1# Thủ tướng tacei pato mintri jien padai buh tabiak brei saoh 290 tấn brah meng gilang caik piah di negar ka tỉnh Hà Giang piah daong klah eik ka bhapbini di tukvak cang yuak thun 2016. Thủ tướng rajaei jao ka uy mban bhapbini tỉnh Hà Giang taduan mek saong ba brah hu brei ini piah daong samal, njauk menuac urang tui njauk adat. 

2/ Piah pacang cakak jit ruak di tapon athur raong, menuk ada, kaya ikan dalam bilan hajan, thủ tướng rajaei hu tacei mintri ngak nông saong patagok palei pala buh brei saoh jru sát trùng ka dua tỉnh: Quảng Trị, Bến Tre. Tui nan, mintri ngak nông saong patagok palei pala buh tabiak brei saoh meng gilang khik mepiah di negar 5.000 lít jru trùng Han-Iodine saong 5.000 lít jru sát trùng Vetvaco-Iodine ka tỉnh Quảng Trịpiah pacang cakak jit ruak tanye hijao saong 35 tấn jru Chlorine 65% ka tỉnh Bến Tre piah pacang cakak jit ruak kaya ikan.

3# Thun 2016, Liên minh cứu trợ Na Uy - Việt Nam daong tỉnh Tiền Giang labaih 1,2 tỉ đồng piah ngak dự án daong uranaih jaoh jo pasiam chức năng, ba drei tame bhapbini. 720 urang jakar khik ramik saong gru pato di dom sang bac hòa nhập mầm non saong sang bac pakat sa dalam tỉnh hu pato, paglaong ilamu pabak bruk pato uranaih jaoh jo; 120 urang jakar saong gru pato di 6 sang bac hòa nhập thí điểm dalam tỉnh hu pabak ilamu pato megru hòa nhập ka uranaih jaoh jo; 280 urang jakar khik ramik saong gru pato cốt cán dom sang bac Trung học cơ sở hu pasram ka pato megru hòa nhập uranaih jaoh jo.

4/ Di labik du lịch Suối Tiên, ban raya HCM, harei pataom baoh kayau Nam bộ mbang ka 12 hu peih tabiak mesup 1/6. Mban peih bruk daok caong pablei sa ribau tấn baoh kayau di harei pataom ini. Harei pataom yaih khan yaok rituh janih baoh kayau hu angan di bhum taneh Nam bộ,  yaom lap jang darak pasar meng 20 tal 30%. Ong Huỳnh Đồng Tuấn, Phó Tổng giám đốc Công ty Du lịch Suối Tiên, phaok akaok mban peih harei pataom baoh kayau thun ini brei thau: “Kol dahlak peih harei pataom baoh kayau yau sa bruk ngak meng kan daong ka mikva urang nông njauk khat lahik kayua ia mbak di bhum taneran kraong Cửu Long khik kajap bruk ngak bein di drei. Ka dua tra lac daong ka mikva rami ramik saong salih janih phun pala lagaih; taphia di nan ngak tui danak dak VietGap ka vệ sinh an toàn thực phẩm baoh kayau piah tiếp thị darak pasar saong pablei tabiak negar langiu siam jang”. 

5# Di dom harei tapa, hajan praong hamiet saong hu angin rabuk ngak khat lahik praong ka menuac, padai saong njam patam di Kiên Giang. Tui Ban Chỉ huy pacang, caga bala meng lingik tasik saong daong duah urang njauk bahla huyện An Biên, hu 2 urang di ấp Ngã Cạy saong ấp Tây Sơn 2, xã Đông Yên gaok tala tak metai. Mban Chỉ huy pacang caga bala meng lingik tasik saong daong duah urang njauk bahla huyện An Biên hu pok panuac tagok uy mban bhapbini huyện brei nyim jien dahlau piah daong 4,5 triệu đồng/sa sang ka dom sang hu menuac dalam sang gaok tala tak metai ini.

6/ Piah jhul pakhang jang gac bruk padang labik oh hu sauk pakao, ong Lê Văn Tâm, phaok akaok UB bhap bini, akaok mban tacei pato pacang cakak tác hại pakao ban Cần Thơ pandar, dom jabat,  xí nghiệp, mban ngành, kapul nyaom brei ba bruk oh njuk pakao tame dom quy định saong dom tanut dalam bruk pakacah pok meyaom. Ong lac: “Mban tacei pato ban cần thơ hu pandar dom quận, huyện mbaoh tangin sanya peih bruk pacang cakak tác hại di pakao, ba tabiak panuac pandar dom jabat, xí nghiệp, dom mban ngành, kapul nyaom ba tame dom quy định saong dom tanut ka bruk pok meyaom piah pachreih ba dalam jabat, xí nghiệp, sang iek ruak oh njuk pakao”.

7# Tui Sở ngak nong saong patagok palei pala tỉnh Tiền Giang, kruac bung kalik hijao dalam tỉnh daok pablei nduac pandap, yaom tagok khang saong sang beir pala kruac bung biak chreih chrai kayua mek hu jien tame glaong. Saai Lê Đình Khang, ấp Mỹ Lợi, xã Mỹ Phong, ban sit Mỹ Tho (Tiền Giang), pala labaih 1ha kruac bung kalik hijao brei thau, urak ini urang blei mai tal beir blei kruac bung janih siam yaom  65.000 tal 70.000 đồng/sa kg, tagok jaik 20.000 đồng/sa kg duk saong bilan dahlau. Tui yaom yau ini, sang beir laba labaih 200 triệu đồng/sa ha/sa thun. 

Patui di ini dom khau tin dunya:

8/ Tui ruah duah di sa kapul dom urang khoa học di mintri y tế, lao động saong phúc lợi NB, yaok thun di taneh ia ini hu jaik 15 ribau urang metai kayua njuk pakao thụ động, dalam nan ralo meng lac kayua njauk dom janih ruak ung thư phổi, gan, tim mạch atau đột quỵ… ruah duah ini jeng brei thau hu 70 anek kamar metai kayua dom hội chứng meng njuk pakao.

9# Harei 31/5, sa mbang megaiy taneh khang 6,1 độ Richter ngak megaiy rilo bhum di Đài Loan (Trung Quốc). Gah dut iek Địa chất Mỹ (USGS) akaok mereip brei thau, mbang megaiy taneh ini khang 6,4 độ Richter, saong tâm chấn atah di Đài Bắc (Taipei) jaik 110 km nao gah Đông Bắc. Urak ini oh ka thau urang metai saong khat lahik kayua mbang megaiy taneh ini.

10/ Urak ini, dom jabat di rajaei TL hu pambuak bruk saong dom tổ chức tư nhân padang pasak daong urang taong cap ikan di tỉnh gah meraong Xông-kha-la piah langyah bruk pablei menuac saong lao động sung hukum dalam kham merat daong lao động nhập cư di rajaei. Jaik 25.000 lao động nhập cư saong gauk gar di dom urang nan lac urang Lào, CPC saong Myanmar daok labik gah maraong hu mbang tui meng pasak ini./.