1 # Yaom lac daok bac min Nguyễn Hữu Long, sinh viên Khoa Môi trường, Sang bac Đại học Khoa học Huế hu padang dự án “ba SODIS tal bhum glaong” piah daong ka bhap bani bhum tapen negar huyện A Lưới, tỉnh Thừa Thiên- Huế. Dự án meda hu daong ka labaih 1.000 bhap bani hu pandar aia hacih, paglaong rai diuk.

2/ UB bhap bini ban Đà Nẵng barau peih pakak Gilang tapuk khoa học tổng hợp. Bruk ini kayua UB bhap bini ban Đà nẵng ngak po đầu tư, saong yaom jien abih tih labaih 50 tỷ đồng. Gilang tapuk khoa học tổng hợp Đà Nẵng hu padang ngak khang kajap, hu dom duk chức năng yau: duk thiếu nhi, duk puac đa phương tiện, duk nyim tapuk, duk puac tổng hợp, duk tra cứu địa chỉ… Taphia di nan, gilang tapuk daok hu pabak dom trang thiết bị piah khik kajap ka bruk ngak di gilang tapuk điện tử dalam tukvak anak tal.

3 # Kapul ngak pahla Pasak Pablei salih tỉnh Kon Tum pambuak hoang Sang bac Phổ thông Bangsa gam bac gam daok Trung học cơ sở Măng Bút, huyện Kon Plông bahrau peih daka dak ngak pahla “Gam haong adei tame sang bac”. Pak ini, kapul hu alin 300 pok pandap (dalam nan hu khan ao, katap, tapuk...) brei ka anek saih Sang bac bangsa gam bac gam daok Trung học cơ sở Măng Bút. Taong abih pandap nan  yaom jaik 70 triệu đồng, kayua Kapul ngak pahla pasak pablei salih  Kon Tum jak ba dom kapul nyaom saong manuac urang ngak pahla dalam saong langiu tỉnh rik daong.

4/ Pasak pachreih công saong xúc tiến pablei salih tỉnh Ninh Thuận barau pasang iek, taong yaom saong ba tame pandar “mô hình sang camin pambu ikan hấp ngak iek pandar hacih jang” ka palei ngak kaya ikan di palei Mỹ Tân, xã Thanh Hải, huyện Ninh Hải. Ini lac jalan ngak biak hu makna ngan saong bruk langyah ô nhiễm môi trường, daok ngak duh hatai dom palei ngak kaya ikan.

5 # Đông Tiến, Đông Giang, La Dạ nan lac 3 xã bhum glaong di huyện Hàm Thuận Bắc, tỉnh Bình Thuận hu labaih 1.300 baoh sang gam saong 5.940 urang, ralo meng lac urang K’ho, Raglay, Chăm. Mai meng ngak siam dom sarak, tal urak ini hu labaih 1.000 urang ngak hu bac dom tal bac pato bruk ngak katut panak harei yau jik, pet, pala drak, raong glang … patagok urang ngak bangsa takik hu bac bruk ngak labaih 24%.

6/ Mintri ilamu TT saong DL brei thau, dalam bilan 9 ini hu rah tabiak adit phim Ấn Độ saong adit phim Nga di VN. Adit phim Ấn Độ di VN hu dui atah meng harei 19/9 tal harei 28/9/2015 di HN, Đà Nẵng saong ban raya HCM. Taphia di nan, langiu bruk hu maong iek dom tác phẩm di Bollywood, khán giả Việt Nam daok hu thau jang ka nền điện ảnh Ấn Độ tapa dom bruk yau: hội thảo, taom gaok ndom meyai nao mai saong dom nghệ sĩ, urang ngak phim Ấn Độ.

7 # Yaom lac tỉnh tapen tasik, hu labik taong ikan prong min tỉnh Trà Vinh hu kapul gilai nao taong mek ikan takik abih dalam bhum; oh cakrok patagok kayua kurang phun jien. Nan ye tuk Thủ tướng Raja-ei patabiak Nghị định 67 “Ka dom sarak patagok kaya ikan dalam aia” urang taong ikan di tỉnh ini thei jeng bui sambai. Yau nan min sa thun tapa blaoh, dalam tỉnh bahrau hu 2 baoh sang hu  brei mesre tui sarak ini.

8/ Cục cảnh sát jalan mbak, tổng công ty Tân Giang Bei Gon pambuak saong mban an toàn jalan mbak huyện Vĩnh Cửu barau peih bruk alin hadiah 300 ao phao, pandap ndaong angaok ia ka dom anek saih, baoh sang daok angaok bè saong po kapal jalan ia di xã mã Đà, tỉnh ĐN. Bruk alin hadiah ao phao ini caong khin rik daong paglaong akaok saneng, trách nhiệm ka bruk pacang, nyaik bala mblung ia ngan saong dom adei uraniah, dom anek saih saong abih di nyu nan lac dom baoh sang daok angaok bè hu uranaih sit./.