1 # Pak Hà Nội, Thượng tướng Tô Lâm, Thứ trưởng Mentri Công an  bahrau taduan raok ong Theodore G.Osius, Đại sứ Hoa Kỳ pak Việt Nam. Pak van taduan raok, Thứ trưởng Tô Lâm caong khin, tukvak anak tal, dua gah njauk patui veik kham merat, khik ramik cơ chế, jhul patagok talei pambuak bruk di Mentri Công an Việt Nam haong dom jabat peih ngak adat hukum di Hoa Kỳ ka nyu siam jang, oh padeih patagok, daong ngak brei khang kajap jang talei pambuak bruk nao mai taong abih gah di dua negar. 

2/ Tỉnh ủy Điện Biên barau pandar dom pakat ủy, tổ chức Đảng, jabat, đơn vị saong dom jabat báo chí brei peih ngak siam bruk blei saong puac báo Đảng dalam tukvak mới; yaok tổ chức đảng, urang đảng brei sangka ruah duah, bac megru saong ngak tui dom asal, mô hình, kreih camin siam angaok báo đảng; tacei pato peih ngak catang asal ini ngak ka yaok blah báo jeng hu pren diukrai dalam bruk ngak di dom chi bộ, đảng bộ.

3 # Tukvak meng thun 2011 tal thun 2015, huyện Định Hóa, tỉnh Thái Nguyên hu buh tame labaih 126 tỷ đồng meng phun jien di danak dak patagok kinh tế - xã hội bhum urang bangsa takik, bhum ceik (iew lac danak dak 135) di Raja-ei. Meng phun jien nan, huyện padang ngak hu labaih 500 công trình cơ sở hạ tầng palei pala ka dom xã biak kan kandah; daong ka labaih 6.800 baoh sang urang nong blei pandap panda, mac moc pandar ka bruk pala drak. Mai meng nan, rai diuk  bhap bani dak harei dak siam jang,  baoh sang kathaot dalam huyện meng 40% (thun 2011) trun daok 19% (thun 2015).

4/ Bruk li-an brak akaok meti dalam thun 2015 barau rah tabiak di Sa Pa – Lào Cai. Li-an brak hu mboh di jalan roya 4D meng labik thác Bạc tagok tabung đèo Ô Quý Hồ (ban sit sa pa, tỉnh Lào Cai), labik glaong jaik 2.000 mét duk saong mbaok  ia tasik. Tui pasak khí tượng thủy văn Lào Cai, nhiệt độ di sa pa jeng daok di tanut biar dalam dom harei tal, kayua yau nan ye, li-an brak jeng daok rah tabiak.

5 # Kapul daong duah urang njauk bala di Bộ đội Biên phòng tỉnh Khánh Hòa hu taom gaok haong gilai njauk bala angaok vịnh Nha Trang saong ba 29 urang tuai rivang ma-in negar langiu tame ar an toàn. Gilai du lịch tual số hiệu KH 0449 di Công ty du lịch Làng Cá pajeng 29 urang tuai quốc tịch Nga tabiak truh bến gilai Cầu Đá nao rivang iek vịnh Nha Trang. Tuk nao tal labik tasik gah meraong pulao Hòn Mun ye gilai njauk khut mac, tame aia ngak gilai karam. Taduan hu panuac khan, Bộ chỉ huy Bộ đội Biên phòng tỉnh Khánh Hòa pandar gilai daong duah urang njauk bala gam haong 17 urang jakar, urang lin nao daong. Dom urang njauk bala hu ba tame ar an toàn, pren yava di 29 urang ruai Nga mboh hu siam lagheih.

6/ Tòa án nhân dân tỉnh BP barau tuyên án tử hình  dua urang pametai 6 urang di xã Minh Hưng, huyện Chơn Thành, tỉnh Bình Phước dalam mbang sơ thẩm harei 17/12. Dalam phiên tòa lưu động kaoh duac vụ án metai menuac, blah drap ar biak jhak ini di xã Minh Hưng, huyện Chơn Thành, tỉnh Bình Phước, Hội đồng xét xử hu ginup dom harak gar piah ngak cambaih laih bruk phạm tội di dom urang nan.

7 # Tukvak tapa, dom puk palei dalam tỉnh Kiên Giang hu sangka padang kapul urang hu angan je dalam bhap bani bangsa. Labik dang, bruk ngak di urang hu angan je dalam bhap bani bangsa hu patagok khang kaja. Tapa nan, bhap bani bangsa, agama dak thau cambaih laih jang bruk sangka di Đảng saong Karja, meng nan gul pataom daong ba gauk patagok kinh tế, kham merat jhul kapul likuk dom kadha kanjah jhak dalam rai diuk.

Patui di ini dom khau tin dunya:

8/ Takik di abih 13 urang metai dalam sa mbang khuah khu mỏ rah tabiak harei 17/12 di tỉnh Liêu Ninh, gah ia-sar TQ. Mbang khuah rah tabiak tuk biar harei sup. Jaik 23 thợ mỏ gar dalam nan hu ba tabiak an toàn. Langiu 13 urang metai daok hu 10 urang karei njauk rambuac trak hu ba tame ndih iek ruak. Hu thau, pui khuah tabiak meng sa jamriak hàn điện.

9 # Báo La Tribune di Pháp brei thau, Ai Cập daok jhul pakhang bruk blei 2 vệ tinh quân sự, dalam nan hu sa vệ tinh pasang iek saong sa vệ tinh viễn thông quân sự, di kapul Pháp - Italia Thales Alenia Space, hu yaom jaik 1 tỷ ơ-rô (Euro). Dahlau di nan, meng bilan 10 meng bloh, Ai Cập saong Pháp hu mboh tangin tame harak pablei salih vũ khí ngak brei ka kmanuac sia caik hatai sangka. Tui nan, Pháp pablei ka Ai Cập 2 sruh gilai hu mblang par haok trực thăng bahrau abih hu angan Mistral bo Pháp hu ngak salah blaoh tuk camereip lac piah pablei ka Nga.

10/ Hội đồng bảo an LHQ barau brei thau dự thảo sarak kayua Mỹ saong Nga ngak tabiak piah kak catang dom jalan ngak urak ini pamaong tame jien mek tame di kol IS jeng yau pachreih dom taneh ia hu mbaok tame dự án ini. Sarakt hu brei tapa taduan hu bruk pachreih tui di menuac sia dunya./.