1# Sở lao động Thương binh saong Xã hội tỉnh Sơn La barau peih bilan ngak bruk kayua uranaih thun 2015, ngan saong kadha “ pang urnaih ndom’. Hu mbaok tuk peih bruk, hu jaik 200 urang lac urang jakar dom  sở, ban, ngành saong dom adei thiếu niên, nhi đồng. Var lễ piah pachreih menuac sia  ba mbuan lagaih piah uranaih hu ndom tagok sap ndom di drei ka dom bruk pambuak tal uranaih.

2/ kapul urang nông tỉnh Quảng Bình barau peih pakak pasak pato bruk ngak saong daong ka urang nông. Pasak pato bruk ngak saong daong ka urang nông tỉnh Quảng Bình praong bih tih labaih 15 ribau m2, hu padang ngak saong yaom jien abih tih jaik 26 tỷ đồng. Pasak ini piah pagalong chất lượng tacei ba dom ilamu, kỹ thuật, công nghệ ka urang nông puk palei. Ong Đoàn Ngọc Lâm – akaok kapul urang nông tỉnh Quảng Bình brei thau: Hadei di tuk hu trung ương hội buh jien tame ngak pasiam, ye dom bruk ngak di pasak hu peih ngak khang jang, abih di nyu nan lac dalamgah pambuak bruk,  padang sàn giao dịch kaya nông ka urang nông.

3# Đà Nẵng daok pataom tame dak padang jeng ban alam moi truong di thun 2020. Piah ngak hu bruk ini, ban buh tame yaok rabau ty dong dak padang hệ thống pathaot ia; xử lý ia nerak saong patabiak rilo bruk pasiam alam môi trường. min, uraka ini, jeng daok rilo “ labik pandiak” ka nerak alam moi truong dui atah, ngak bức xúc di bhapbini .

4/ Tukvak jaik di ini, di dom tỉnh Tây Nguyên daok tamuh tagok bruk pala phun mắc ca salih ka dom janih phun pala karei. Oh ka thau janih phun barau ba tame VN ini hu yaom glaong kinh tế yau habar, pablei ka labik halei++ ? Tok di thau lac, meng tuk hu dom doanh nghiệp pabam pajaih mắc ca di puk palei peih bruk yaih khan; gam saong dom blah harak mbao yuk tagok, thông tin tui sa gah oh ka tantu, phun mắc ca nyu jeng phun ngak kaya meda. Kayua yau nan ye, bruk pala mắc ca di Tây Nguyên daok pandiak tagok saong daok tamuh tabiak khang.

5# SEA Games thun ini njauk saong tuk pahadar  50 harei độc lập di Singapore. Kayua yau nan ye, taneh ia po sang kham merat buh tabiak jaik 26 triệu USD ka harei peih pakak saong salah. Meng dom công nghệ âm thanh, ánh sáng dang akaok  châu Á, Singapore meda ba mai ka urang maong sa var rilo sabo mày di harei peih pakak rah tbaiak harei 5/6 (tui tukvak Việt Nam).

6/ Tukvak jaik di ini, yaok rituh baoh sang bhap bini daok di xã Song Thuận, huyện Châu Thành, tỉnh Tiền Giang biak duh hatai anak bruk cty Tân Bình An ngak ô nhiễm môi trường, ngak kan kandah tal pren yava, sinh hoạt di bhap bini. Yaom lac bruk ini rah tabiak dalam tukvak suai livik saong biak khang min tal urak ini karja palei jeng oh ka hu jalan langyah.

Patui di ini dom khau tin dunya:

 7# Rajaei Colombia barau ba tabiak jalan ngak barau mesruh caga bruk ngak tabiak cocaine di taneh ia ini, dalam nan sangka tal bruk patagok phun pala salih saong yah klak meng tangin phun  coca – nguyên liệu ngak tabiak cocaine. Chiến lược ini hu Tổng thống Hoan Ma-nu-ên Xan-tốt ba tabiak 2 adit hadei tuk padheih dom mbang pruh jru klah hareik glyphosate meng kapal ahaok. Bruk “không kích” phun  coca ini hu maong lac tiêu điểm di chiến lược caga bruk ngak tabiak ma túy di Bogota di luac dua pluh thun tapa.

8/ Urang điều phối bruk pahala di LHQ di Irắc Li-sơ Gran-đơ brei thau, dom jabat daong di LHQ brei patrun atau cakak meteh danak dak daong di Irac meyah oh hu phun jien. LHQ ieu dunya daong 497 triệu đô la piah pabak labik daok, pandap mbang, ia menyum dalam 6 bilan tal ka yaok triệu urang Irac njauk panduan nao atau gaok kan kandah kayua bruk mesruh gauk di bol bala Irac saong phiến quân karja IS. Bruk mesruh metak nyu ngak ka jaik 3 triệu urang Irac nduac klak sang danaok. 

9# Barau ini, cảnh sát pacang caga ma túy Ecuador hu mek labaih 7 tấn cocain padauk pagam saong tapung ikan di cảng Goa-gia-kin daok kuhria caga pajeng tal cảng Măng-xa-ni-giô, Mexico. Ilni lac cocain rilo di abih cảnh sát mek meng akaok thun tal urak ini ./.