1/ Pambuak tal bruk boh kayau đông lạnh hu njom vi rút viêm gan A yau khau tin di dom harak mbao dalam tuk vak jiak di ni, ong Nguyễn Xuân Hồng, Cục trưởng Cục khik caga phun pala, mintri ngak nong song patagok palei pala ndom lac boh kayau đông lạnh njom vi rút viêm gan A hu asal meng Trung Quốc oh ka tame VN

2/ Hadei di labaih 2 thun peih ngak, công trình ba ia hacih xã Nhơn Hải, ban sit Quy Nhơn, tỉnh Bình Định hu ngak salah bloh saong ba tame pandar, oh daok bruk pandar ia njom mbak, kli trak di mikva xã bán đảo ini.

3/ Meng bruk pala phun piah pacang halui, pacang hangin ka bein cà phê, urak ni rilo urang nong di tỉnh Đắk Lắk hu salih bein tạp, bein cà phê oh takik kein liba tapa pala dom janih phun mbang boh chất lượng glong yau bơ sáp, durieng hatai katam asar pet, chôm chôm tui jalan pala piah pablei, ba mai kein liba glong.

4/ Dalam bui sambai akaok thun barau, sở ilamu – Thể thao saong Du lịch tỉnh Gia Lai peih bruk padang ngak veik harei pataom daoh Cầu huê di urang Việt bhum An Khê. Ini lac sa dalam dom lễ hội Tế Xuân, brei mboh cambaih di abih bruk jum pataom di urang Kinh saong urang Thượng dalam tuk camereip urang Việt mai padang mbang ngui di cao nguyên.

5/ Tui jalan ngak lac taong abih ka urang kan kathaot, bruk brei ka boh sang kan kathaot nyim taneh pala njam patam di karja xã Tam Giang Đông, huyện Năm Căn, tỉnh Cà Mau tuk camereip hu ba mai kein liba cambaih laih saong palei Hố Gùi, xã Tam Giang Đông nan lac sa dalam dom palei mek hu rilo kein laba.

6/ Meng bruk padang dom mô hình yau: kapul rik pataom phun jien payeng, daong pabui anek, brei nyim meh, kapul hun padai… gam saong bruk pablak dom danak dak daong patrun kathaot di TƯ, di tỉnh. Kapul liên hiệp urang kamei tỉnh Vĩnh Long hu daong ka 6.246 baoh sang urang kamei patruh kan kathaot, patagok khang kajap.

7/ Gam pachreih rong glang trang trại, gam dong patagok kein laba, bruk pasang iek jit ruak, alam môi trường song siam mekre hacih saat pandap mbang ka bruk rong glang di boh sang urang nong lac jalan ngak di gah rong glang tỉnh Tiền Giang dalam tukvak anak tal. Min, mbiah tal tukvak ni, langiu di dom mô hình pambuak bruk ye ini daok lac bruk kan di abih ka gah rong glang di tỉnh.

Patui di ini dom khau tin dunya:

8/  Di ban ine Cairô, Đại sứ quán gam saong bhap bini urang Việt Nam daok di Ai Cập hu mbaok tame harei pataom ilamu Sakia mbang ka 12. Ini lac harei pataom ralo ilamu hu peih tabiak yaok thun di Ai Cập piah yaih khan, klah rabha dom ilamu mai meng dom taneh ia saong bhum lãnh thổ angaok dunya.

9/ Bol bala Mỹ bahrau tamat bloh bruk ngak di Libêria avar jang 4 bilan dut song tukvak ba tabiak piah palahik bruk njom mbak di virút Êbôla di negar Tây Phi ni. Min brei panuac di mbang tamat bruk ngak ni, Urang dang akaok bol bala Mỹ Gari Vôlêxki ndom lac mbang mesruh pacang vi rút metai menuac ni oh ka padeih.

10/ Tui ong Pao-pô Côn-tê, Giám đốc pasak pacang cakak jit Ê-bô-la pakat negar di Xi-ê-ra Lê-ôn, dom urang njom Ê-bô-la daok patagok veik di taneh ia ini dalam dom harei tapa. Eng di ban ine Phri-thao, dom urang njom barau dalam adit ini hu patagok glaong di abih nan lac 16 urang sa harei. Makna nan lac kayua dom bruk dar urang metai oh hu vệ sinh, abih di nyu nan lac dom labik gah pai taneh ia ini./.