1 # Piah jhul pakhang saong paglaong kein laba bruk tái cơ cấu kinh tế, pak Hà Nội, Viện roh duah khik iek kinh tế Trung ương bahrau peih nyaom biai “Pathau khan bruk ngak hu di tái cơ cấu kinh tế 2011 – 2015 pamaong tal padang đề án tái cơ cấu 2016 - 2020”. Pak nyaom biai, dom chuyên gia hu taong yaom bruk tái cơ cấu kinh tế, dalam nan hu dom bruk ngak hu praong dalam dom asal kadha tái cơ cấu, dom kadha hu siam veik saong dom bruk jhul pakhang tái cơ cấu kinh tế, salih jalan patagok.

2/ Labaih sa thun tapa, dom gah chức năng ban Đà Nẵng hu ba 650 urang nao cai nghiện ma túy. Meng jalan ngak gheih, ban Đà Nẵng brei pambuan palagaih bruk ngak harak gar piah samar ba urang nyil ma túy nao cai nghiện. Ong Trần Thanh Vân, akaok Ban Nội chính Thành ủy Đà Nẵng brei thau: “Kol dahlak pok panuac saong hadei di nan hu thường trực thành ủy njauk hatai. Nan lac tuk mboh urang nyil ma túy trak njauk ba nao cai nghiện ye khik veik di labik cai nghiện praong. Ban Đà Nẵng taduan bayar jien piah hội đồng ini mai di labik cai nghiện piah pasang iek. Meyah oh ngak yau nan hu, kol drei brei ba mai veik kayua tui adat hukum ye kol drei oh hu quyền khik urang veik”.

3 # Meng thun 2004 tal ini, dom đảng bộ dalam tỉnh Bình Thuận hu ba tame Đảng 229 urang nan lac urang Cam, patagok urang đảng lac urang Cam jeng 417 urang, meblah 1,69% dut haong taong abih urang đảng dalam tỉnh. Dom đảng bộ xã harat urang Cam peih ngak siam chức năng, bruk ngak di drei; chất lượng, số lượng pakat ủy, kapul nyaom urang jakar xã pabak hu bruk ba tabiak. Yau nan min, bruk pato pasram, paglaong ilamu, caga menuac lac urang Cam piah ba tame đảng jeng daok gaok kan kandah, tỷ lệ urang đảng dut haong bhap bani Cam daok biar.

4/ Mban tacei pato danak dak “Ba gauk daong ka bhap bini” tỉnh NT barau peih bruk alin hadiah 20 drei limo ka dom baoh sang kan kathaot biak kan kandah dalam huyện Bác Ái. Brei panuac di tuk peih bruk, ong Lưu Xuân Vĩnh, akaok Ủy ban bhap bini tỉnh caong khin dom kapul nyaom, menuac urang saong doanh nghiệp, kham merat pachreih tui, hu mbaok tame danak dak piah daong ka baoh sang kan kathaot dalam tỉnh saong huyện Bác Ái yam tagok truh kan kathaot, rik daong dak padang saong patagok bhum palei  NT.

5/# Liên đoàn Lao động bal sit Đồng Xoài, tỉnh Bình Phước bahrau alin brei 2 baoh sang mái ấm công đoàn ka dua baoh sang công đoàn viên kan kandah. Thun 2015, Liên đoàn Lao động bal sit Đồng Xoài jak ba padang ngak saong alin brei 4 baoh sang mái ấm công đoàn ka urang đoàn viên công đoàn kan kandah.

6/ Meng harei 2 tal harei 15/1/2016, kapul blac daraih pahala Interplast Interthnos Italy hu pambuak bruk saong dom bác sĩ sang iek ruak đa khoa Đồng Nai peih bruk blac daraih saong iek ruak brei ka jaik 100 urang ruak kan kathaot njauk dom janih ruak: hở hàm ếch, sẹo co kéo kayua  co rút, ung thư klik, di chứng kayua tổn thương, dị tật di plak tangin. Ini lac sa dự án ka blac daraih pahala kayua Tổng lãnh sự quán Italia di ban raya Hồ Chí Minh  ba tabiak saong hu UB bhap bini tỉnh Đồng Nai brei peih ngak.

7 # Sở Nội vụ tỉnh Tây Ninh bahrau peih bruk pataom mbaok dom halau janeng naih gheih thun 2015. Phaok akaok Ủy ban bhap bani tỉnh Nguyễn Mạnh Hùng lambaok urang dang akaok tỉnh pok panuac tadhau ayuh dom halau janeng hu mai pataom mbaok saong pok meyaom dom bruk ngak siam di dom agama hu rik daong brei ka bruk cakrok patagok di tỉnh Tây Ninh.

Patui di ini dom khau tin dunya:

8/ Di  Australia, danak dak phaok bingu nghệ thuật salam uan thun barau 2016 di cầu cảng Sydney tui kuhria oh ngak yau dahlau deih bo hu ralo janih karei, ngan saong yaom jien tui kuhria tagok tal 7 triệu đô la Australia (AUD), samu 5 triệu USD. Bruk karei di thun ini lac hiệu ứng rup binguk di cầu cảng Sydney tui njauk makna saong rup binguk dua tháp cầu mbang akaok meti hu truac hadah, hu dom hiệu ứng hadah biak karei saong hu 2.400 baoh phao bingu hu cuh tabiak meng gah angaok saong gah tatua.          

9 # Bal Bắc Kinh, Trung Quốc bahrau ba tabiak cảnh báo bhong ngan haong bruk ô nhiêm langik tasik. Biak ralo thiết bị bahrau hu ba tabiak pablei angaok darak pasar piah payua dom thông tin saong brei thau ka chất lượng không khí bahrau abih tal  phone pan tangin di drei, daong ka bhap bini pasang iek hu chất lượng không khí pak sang drei. 

10/ Tui panuac kakei di dom chuyên gia ngak nông di tỉnh Ibaraki, Nhật Bản, jhui peih praong bruk pala pajaih padai Nhật di VN. Tui dom chuyên gia, NB hu salih 30% taneh ngak padai tapa pala njam patam atau dom pajaih padai ngak pandap mbang ka athur raong kayua padai nyu labaih. Nan ye bruk urang nông VN ngak padai nhật bloh pablei ka Nhật brei caik hatai piah klah khat lahik dalam tukvak anak tal. Hu thau, taneh ngak padai Nhật di Đồng Tháp dalam thun ini hu peih praong tal jaik 10.000 ha, mboh ralo di  dom huyện Thanh Bình, Tam Nông, Tân Hồng. /.