hoàng Giang daok di palei Tân Chánh C, xã Tân Long, ban sit Ngã Năm, tỉnh Sóc Trăng brei thau: “Ralo urang njuk ia tapa hamu di drei nan ye dahlak njaukdrak tui, meyah caik nan lac khut taneh abih”. 

7# Tui mintri ngak nong saong patagok palie pala, ia mbak njom tame di bhum taneran kraong Cửu Long tukvak tapa ngak ka jaik 3.800 ha taneh raong hadang njauk khat lahik, ngak kan kandah praong tal hadang nguyên liệu di rilo doanh nghiệp. Ông Vũ Văn Tám – Thứ trưởng mintri ngak nong saong patagok palei plaa ndom lac, taneh hadang palao raong tok hu 50% bruk ba tabiak. Piah khik caga bruk raong tani tanat dalam thun 2016, urang nông njauk caga ương pajaih meng 30 tal 45 harei dahlau si ba tabiak danao palao raong tuk lingik siam lagaih .

Patui di ini dom khau tin dunya:

Pathau khan di tổ chức hòa bình xanh brei thau, tanut ô nhiễm không khí di bhum gah pai TQ patagok dalam 3 bilan akaok thun ini, dalam tuk dom ban di taneh ia ini oh pabak hu tanut chuẩn negar ka bruk khik kajap chất lượng không khí.

9 # Urak ini, Campuchia daok yam tame tukvak kurang ia menyum saong ia ngak mbang ngak huak di bilan thu. Bhapbinin dom huyen di bhum atah bayah, bhum ceik dalam taneh ia jeng kurang ia menyum saong ia ngak mbang ngak huak biak trak. Yaom ia pandar urak ini tagok jaik 3 mbang duk saong dahlau thiah, min biak kan si blei. Piah patrun kan kandah, rajaei hu kaoh tabiak meng kadung jien karja piah ba ia pandar saong ia menyum tal dom bhum kan kandah, min jeng oh pabak ginup ka bhapbini.

10/ Rajaei Ấn Độ hu khan tagok tòa án tối cao bruk 330 triệu menuac di 12 bang di taneh ia ini gaok kan kandah kayua pandiak bhang khang. Rajaei Ấn Độ jeng daok duah dom jalan daong dom bang njauk pandiak bhang anak bruk kurang ia saong nhiệt độ tagok glaong./.