1 # Peih bruk panduan ba bhap bani nao daok di labik karei thủy điện Lai Châu, tỉnh Lai Châu njauk panduan ba labaih 2.000 baoh sang, gam haong labaih 8.000 urang labik lòng hồ mai 8 khu, 17 labik daok bahrau. Tal urak ini, tỉnh Lai Châu hu ngak blaoh bruk padang ngak dom công trình hạ tầng cơ sở di dom labik daok bahrau saong daok peih bruk parabha taneh pala drak ka mikva. Rai diuk di bhap bani angaok bhum palei bahrau dak harei dak grap tanat, bruk ngak mbang kinh tế daok salih tui jalan siam mekre, rik daong tame bruk PATRUH EIK PATRUN KATHAOT, padang NGAK palei pala bahrau.

2/ Mban bangsa tỉnh Trà Vinh pambuak bruk saong mban tuyên giáo tỉnh ủy peih mbang pathau khan sarak, hukum ka dom ong bhik, urang pan bruk agama lac bhap bini khmer dalam tỉnh. Asal pathau khan pataom tame dom bruk nan lac sarak bangsa di đảng saong karja; bruk ngak, quyền hạn saong chức năng di trụ trì; quy chế bruk ngak di mban quản trị baha; khan tapa ka hukum tasik VN.

3 # Kapul urang pal akaok tỉnh An Giang bahrau nao rivang saong tadhau ayuh Giáng sinh Hội thánh Tin Lành Long Xuyên. Pak mbang taom gaok tangi rivang, Phaok akaok Ủy ban bhap bani tỉnh Nguyễn Thanh Bình tadhau ayuh Mục sư Cao Văn Hoàng saong dom Chấp sự Hội thánh Tin Lành Long Xuyên; pok meyaom, ghi nhận dom rikdaong di bhap bani Tin Lành An Giang dalam bruk cakrok patagok kinh tế- xã hội dalam tukvak tapa. Taphia di nan, caong khin, dom mục sư patui veik jak ba mikva patagok jang hatai gul pataom, diuk rai siam gheih saong tuk halei jeng daong ba gauk dalam rai diuk…

4/ Barau ini, di nông trường cao su Suối Dây, xã Suối Dây, huyện Tân Châu, mban thường vụ tỉnh đoàn Tây Ninh barau peih bruk pakacah “dam dara kuah katak cao su naih joi” mbang 10 thun 2015. Harei pakacah pachreih hu labaih 30 urang, lac urang đoàn dam dara naih gheih dalam bruk pasram tangin gheih, pakacah thợ joi hu palih ruah meng dom đơn vị. Bruk pakacah nan piah pachreih dam dara công nhân kham merat pasram tangin gheih.

5 # Ban Thường vụ Thị đoàn Bình Long, tỉnh Bình Phước bahrau peih bruk nao rivang saong alin brei pandap ka urang jakar, bol lin biên phòng dua đồn Tà Vát saong Tà Pét, daok dalam  huyện Lộc Ninh. Danak dak hu mbaok di 120 urang đoàn, dam dara. Pak yaok labik nao tal, kapul hu pok brei dom janih pandap yau komputer, halam taong valei saong ralo janih pandap panda kaya mbang karei, kuhria tabiak yaom jien abih tih labaih 20 triệu đồng. Jeng dalam mbang rivang ini, urang đoàn, dam dara saong dom urang lin biên phòng hu pakacah dit blong, taong mbanh, daoh tamia.

6/ Sở công thương tỉnh Đồng Nai barau peih nyaom drak blei pandar puac thun di pasak nyaom meyai saong peih sự kiện tỉnh di labik ka 1 jalan Nguyễn Ái Quốc, ban Biên Hòa. Nyaom drak pachreih hu ralo doanh nghiệp, cơ sở hu mbaok tame ngan saong jaik 400 gian hàng nan lac dom pandap pandar dalam sang, pandap mbang menyum chế biến, mỹ phẩm, jhik, takhaok, pandap kayau pasiam sang, pajaih phun pala…. Ini lac tuk piah urang blei pandar dalam tỉnh blei pandap tuk puac thun ngan saong yaom meriak gauk. Taphia di nan, ini jeng lac tuk piah ka dom doanh nghiệp, cơ sở yaih khan pandap Việt tal urang blei pandar piah patagok darak pasar dalam taneh ia.

7 # Liên đoàn caoh mbanh dunya (FIFA) bahrau brei thau bảng xếp hạng caoh mbanh kamei quý 4 thun 2015. Tui nan, đội tuyển kamei Việt Nam tagok jang 4 bậc meng labik dang 33 tagok labik dang 29 ngan haong 1650 điểm urak ini daok hu. Di top 10 khu vực châu Á, đội tuyển kamei Việt Nam meblah labik dang  ka 6 meng Thái Lan. 5 đội dang akaok oh hagait salih bahrau tuk đội tuyển kamei Nhật Bản (dang ka 4 dunya) daok khik labikk dang ka 1 châu Á ngan haong 2045 điểm; dom đội dang patui di nan, lac Cộng hoà dân chủ bhap bani Triều Tiên, Australia, Trung Quốc saong Hàn Quốc.

Patui di ini dom khau tin dunya:

8/ Rajaei NB daok kuhria caga dự thảo kadung jien karja ka thun tài khóa 2016, meng harei 1/4  thun hadei, tagok tal 96 ribau 800 tỷ yên (samu saong 800 tỷ đô la). Hãng thông tấn Kyôđô di NB brei thau, jien mek tame meng jien je  meblah biak rilo dalam kadung jien mek tame di karja, jaik 57 ribau 600 tỷ yên, yaom glaong ka 3 dalam sajarah dak rai NB. Tui kuhria, dự thảo kadung jien karja hu QH NB brei tapa di harei 24/12 tal.

9 # Karja Iran brei kareik pabah mbang di dom sang bac saong sang bac mẫu giáo di bal ine Têhêran (Tehran) dalam 2 harei 20 saong 21-12 kayua ô nhiễm không khí. Rayo papar binguk karja Iran brei thau, ô nhiễm không khí tagok tal tanut biak kanjah jhak tal pren yava di anek manuac. Raja-ei Iran jeng hu ba tabiak lệnh kareik pabah mbang dom sang bac di dom bal prong yau Ixphahan (Isfahan) saong Arắc (Arak). Bal ine Têhêran di Iran njauk ba tame dom angan dom bal ô nhiễm không khí trak abih di dunya.

10/ Dom gah truyền thông In-đô-nê-sia barau ini brei thau, sa sruh kapal pajeng labaih 100 tuai  meng Kô-la-ka, medil lac kram langiu tasik pulao Xu-la-uê-si di taneh ia ini. Cảnh sát hu brei kapal nao ruah duah sruh kapal ini. Urang brei panuac di cảnh sát angaok pulao Xu-la-uê-xia brei thau, mban khik iek pabah lam nge oh liên lạc hu saong sruh kapal ini hadei di tuk jamriak di nyu khuat dalam tuk langik tasik jhak. Min jeng hu dom panuac brei thau sruh kapal jeng daok seik angaok tasik./.