1# Pagaiy harei 22/4, di Hà Nội, Ban Tuyên giáo Trung ương, Học viện Báo chí saong Tuyên truyền, Tổ chức Lao động dunya (ILO) pambuak bruk peih harei alin Giải báo chí ka lao động saong bruk ngak mbang yaka 3.  Ban peih ngak hu alin giai nhất thể loại báo in saong báo mạng điện tử ka tác phẩm "dom urang xóa mù adat hukum ka urang ngak ''di tác giả Lê Thị Tuyết (báo Lao động). Giải nhất thể loại papar sap papar binguk hu alin ka dom tác phẩm 3 kỳ ''urang ngak nao labik karei – jua gindang palei pala, glaih glan labik phố thị'' di tác giả Trần Bá Duy (VOV2, rayo sap ndom Việt Nam)…

2/ Harei 22/4, di Văn Miếu Quốc Tử Giám, Quỹ patagok Sử học VN, kapul ilamu sajarah dak rai VN peih bruk pok meyaom saong jao thưởng ka 133 anek saih joi pakat negar kadha lịch sử dalam mbang pakacah anek saih joi pakat THPT. Dalam nan hu 6 giải sa, 59 giải dua saong 68 giải 3. Dom giải sa laik tame tangin dom anek saih dom sang bac THPT chuyên Bắc Giang, chuyên Tuyên Quang, chuyên Phan Bội Châu (Nghệ An) saong chuyên Võ Nguyên Giáp (Quảng Bình).

3# Tại tỉnh Phú Yên, Kapul pachreih bac Việt Nam barau pambuak bruk saong mintri pato megru peih pasram bruk taong yaom, xếp loại “bhapbini bac megru ” pakat xã ka dom tỉnh, ban dalam taneh ia. Di var pasram, dom urang jakar hu tacei pato bruk taong yaom mo hinh “ bhapbini bac megru”; duah pataom minh chứng saong brei điểm 15 tiêu chí xếp loại; yaih khan dom tài liệu dut iek, taong yaom bruk  “ bhapbini bac megru” pakat xã…

4/ Mesup 22/4, hội đồng bhap bini tỉnh yên Bái mbang XVII peih mbang nyaom ka 16. Ini lac mbang nyaom puac abih di hội đồng bhap bini tỉnh, tukvak 2011 – 2016. Dalam mbang nyaom ka 16, hội đồng bhap bini tỉnh Yên Bái hu brei tapa 6 sarak yau: sarak ka bruk patabiak lệ phí hộ tịch; sarak ka pasiam veik, pabak lệ phí tut angan cư trú, lệ phí chứng minh bhap bini;  ka bruk patabiak dom sarak patagok nguồn nhân lực tỉnh Yên Bái tukvak 2016 – 2020.

5# Dalam dom harei tapa, di tỉnh Sơn La rah tabiak danakdak taom gaok hữu nghị dam dara Sơn La saong dam dara tỉnh Luông Nặm Thà, Luông Pha Băng, taneh ia Cộng hòa dân chủ bhapbini Lào. Danakdak hu dom bruk ngak makna ye : ravang iek labik inem mek cách mạng Việt Nam – Lào, ravang saong alin 5 paok pandap ka dom sang sarak di bản Lao Khô, huyện Yên Châu, tỉnh Sơn La; ....Saai Thoong Khăm Hung Sạ Vặt, Phó Bí thư đoàn sang bac Đại học Su Va Nông Vông, tỉnh Luông Pha Băng chreih chrai brei thau : (Dahlak biak bui sambai tuk hu nao ravang saong taom gaok  kapul dam dara di tỉnh Sơn La, abih di nyu nan lac hu ravang labik inem mek sajarah cách mạng Việt Nam – Lào di bản Lao Khô, huyện Yên Châu. Jia lac meng hatai jum pataom,  hữu nghị đặc biệt ini dahlak hu yaih khan ka dam dara di sang bac Đại học Su Va Nô Vông, labik dahlak daok ngak bruk .)

6/ Mesup 22/4, Bí thư Thành ủy ban raya HCM Đinh La Thăng hu var taduan ong Iijima Isao, Cố vấn đặc biệt di Thủ tướng Nhật Bản. Bí thư Thành ủy Đinh La Thăng  caong khin ban raya Hồ Chí Minh lac labik mai tal saong lac baoh sang ka 2 di ong Iijima Isao, Cố vấn đặc biệt di Thủ tướng Nhật Bản.  Ông Iijima brei thau, hadei di var taom gaok ini, gah NB hu jao ka ban raya HCM dom sruh radaih padam khuah janih sit.  

7# Kapul pasang iek di Ủy ban Thường vụ Quốc hội hu nao pasang iek bruk kuhria caga ka mbang pilih ruah urang ka Quốc hội mbang XIV saong Hội đồng bhapbini dom pakat tukvak 2016-2021 di tỉnh Vĩnh Long. Kapul dut iek pandar Hội đồng pilih ruah  tỉnh Vĩnh Long pataom tame pathau khan bruk kuhria caga pilih ruah di dom xã bhum palei pala, bhum agama saong bhum bangsa; peih bruk duah pasang veik số lượng, angan cử tri dalam tỉnh khik caga njauk, taphia nan paglaong bduk khik caga an ninh trật tự piah harei pilih ruah njauk lac harei roya di bhapbini.

Patui di ini dom khau tin dunya:

8/ Jabat khí tượng NB brei thau ia hajan duk hu dalam harei 21/4 di dom labik megei baoh taneh tagok tal jaik 100 mmmm. Yaok rituh urang hu panduan nao tal labik daok barau kayua huac jaleih taneh meda rah tabiak.

9# Giám đốc Cục Điều tra Liên bang Mỹ (FBI) Giêm Cô-mây (James Comey) harei 21/4 brei thau, piah tame hu dalam baok Ai-phôn (iPhone) di sa dalam dom nghi can di mbang cuh phao di Xan Bê-nác-đi-nô (San Bernardino), bang Ca-li-pho-ni-a (California), Cục Điều trak Liên bang Mỹ njauk bayan labaih 1 triệu đô la Mỹ.

10/ Urang ngak praong Mỹ harei 21/4 hu cáo buộc sa urang kamei Mỹ asal TQ âm mưu xuất khẩu sung hukum công nghệ di Mỹ, hu pandar dalam dom kapal haok oh hu menuac peih ngak bruk ala ia brei ka sa urang dalam karja di TQ. Tui cáo buộc di urang ngak praong Mỹ, tui tacei pato di sa urang đồng phạm di đại học kỹ thuật Cáp Nhĩ Tân di TQ, amuk A-min Yu, umo 53 thun daok di ban  Ô-lan-đô, bang Phlo-ri-đa, Mỹ dalam tukvak meng thun 2020 tal bilan 2 thun 2014 hu mek nao dom hệ thống saong dom trang thiết bị hu pandar dalam dom janih kapal nhuc ia di gah hải quân Mỹ./.