1 # Hadei di tuk pang blaoh taong abih harak pathau khan kayua Tổng Bí thư Nguyễn Phú Trọng puac dalam van peih nyaom roya XII di Đảng, ralo urang Cam pak tỉnh Bình Thuận biak njauk hatai haong jalan mong iek veik dom kadha ngak hu jang yau oh ka ngak hu dalam nhiệm kỳ tapa. Bhap bani biak sangka tal dom kadha daok tavak tavaiy dalam dom gah pato megru, ilamo saong công nghệ, ilamo, xã hội, y tế... Rai diuk di bhap bani, abih di nyu lac bhum atah bayah, bhum urang bangsa takik daok gaok ralo kan kandah. Ong Lư Văn Xuống daok pak xã Phan Hòa, huyện Bắc Bình, tỉnh Bình Thuận caong khin:

Băng tiếng Chăm:

2/ Tapa tui iek nyaom roya pakat negar mbang ka 12 di Đảng, ong Nguyễn Văn Giai, daok di phường Thạch Thang, quận Hải Châu, ban Đà Nẵng njauk hatai saong ralo bruk bo ong Tổng Bí thư Nguyễn Phú Trọng hu pathau khan; abih di nyu nan lac bruk jum pataom dalam Đảng. Ong Nguyễn Văn Giai  brei thau: “Dalam taong abih dom bruk bo ong Tổng Bí thư pathau khan dahlak njauk hatai abih lac bruk jum pataom dalam đảng, jeng yau jum pataom dalam bhap bini. Brei jum pataom gauk dalam đảng. Caong khin mban chấp hành barau patui jalan di đảng drei, lambaok ka đảng piah pan akaok ba jalan ka bhap bini”.

3 #  Sở Pato megru Hà Nội bahrau hu harak payua tal dom Jabat pato megru, dom sang bac ka bruk kuhria caga raok Tết Nguyên đán Bính Thân thun 2016. Tui nan, tukvak padeih Tết di urang jakar, urang ngak pak Sở, Jabat pato megru, anai gru, cei gru, anek saih dom sang bac meng pakat mầm non tal pakat Trung học phổ thông, pasak pato kỹ thuật tổng hợp, pasak pato thường xuyên hu padeih Tết Nguyên đán meng harei 6/2 tal abih harei 14/2 (nan lac meng harei 28 bilan Mat thun thak pabe tal abih harei 7 bingun bilan Tha thun thak kra, abih tih lac 9 harei).

4/ Tui kuhria mboh di BHXH tỉnh Lai Châu, meng akaok thun 2015 tal ini, hu jaik 440 ribau mbang urang kan kathaot hu iek ruak meng yaom jien BHYT nan lac labaih 94 tỷ đồng. Bruk nan brei mboh sarak BHYT hu nao tame dalam rai diuk di urang kan kathaot, urang bangsa takik hu mbang ginup, njauk sarak BHYT, rik daong paglaong pren yava, tani tanat rai diuk di mikva.

5 #  Hãng kapal haokg yaom lap Jetstar meda peih pablei 20 ribau vé kapal haok yaom lap meng 49 ribau đồng ka sa mbang nao dalam tuk Jetstar hu taong yaom lac Hãng kapal haok yaom lap hu dịch vụ siam thun 2015 – tui duah thau darak pasar di Nielsen. Dự án roh duah “duah thau hatai sahneng di tuai nao saong taong yaom angan je hãng kapal haok dalam taneh ia”, urang bhian nao di yaok hãng, kayua Nielsen peih ngak pak Hà Nội, Hải Phòng, Nghệ An, Đà Nẵng, Khánh Hoà, Đắk lắk, Bình Dương, Đồng Nai, bal raya Hồ Chí Minh, tapa dom urang tuai likei kumei umo meng 18 - 50. Jetstar Pacific hu tuai palih ruah lac hãng kapal haok yaom lap hu dịch vụ siam

6/ Gam saong bruk salih janih phun pala pacang pandiak bhang, dom thun tapa, tỉnh Phú yên hu padang ngak ralo danao thủy lợi, dom kraong ribaong duh ka bruk ngak nông, ngan saong yaom jien yaok ribau tỷ đồng. Urak ini, yaok huyện hu takik di abih sa tal dua công trình, rik daong ka bruk caga ia pruh ka phun pala, abih di nyu nan lac padai ia.

7 # Harei 21/1, angaok jalan Hồ Chí Minh labik tapa huyện Đắc Glei, tổ ngak bruk di Trạm Cảnh sát giao thông Ngọc Hồi, dalam Phòng Cảnh sát giao thông Công an tỉnh Kon Tum duah mboh 2 mbang pajeng ba rilo menuk ada ngak la-ar oh thau asal di nyu mai meng halei. Tổ ngak bruk hu ngak harak biên bản, cap mek taong abih 350kg rilo menuk, takai menuk ngak la-ar oh thau cambaih laih asal di nyu saong jao bruk ini ka Balai dut iek động vật Măng Khênh dalam  Chi cục thú y tỉnh langyah njauk tui adat hukum.

Patui di ini dom khau tin dunya:

8/ Dalam mbang nao rivang Ai Cập di akaok TQ Tập Cận Bình harei 21/1, urang ngak praong 2 taneh ia hu mbaoh tangin  tame 21 thỏa thuận brei adat TQ patagok phun jien buh tame taneh ia Ai Cập ralo menuac di abih saong daokpatagok veik hadei dom srau kadau chính trị meng thun 2011. Dom thỏa thuận ini piah buh tame ngak cơ sở hạ tầng saong hệ thống điện ka tukvak 1 di dự án ban ine hành chính barau di Ai Cập di thun hadei.

9 # Kuhria meng harei 2/2 anak tal, taong abih dom urang njuk pakao klaak akaok pakao oh njauk labik, oparah akaok pakao oh njauk labik brei thau dahlau akaok pakao oh njauk labik,  njauk taong phạt jien meng 30 tal 200 euro (32,51 đến 216,72 USD). Ini hu mong lac jalan ngak khang piah pacang cakak bruk kurang ý thức di urang njuk pakao hala pak Italy ngak jhak khang tal alam môi trường.

10/ Diuk di Tổng thống Ápganixtan Ru-la Ga-ni  brei thau, rajaei jum pataom bangsa Ápganixtan  meda padang ngak sang bac đại học akaok meti brei ka urang kamei di taneh ia ini. Brei panuac di sa mbang họp báo, amuk Ru-la Ga-ni ndom lac, tổng thống Mô-ha-mát Ga-ni hu mbaoh tangin brei padang ngak sang bac đại học akaok meti brei ka urang kamei di Ápganixtan. Sang bac đại học ini hu daong dom anek saih kamei oh hu adat tui bac di dom sang bac đại học hu nao bac veik./.