1# Di miunyim Đà Nẵng, pasak khik ramik inem krung ilimo Đà Nẵng hu jao pandap duah  mboh di “di chỉ” đình palei Khuê Bắc (phường Hòa Hải, quận Ngũ Hành Sơn) ka miunyim Đà Nẵng. Ini lac dom pandap kayua pasak khik ramik inem krung ilimo Đà Nẵng pambuak bruk saong Viện Khảo cổ học Việt Nam duah mboh di bilan 6.2015, hu labaih 4.580 janih pandap.

2/ Hạt kiểm lâm huyện Krông Pa, tỉnh Gia Lai brei thau, jaik 22 tuk harei 2/6, sa tổ kiểm lâm di huyện dalam tuk  pagui cap lâm tặc pajeng ba kayau lậu labik jaik saong huyện Sơn Hòa (Phú yên) ye rah tabiak bruk srau kadau ngak ka 2 urang jakar kiểm lâm njauk rambuah saong sa lâm tặc metai. Hạt kiểm lâm huyện Krông Pa daok pathau khan samar bruk ini tagok pakat angaok.

3# Dom harei tapa, lingik pandiak bhang dui atah, dom baok bingun ia di  huyện Lý Sơn, tỉnh Quảng Ngãi thu abih, ngak kan kandah tal bruk pala drak saong raidiuk di bhapbini. Dom thun jaik ini, tuk huyện ini patagok samal gah du lich ye bruk pandar ia dak harei dak praong. Meng 400 bingun  khoan di thun 2010, urak ini dalam huyện hu labaih 1300 bingun khoan. Ông Nguyễn Thanh, akaok Uỷ ban bhapbini huyện Lý Sơn, tỉnh Quảng Ngãi brei thau :

 (Huyện hu tabiak bruk lac pakauk oh brei ngak bingun rilo piah khik hu halau ia njan. Taphia nan, hu pok panuac likau hu sa dự án daong ka Lý Sơn hlang meng ia tasik tabiak jeng ia taba piah pandar. Ka dua lac ngak dom bingun piah khik ia hajan. Tuk bilan hajan mai khik hu halau ia di pulao kaoh.

4/ Pasak bồi dưỡng nghiệp vụ saong dịch vụ ilamu, thể thao saong DL di cục ngak bruk gah meraong mintri ilamu thể thao saong DL hu peih tal pasram megru paglaong ilamu đối ngoại ka jaik 100 anek saih daok ngak bruk dalam gah ilamu thể thao saong du lịch từ tỉnh Thừa Thiên Huế  tame gah meraong. Tapa nan, paglaong ilamu ngak bruk saong chất lượng đối ngoại di urang jakar gah  ini di dom puk palei dom puk palei gah meraong.

5#  Dalam tuk pahadar 105 thun harei Wa Hồ tabiak nao duah jalan daong taneh ia  (5/6/1911 – 5/6/2016) saong 40 thun ban raya angan Wa (1976 - 2016), harei 3/6, Học viện Chính trị quốc gia Hồ Chí Minh pambuak bruk saong Thành ủy ban raya Hồ Chí Minh peih nyaom biai alamu “Hồ Chí Minh – pamaong tal thời đại”. Nyaom biai pataom tame biai ka sajarah,  alamu saong yaom glaong di jalan daong taneh ia di Chủ tịch  Hồ Chí Minh caik veik ka Đảng saong bhapbini drei. Ndom tal tư tưởng Hồ Chí Minh ka bruk bangsa saong patagok pren khang di gah jum pataom bangsa dalam tukvak urak ini, Giáo sư – Tiến sĩ Ngô Văn Lệ brei thau:

“ Maong veik jalan patagok di sajarah Việt Nam jeng ye bruk dang akaok di Đảng ka bruk bangsa lac kol drei hu dom jak jeng praong. Min, bruk urak ini lac chênh lệch di dom bhum dom bhapbini cư dân  nyu jeng bruk kan kandah piah kol drei ngak jeng bruk công bằng bình đẳng di dom bangsa.)

6/ UB bhap bini tỉnh Khánh Hòa barau tabiak quyết định taong phạt saong ong Hà Ngọc Thanh Vũ (po labik ngak bánh phở, mì quảng di labik 134/E Nguyễn Trọng Kỷ, phường Cam Lợi, ban Cam Ranh, Khánh Hòa) ka bruk pandar hóa chất oh brei pandar dalam ngak pandap, yaom phạt 85 triệu đồng. Hu thau, labik ngak bánh phở, mì quảng di ong Vũ hu peih ngak jaik 30 thun. Yaok harei labik ini ngak meng 100 tal 150 kg bánh phở, mì quảng dom janih saong pablei ralo di ban Cam Ranh saong ban raya HCM.

7# Bair harei 2/6, Đội 3, Phòng Cảnh sát caga tội phạm gah alam môi trường (PC49) Công an ban raya Hồ Chí Minh hu duah mboh saong xử lý sa cơ sở ngak pandap mbang ja di quận Thủ Đức, ban raya Hồ Chí Minh. Gah công an hu mek khik dom rilo nan gam saong 120kg rilo  đà điểu, ralo latha saong ralo limo hu ngak ja meng ralo pabui saong hu tame dalam bao bì biak siam daok caga pablei tabiak darak pasal. 

Patui di ini dom khau tin dunya:

8/ Mỹ caong khin khik kajap talei pambuak bruk an ninh khang kajap saong Phi-líp-pin, dalam nan hu gam hiệp định pambuak tal bruk hu mbaok, panduan salih lin Mỹ di Phi-líp-pin. Ini lac panuac di akaok mintri QP Mỹ Át-xtơn Các-tơ harei 2/6 tuk daok angaok jalan hu mbaok tame bruk đối thoại Shangri La rah tabiak di Xinh-ga-po meng harei 3 tal harei 5/6.

9# Campuchia barau hu sa urang ruak Ru-be-la (Rubella) barau, urang ruak lac sa adei kumei umo labaih sa thun daok di huyện Ba Ti, tỉnh Ta Keo (jaik taphia tỉnh An Giang). Hadei di tuk duah mboh, Campuchia hu tabiak bruk pruh jru pametai anek ruak di dom sruh jit, caga ruak pambak praong, taphia nan tabiak bruk klauk vắc xin caga ruak dalam taneh ia.

10/ Bruk ia sua kayua hajaln khang dui atah di ban ine Pa-ri (Paris), Prang tui kuhria meda tagok khang dalam harei 3/6 tuk ia kraong Xen tagok 6 mét. Ini lac mbang ia sua praong abih di ban Pari kuhria meng hadei di thun 1910, tukvak ia kraong Xen tagok tal jaik 9m. Tui tổng thống prang ô-lăng, bruk nan di Prang nyu brei mboh bruk biến đổi khí hậu saong lac sa caung kandah ngan saong dunya./.