1 # Pak mbang nyaom ka 40 di Ủy ban thường vụ Quốc hội, dom urang lambaok brei panuac ka Dự án Hukum tín ngưỡng, agama. Dự án Hukum nan piah ngak brei cambaih laih quyền tự do tín ngưỡng, agama hu ndom tal pak Hukum negar thun 2013 saong njauk haong Công ước dunya ka dom quyền dân sự saong chính trị bo Việt Nam hu mbaok tame di harei 24/9/1982. Dự án Hukum hu 15 kadha bahrau, njauk caik hatai nan lac: bruk peih prong chủ thể ka  quyền tự do tín ngưỡng, agama; ba tabiak dom bruk njauk pakauk dalam gah tín ngưỡng, agama; bruk ngak agama di urang negar langiu daok pak Việt Nam, taphia di nan padang bruk khik iek di karja gah tín ngưỡng, agama...

2/ Rajaei bahrau patabiak Nghị định 55/NĐ-CP (NĐ55) ka bruk brei mesraiy jien pabak ka bruk ngak nong, palei pala. Ni lac Nghị định bahrau salih ka Nghị định 41/NĐ-CP, hu tong yaom lac jalan ngak siam piah brei ka rilo urang hu mesraiy mbuan, lagaih. Nghị định 55 tabiak rai hu dom kadha bahrau yau: hu rilo jang urang hu daong tuk mesraiy pabak ka bruk patagok ngak nong palei pala, urang ngak bruk dalam gah ngak nong, min dok langiu bruk ngak nong jeng hu mbang tui sarak . Langiu di nan, patagok yaom jien brei menyim oh hu drap ar meng 1 mbang meteh tal  tal 2 mbang sarak 41.

3 # Ngak tui panuac tacei pato di Phaok Thủ tướng Vũ Văn Ninh ka abruk peih taleih kan kandah, tavak tave dalam bruk peih ngak Nghị định ka 67/2014/NĐ-CP ka dom sarak patagok kaya ikan dalam aia, Gilang pariak Karja Việt Nam hu Công văn 6039 ka bruk trun jien jhung brei mesre brei ka bruk taong mek kaya ikan di tasik atah tui Nghị định 67. Dalam harak ini, Gilang pariak Karja hu pandar dom gilang pariak karei peih ngak tanut brei mesre piah ngak bahrau, pasiam gilai kanduh meng kayau; brei mesre jien phun lưu động duh ka bruk taong mek kaya ikan di tasik atah ngan haong jien jhung 6,5% sa thun. Ngan haong dom hợp đồng tín dụng hu mboh tangin blaoh saong hu peih brei phun jien dahlau di harei tabiak harak ini, tanut jien jhung brei mesre 6,5% sa thun hu pandar ka dom urang mesre kuhria meng harei 12-8-2015.

4/ Chi Cục Thú y tỉnh Bà Rịa – Vũng Tàu bahrau peih tal pasram megru ka bruk pasang iek hacih saat pandap mbang, dut iek vệ sinh thú y, mek mẫu dut iek samar pabak ka đề án “Jalan hacih saat pandap mbang” tỉnh BR-VT thun 2015, ka dom urang jakar iek gah hacih saat pandap mbang dalam gah ngak nong dalam tỉnh. Di tal pasram megru, domurang pathau khan daok hu ndom biai nao mai, tacei pato, langyah cambaih laih dom kan kandah, tavak tavaiy di dom urang bac dalam bruk tui iek khik caga hacih saat pandap mbang menyum di dom cơ sở SX, pablei salih pandap mbang kaya nong, kaya ikan

5 # Tui Sở Công thương,  Đồng Nai urak ini hu 18 janih pandap hu pren khang di ralo doanh nghiệp piah pablei tabiak negar langiu yau: takhaok juak, kadung bak, pandap angui cuk, dom janih pandap ngak meng kayau, asal pa-aok blait, amaraik kalu, cà phê, cao su... Yau nan min, dalam tukvak tapa, hu 2/18 janih pandap hu pren khang pablei tabiak negar langiu di Đồng Nai njauk patrun khang ka số lượng gam haong yaom kaom nan lac cà phê saong cao su. Makna ba tal dua janih pandap hu pren khang di tỉnh pablei tabiak negar langiu trun nan kayua kan kandah meng darak pasa dunya. Tui kuhria dahlau di dom chuyên gia kinh tế, dom bilan puac thun yaom kaom di dua janih pandap kaya nong ini takik hu biến động saong kan rah tabiak bruk tagok yaom glaong gilac veik yau dom thun dahlau. Daok veik 16 janih pandap karei darak pasar pabeli tabiak negar langiu nan lac mbuan lagaih, tui kuhria meda patagok khang gam số lượng jang yau yaom kaom.

6/ UB bhap bini tỉnh Tây Ninh bahrau patabiak harak oh brei chap mek  kaya ikan dalam danao Dầu tIếng dalam bilan caih mebaoh meng harei 1/7 tal harei 30/9 yaok thun, abih di nyu nan lac di dom lanik ikan mebaoh yau labik glai cấm ,  danao prong 10 ha, Hóc Cò, Vàm Suối Đông...Min anak meta mboh lac, urak ini daok hu rilo urang tong chap ikan dalam bilam mebaoh di danao Dầu Tiếng.

7 # Hội đồng Sáng kiến tỉnh Bình Phước bahrau nyaom pataom mong iek xét brei sáng kiến pakat tỉnh ngan haong 124 sáng kiến di dom urang, kapul nyaom dalam tỉnh. Hu mbaok dalam mbang xét thun ini hu sáng kiến di dom urang, kapul nyaom di 16 đơn vị pakat tỉnh saong 8 huyện, thị. Dom jalan ba tabiak đề nghị công nhận sáng kiến pakat tỉnh binah prong hu mboh dalam gah jalan ngak khik iek, jalan tác nghiệp; takikhu jalan ngak ilamu. Ini lac thun akaok meti peih ngak bruk xét công nhận sáng kiến tui adat hukum di Ủy ban bhap bani  tỉnh.