1/ Bahrau ni, harei pataom pakacah ngak bánh chưng, bánh dày tỉnh Hải Dương mbang ka 6 hu tamat bloh song hu jao giải di labik inum krung pakat negar Côn Sơn - Kiếp Bạc. Tame pakacah, hu labaih 100 nghệ nhân mai meng 11 huyện, ban sit dalam tỉnh. Tamat mbang pakcah, kapul nghệ nhân Kẻ Sặt (huyện Bình Giang) mek hu giải nhất, kapul nghệ nhân palei Tống Xá (xã Thái Thịnh, huyện Kinh Môn) mek hu giải nhì. Langiu di nan, mban peih bruk dok hu jao 3 giải ka dom kapul papok bánh chưng bingi di abih, siam di abih song samar di abih.

2/ Tập đoàn Điện lực Việt Nam(EVN brei thau, tui kuhria bilan 3/2015, sản lượng  abih tih hu 436 triệu KWH sa harei, công suất phụ tải praong abih jaik 22.430 MW. Piah khik ginup điện ka bruk ngak mbang saong pandar dalam bilan jeng yau pabak ginup điện bilan bhang 2015, EVN brei khai thác siam dom sang mac thủy điện, khik kajap bruk ba ia hạ du ka dom puk palei; dom tổ mac nhiệt điện dhan khai thác tui kế hoạch điều tiết thủy  điện; khik kajap bruk pabak điện gah meraong saong khik ia dom danao thủy điện gah meraong.

3/ Di xã Cảnh Dương, huyện Quảng Trạch Quảng Bình bahrau peih Lễ Cầu ngư, tabiak tasik tong chap kaya ikan akaok thun 2015. Tui Akaok UB bhap bini  xã Cảnh Dương Nguyễn Trung Thành: Lễ Cầu ngư, tabiak tasik tong chap kaya ikan akaok thun 2015 langiu hatai khin ka bilan tasik bahrau urang tong ikan tabiak tasik hu siam mekre, salamat, kapan mai hu mbak hadang ikan, thun ni dok hu sa makna prong jang nan lac pathau khan ka urang tong ikan gam ngak mbang gam patagok KT, gam hu khik ramik chủ quyền palao tasik prong glong di taneh ia.    

4/ UB bhap bini tỉnh Tây Ninh barau brei rabha 44 tỷ đồng phun jien trái phiếu rajaei ka 20 xã taphia negar piah phục vụ danak dak bruk ngak pakat negar padang ngak palei pala barau dalam thun 2015. Dalam nan, eng 2 xã Tân Lập saong Long Phước hu daong 5 tỷ đồng yaok xã piah padang ngak xã điểm palei pala barau dalam thun 2015.

5/ Hadei di tuk padeih tết anek sak pabe, dom DN daok caong palih ruah yaok ribau urang ngak piah pabak ka bruk ngak kayua urang ngak klak oh mai ngak veik hadei di tuk tết song kayua peih praong bruk ngak. Tui bruk tut angan palih ruah di dom DN song Sở Lao động - Thương binh song  Xã hội tỉnh Đồng Nai, hu labaih 400 DN caong palih ruah bahrau labaih 40 ribau urang ngak. Gah ngak takhaok, klik juak song jik dok caong palih ruah rilo di abih. 

6/ Sở ngak nông saong patagok palei pala tỉnh Trà Vinh daok pachreih urang nông hu taneh ngak padai njauk njom mbak dalam bilan bhang oh salih tapa raong thâm canh hadang sú, hadang thẻ takai patih, bo brei ngak sa vụ padai – sa vụ hadang khik kajap kein laba kinh tế. Siam lagaih di bruk ngak luân canh padai – hadang nan lac drei hadang ngak jeng môi trường dinh dưỡng ka phun padai, salih veik phun padai ngak pasiam môi trường hacih ka hadang.

7/ Angaok krong Tiền labik nduac tapa huyện Phú Tân, Sở ngak nong song patagok palei tỉnh An Giang bahrau pambuak bruk song UB bhap bini huyện Phú Tân, Hiệp hội rong song chế biến kaya ikan An Giang (AFA)  peih bruk palao ikan piah pabak ikan tự nhiên thun 2015 trun krong Tiền. Ni lac bruk ngak akaok thun di gah kaya ikan An Giang piah khik ramik môi trường sinh thái.

8/ Di ban raya HCM, mạng cộng đồng bruk ngak pakat quản lý Anphabe.com saong Công ty ruah duah darak pasar Nielsen hu brei thau bruk pasang iek 100 labik ngak bruk siam di abih di VN thun 2014. Tui nan, top 100 labik ngak bruk siam di abih di VN dang akaok nan lac Unilever, bloh tal dom labik Vinamilk, Microsoft, Abbott, Nestlé, Procter&gamble, HSBC, IBM, Coca Cola, Pepsi…  Thun ini hu 20 doanh nghiệp VN hu tame angan 100 labik ngak bruk siam di abih di VN, rilo jang 6 doanh nghiệp duk saong thun 2013.

Patui di ini dom khau tin dunya:

9/ Muinyim negar Indonesia dok pambuak bruk song Tập đoàn  Google brei  ka urang pandar Internet song kỹ thuật số meda duah thau ka muinyim prong di abih di Đông Nam Á ni tapa công nghệ pandar dom thaot binguk 360 độ Street View. Piah mek hu dữ liệu song thoat binguk di labik phức hợp muinyim, Nyaom Google Street View hu ba tabiak dom trang thiết bị dữ liệu yau sa jamriak mac tính tinh vi, máy quét laser song sa jamriak ảnh góc rộng 360 độ.

10/ Australia daok peih bruk padang ngak sang mac điện năng lượng ia harei  nổi akaok meti biak siam. Tui kuhria sang mac ini ngak bruk di bang Nam Australia di akaok bilan 4 tal. Tui thiết kế, sang mac ini hu nổi angaok sa labik xử lý ia nerak di Giêm-xthao, gah brak bang Nam Australia. Dom chuyên gia hu thiết kế piah công trình hu peih ngak di gah langiu, hadei di nan ba tame lắp ráp jeng sa cơ sở hoàn chỉnh./.

11/ Di ban ine Moskva - Liên bang Nga, Đại sứ Việt Nam di Liên bang Nga Nguyễn Thanh Sơn hu taduan raok Tiến sĩ Andrey Klimov (An-đrây Cli-mốp), Phó akaok Ủy ban Đối ngoại Nga, akaok mban Đối ngoại đảng "negar Nga Thống nhất". Di var taom gaok, dua gah hu ginum biai ka bruk patagok taom gaok, ndom biai nao mai,  pambuak bruk di 2 gah dalam dom diễn đàn  dunya./.