1 # Phaok Thủ tướng Nguyễn Xuân Phúc, Akaok Ủy ban An toàn giao thông pakat negar bahrau iew phon ka Ban An toàn giao thông dom tỉnh Vĩnh Phúc, Lào Cai saong bal Hà Nội; Cục Cảnh sát giao thông; Tổng cục Đường bộ Việt Nam; Tổng công ty buh jien tame, patagok jalan cao tốc ka bruk pasiam veik hậu quả bala biak trak angaok jalan cao tốc Nội Bài – Lào Cai, labik nao tapa tỉnh Vĩnh Phúc. Phaok Thủ tướng jeng hu payua panuac klah rabha pandik harao tal dom baoh sang hu urang njauk bala metai lahik, payua panuac tangi rivang dom urang njauk rambuis, brei bruk ka ong Khuất Việt Hùng - Phaok Chủ tịch  Ủy ban An toàn giao thông pakat negar trun tal labik, pambuak bruk haong dom gah chức năng di tỉnh Vĩnh Phúc haong dom gah pambuak pagam tal langyah pasiam veik dom hậu quả di bala ini. 

2/ Barau ini, UB bhap bini tỉnh Hà Giang pambuak bruk saong tập đoàn Bảo Việt peih danak dak an sinh XH, saong peih bruk padang ngak sang ilamu bangsa Lô Lô di Cao Nguyên patau đồng văn. Bruk padang ngak sang ilamu bangsa Lô Lô hu tập đoàn Bảo Việt buh tame 700 triệu đồng, padang ngak di palei Lô Lô Chải, xã Lũng Cú, huyện Đồng Văn, tỉnh Hà Giang. Tui nan brei padang ngak sa baoh sang trình tường meng kan 2 tal, 3 gian praong labaih 110 m2 hu padang tagok meng haluk kiak  tui sang meng kan di bhap bini Lô Lô, sang tauk kiak âm dương saong hu paga vit taom dar.

3 # Dalam tukvak 2012-2015, meng phun jien abih tih labaih 607 tỷ đồng di danak dak bruk ngak negar ka aia hacih saong vệ sinh môi trường palei pala, tỉnh Quảng Bình hu padang ngak 26 công trình ba aia hacih ka palei pala; 21 công trình sang jaman ka dom sang bac dom pakat; 11 công trình sang jaman ka balai y tế xã; daong padang ngak 225 mô hình sang jaman saong 232 mô hình xử lý hareik hareim nerak tachuak meng bruk raong glang ka dom baoh sang kathaot, jaik si kathaot, baoh sang sarak karja.

4/ Tổng cty điện lực bhum kreih negar pambuak bruk saong cty điện lực Quảng Trị barau peih bruk ba điện ka 225 baoh sang bhap bini daok di 5 palei Chân Rò, Cu Pua 1, Cu pua 3, xã Đakrông; Tà Lao, xã Tà Long; palei Khe Hiên, xã Hướng Hiệp di huyện bhum ceik Đakrông. Lambaok tổng cty điện lực bhum kreih negar ndom lac: “10 palei, bản daok veik, dom đơn vị padang ngak daok jhul samar tukvak, kham merat ba điện duh ka bhap bini dahlau tết anek sak kara.

5 # 5 thun pambuak bruk peih ngak danak bruk ngak pacang cakak jru phian ma túy dalam dam dara, uranaih tukvak 2010-2015, dua jabat Tỉnh đoàn Đắk Lắk saong Công an tỉnh peih ngak hu 367 van pathau khan ka bruk pacang cakak jru phien ma túy ka jaik 100 ribau mbang urang đoàn, dam dara;  padang 273 tủ tapuk hukum di dom xã, phường, bal sit. Dua jabat ini jeng pasiam veik hu, saong daong ka jaik 300 dam dara nao suan jalan, njuk jru phien ma túy, hadei di cai nghiện hu daong ka dom urang nan jeng manuac jeng urang siam. 

6/ Pahadar 71 thun harei padang bol bala bhap bini VN (22/12/1944 - 22/12/2015) saong 26 thun harei QP toàn dân (22/12/1989 - 22/12/2015), tỉnh Quảng Nam barau peih bruk pok angan anh hùng tapon nyaom bol pan phao kraong ka 5 urang naih gheih dalam bruk mesruh metak pacang Mỹ daong taneh ia. Dom urang lac urang jakar bol bala, urang dahlau daih ngak bol lin tapa dom samar hu ba gauk hadar veik truyền thống hào hùng di bol bala bhap bini VN saong tapon nyaom bol pan phao kraong tỉnh Quảng Nam. 

7 # Tỉnh Tuyên Quang bahrau peih bruk taom mbaok dom urang jakar pakat glaong bol bala padaih hưu, padeih ngak bruk dalam tỉnh thun 2015 tukvak pahadar 71 thun Harei padang Bol bala bhap bani Việt Nam. Akaok Ủy ban bhap bani tỉnh Tuyên Quang Phạm Minh Huấn pok meyaom dom rik daong di urang jakar pakat glaong Bol bala, di tapon nyom bol pan phao kraong tỉnh tukvak tapa brei ka bruk grap tanat an ninh chính trị, quốc phòng saong patagok kinh tế - xã hội di puk palei; caong khin tapon nyom bol pan phao kraong tỉnh Tuyên Quang patagok ilamu “Bộ đội Cụ Hồ”;… kham merat hu mbaok tame cakrok patagok kinh tế, xã hội puk palei. 

Patui di ini dom khau tin dunya:

8/ Di Viêng Chăn, Lào, kapul pakat glaong TƯ giáo hội phật giáo VN, kayua Hòa thượng Thích Thiện Nhơn, akaok Hội đồng Trị sự Giáo hội Phật giáo  Việt Nam pan akaok, barau hu mbang ngak bruk saong kapul liên minh Giáo hội Phật giáo Lào, kayua Hòa thượng Ngon Ngon Đăm-lông-bun, Chủ tịch bahrau di Liên minh Giáo hội Phật giáo Lào pan akaok.  Tapa nan, lambaok TƯ Giáo hội Phật giáo Việt Nam, Hòa thượng Thích Thiện Nhơn hu alin ka Hòa thượng Ngon Damlongboun yaom jien 100.000 USD, pandap alin di TƯ Giáo hội Phật giáo Việt Nam brei ka Liên minh Giáo hội Phật giáo Lào piah padang ngak sang bac.

9 # Tổng thống Hàn Quốc Park Geun-hye bahrau ngak bahrau Nội các, salih dua urang ngak Phaok thủ tướng gah kinh tế saong xã hội, piah kuhria caga ka mbang palih ruah Nghị viện tui kuhria  meda rah tabiak dalam bilan 4.2016. Dalam mbang ngak bahrau Nội các ini, Tổng thống Park daok pok Thứ trưởng Bmentri pablei salih, ngak kong saong năng lượng Joo Kyung-hwan tagok ngak Akaok mentri ini, taphia di nan tacei Akaok mentri bahrau ka Mentri Nội vụ saong Bộ Bình đẳng giới.

10/ QH TQ barau ginum meyai bruk pasiam veik hukum kế hoạch hóa gia đình, piah tui nan brei adat dom diuk pasang TQ ndih tapui anek ka 2 barau hu nyaom meyai TƯ mbang ka 5 khóa XVIII di đảng cộng sản TQ brei tapa dua bilan dahlau. Di mbang nyaom di UB TVQH TQ, urang brei thau, karja pachreih dom diuk pasang ndih tapui anek ka 2. Ini lac jalan nao barau dalam sarak dân số di taneh ia ralo menuac abih di dunya ini; padeih sarak 1 anek dui atah dom pluh thun tapa./.