1 # Bahrau ini, Kapul urang nong tỉnh Lạng Sơn pambuak haong Sở Ilamu saong Công nghệ tỉnh Lạng Sơn peih “Harei pataom kandiuk saong danak dak pambuak pagam pandap panda” pak xã Chi Lăng, huyện Chi Lăng, tỉnh Lạng Sơn. Harei pataom nan lac tukvak piah ka bhap bani dalam tỉnh bac megru, klah rabha ilamu iek glang,  pala phun kandiuk piah tabiak baoh siam; saong jeng lac tukvak piah ka dom urang pablei salih, urang pala pambuak bruk haong gauk. Phun kandiuk urak ini lac phun ba mai ralo kein laba, daong ka mikva labik ini patruh eik patrun kathaot.

2/ Thun 2015, tỉnh Quảng Ngãi pala barau labaih 5.100 ha glai dalam nan, glai phòng hộ 1.467 ha, glai sản xuất 3.651ha saong 3 triệu phun phân tán. Tui nan, caga hu jaik 32 triệu phun pajaih dom janih yau keo tai tượng, keo lai hom, keo lai mô, sao đen, lim hijao pabak ginup bruk pala glai di dom danak dak, công ty, kapul nyom saong baoh sang. Urak ini dom đơn vị daok pambuak bruk saong dom puk palei peih bruk pasram megru, tacei pato jalan pala, iek glang saong khik caga glai pala ka dom baoh sang.

3 # Sở Y tế tỉnh Đồng Nai pambuak haong Pasak Y tế huyện Long Thành peih pakak labik điều trị cai nghiện ma túy meng methadone pak Pasak y tế huyện. Urak ini, dalam huyện Long Thành saong Nhơn Trạch hu 153 urang nghiện daok điều trị cai nghiện ma túy meng methadone pak Pasak Pacang, cakak HIV/AIDS tỉnh saong Sang iek ruak đa khoa Biên Hòa. Labik điều trị methadone pak huyện Long Thành nan lac cơ sở ka 3 di tỉnh hu ba tame ngak, piah patak pataom jien ndo nao mai, palagaih ka urang ruak di dom huyện Long Thành, Nhơn Trạch, Cẩm Mỹ tuk hu mbaok tame cai nghiện mek hu ralo baoh jeng siam mekre jang. 

4/ Mban tacei jalan jak ba brei drah ngak pahala ban sit Tân Uyên, tỉnh Bình Dương pambuak bruk saong pasak truyền drah – huyết học sang iek ruak Chợ Rẫy barau peih harei brei darah halan hatian. Ngan saong panuac lac “yaok tanjoh drah brei nao – sa rai diuk daok veik”, mban tacei jalan jak ba brei darah halan hatian ban sit Tân Uyên jak ba hu 200 urang jakar, công chức – viên chức, urang đoàn, urang hội, urang halan hatian chữ thập đỏ hu mbaok tame brei darah halan hatian. Tapa khám sàng lọc taduan hu jaik 166 đơn vị drah, samu  58.100 ml drah, piah samar daong ka dom urang ruak daok caong hu drah di dom sang iek ruak. 

5 # kapul hữu nghị Việt Nam – Nhật Bản tỉnh Đắc Lắc pambuak haong Liên hiệp Kapul nyaom dom tổ chức Hữu nghị saong Kapul nyaom hữu nghị Việt Nam – Nhật Bản bal raya Hồ Chí Minh bahrau peih danak dak “Taom gaok ilamo Việt Nam  - Nhật Bản”. Hu mbaok dalam danak dak, labaih 430 anek saih, sinh viên di sang bac Đại học Tây Nguyên saong pasak Nhật ngữ Newstar hu duah thau ka dom janih ilamo, adat cambat tanarakun di dom bangsa takik pak Đắc Lắc saong Nhật Bản. Tapa nan, Kapul hữu nghị Việt Nam – Nhật Bản tỉnh Đắc Lắc hu alin 15 pok jien bac ka Hội sinh viên Sang bac Đại học Tây Nguyên yaom abih tih 15 triệu đồng.

6/ Parang iek nyaom drak tapuk dunya – VN mbang ka 5 hu peih tabiak meng harei 10 tal harei 14/9 di mblang bein Thống Nhất, HN hu mbaok di 20 sang patabik tapuk praong, hu angan je di negar langiu saong labaih 100 đơn vị ngak tapuk dalam taneh ia. Ini lac panuac khan di lambaok Cục xuất bản, in saong phát hành mintri thông tin saong truyền thông) meng bloh di HN. Dalam parang iek labaih 3000 tapuk xuất bản hu parang tui kadha “VN patagok saong mbeik drei tame” piah yaih khan jak jeng di taneh ia hadei di 30 thun salih barau. Labik nyaom darak hu jaik 200 gian hàng di labaih 100 đơn vị xuất bản, phát hành dalam taneh ia saong negar langiu.

Patui di ini dom khau tin dunya:

7 # Meng blaoh, cảnh sát Tbong Khmom (Tơ-bong Khơ-mom), tỉnh tapen negar gah Pur Campuchia, hu cap khik 2 urang likei medhil lac palai pajoa gang jameng tapen negar di Campuchia saong Việt Nam. Dahlau di nan, harei 31/8, cảnh sát biên phòng labik xã Da (Da), huyện Memot (Mê-mót), hu mboh 3 urang likei daok palai pajoa gang jameng tapen negar 110.1 (daok kreh gang jameng 110 saong 111). Cảnh sát cap khik 2 urang, daok sa urang klaak nduac. Akaok cảnh sát tỉnh Tbong Khom, ong Mau Pov (Mau Póp) brei thau bruk ini daok dalam vaktu pasang iek.

8/ Dom urang ngak praong gah hàng hải Malaysia brei thau, sa kapal pajeng jaik 100 urang meda takhuak di langiu tasik gah pai Malaysia, jaik eo taik Ma-lắc-ca. Bruk takhuak kapal rah tabiak jaik Xa-bắc Béc-nam di bang Xê-lan-go - bang kaya meda abih di Malaysia. Urang brei panuac di jabat thực thi hukum tasik Malaysia brei thau urak ini oh ka thau hu hadom urang  metai. 

9 # Jabat khik iek halau aia negar Singapore (PUB) brei thau meda padang ngak sa sang mac khử mbak aia tasik piah pabak bruk pandar aia di harei hadei dalam bal saong patagok bruk pacang cakak tua riya paniak bhang ka Singapore . Urang dang akaok Jabat Khik iek halau aia Singapore brei thau jabat ini daok kham merat padang ngak saong đa dạng hóa dom nguồn ba brei aia piah patagok an ninh halau aia ka Singapore, abih di nyu nan lac dalam tuk langik tasik pandiak bhang yau dom thun jaik di ini. Gam haong bruk ngak tabiak "aia tái chế" jang yau khử mbak aia tasik, Singapore meda caga hu halau aia taba duh ka bruk ngak mbang ngak huak ka bhap bani dalam harei hadei./.