1 # Pak Hà Nội, kadung jien daong urang ruak ung thư “Brei ka harei hadei hadah hadai” di Metri Y tế pambuak haong Kapul Dược phẩm Roche bahrau peih  Danak dak daoh tamia hu angan “Brei ka hatai caong khin di anek” saong pok brei pandap ka dom uranaih njauk ruak ung thư daok iek ruak pak Viện Huyết học- Truyền darah Trung ương. Danak dak daoh tamia ngan haong bruk hu mbaok di ralo nghệ sỹ, urang daoh daneiy angan, halar hatian mai daoh, tamia yaok pluh kadha brei ka uranaih, piah pachreih hatai jayak ruak hakik saong ba mai hatai jia ka dom uranaih njauk ruak ung thư tukvak Giáng sinh, uan raok thun bahrau 2016. Langiu di nan, Ban Tổ chức daok daong piah pabak hatai caong khin di 200 uranaih njauk ruak ung thư hu rai diuk kan kandah daok iek ruak pak Viện Huyết học- Truyền darah Trung ương.

2/ Tui Chi Cục Thý y – Sở ngak nông saong patagok palei pala tỉnh Lào Cai, urak ini, tỉnh oh ka duah mboh urang halei pandar janih oh brei pandar dalam bruk raong glang. Tapa mbang pasang iek barau abih hu sở ngak nông saong patagok palei pala tỉnh Lào Cai peih ngak brei mboh, di dom labik pablei salih pandap mbang ka bruk raong glang dalam tỉnh oh ka duah mboh dom janih oh brei pandar; di dom labik pablei salih, sik ngak ralao athur jeng oh ka duah mboh dom athur hu raong meng janihoh brei pandar, abih di nyu nan lac  janih Salbutamol.  

3 # Pasang veik sarak, hukum ka bruk patrun kathaot ngan haong bhap bani bangsa takik di Việt Nam – bruk di anak meta saong dom kadha ba tabiak nan lac asal kadha di nyaom biai kayua Hội đồng bangsa di Quốc hội saong danak dak Patagok Liên hiệp quốc peih ngak harei 22/12, pak tỉnh Lạng Sơn. Pak nyaom biai, ong Danh Út, Phaok Akaok Hội đồng Bangsa Quốc hội brei thau: hadei di thun 2015  oh daok urang kathaot saong kurang mbang; kham merat tỷ lệ baoh sang kathaot bangsa takik trun meng 3- 4% dalam sa thun; tal thun 2025 tỷ lệ suy dinh dưỡng teik trak Angaok umo uranaih bangsa takik ala 5 thun daok ala 8%, urang bangsa takik meng 10 thun tagok thau akhar hu labaih 98%,  urang lambaok kumei bangsa takik di Hội đồng Bhap bani pakat xã hu labih 40%.

4/ Kapul pasang iek kayua Trung tướng Đồng Đại Lộc, Phaok Tổng Cục Cảnh sát, mintri Công an pan akaok  hu var ngak bruk di tỉnh Bà Rịa – Vũng Tàu ka bruk pacang buôn lậu, bleik saleik dalam pablei salih saong pandap ja thun 2015. Brei panuac di var ngak bruk, Trung tướng Đồng Đại Lộc caong khin dom gah chức năng di tỉnh brei sangka tal bruk pablei salih, pajeng ba sung hukum xăng menyek, pablei salih khoáng sản, pakao, janih patuh, mỹ phẩm, thực phẩm chức năng, pandap mbang menyum; abih di nyu nan lac bruk buôn lậu, pandap ja, pandap plak tui dalam tuk tết nguyên đán jaik tal.

5 # Kadha patagok năng suất, patagok chất lượng saong patrun jien buh tame dalam bruk ngak nong tuk halei jeng lac bruk caong khin di bhum taneran kraong Cửu Long urak ini. Kayua yau nan ye, bruk ba jamriak, pandar công nghệ bahrau tame ngak nong daok hu mikva urang nong kham merat peih ngak. Ong Lê Văn Bảnh, Akaok Cục chế biến nông lâm thủy sản saong bruk ngak sara, Mentri ngak nong saong patagok brei thau: “Kadha urak ini khaol drei njauk hu pren meriak gauk piah patagoj năng suất, patagok chất lượng saong trun chi phí ngak tabiak ye bruk cơ giới hóa nan lac biak caong khin. Taphia di nan dalam tukvak peih ngak công nghiệp hóa, đô thị hóa ye urang ngak di palei pala dak harei dak takik nai nan ye bruk pandar  cơ giới hóa nan lac bruk njauk ngak piah yam tal sa jalan ngak nong meng công nghệ glaong. Piah pabak veik kadha ini karja hu daong ka dom doanh nghiệp ngak tabiak dom janih mac moc daong ka urang nong hu phương tiện, điều kiện blei tame mac moc trang thiết bị”. 

6/ Harei 23/12, di sangmegik Rahim, quận 1, mban lambaok bhap bini Islam ban raya HCM peih ngak Maulid salam uan harei menek thun 1437 saka Islam – thun 2015 saka ia harei di Nabi Muhammad – urang ba jalan ka agama Islam. Mai hu mbaok ngak Maulid, langiu jaik 200 urang lambaok ka labaih 8.000 urang Islam di 16 jam ah di ban raya HCM daok hu lambaok dom mban, ngành, kapul nyaom saong lambaok dom agama karei. Tapa nan, mban lambaok bhap bini Islam ban raya HCM hu panuac ieu taong abih urang Islam dalam ban raya  jum pataom gauk, paglaong bruk di rahra ngan saong negar; diuk rai bui sambai, hanem phon, tui  jalan siam ka dunya, mekre ka agama; patagok bruk jum pataom bangsa, kham merat ba tangin tame saong bhap bini ban raya dak padang ban raya HCM dak harei dak văn minh, hiện đại, ndung bak hatai anit ranam gauk. Ong Arafath – urang hu mbaok dalam mbang ngak Maulid chreih chrai lac:

Sap Chăm   

Khau tin dunya:

7 # Hãng thông tấn Kyodo brei thau, Nhật Bản saong Anh tui kuhria meda peih  nyaom biai 2+2 pakat akaok Mentri (Mentri Quốc phòng saong Mentri Ngoại giao) mbang ka dua dalam harei 8/1/2016 pak bal ine Tô-ky-ô, Nhật Bản. Tui kuhria mbang nyaom biai ini, dua gah meda pataom tame ginum biai ka dom kadha  an ninh Biển Đông, tasik Hoa Đông, pambuak bruk pacang cakak khủng bố jang yau dom kadha khu vực saong dunya bo dua gah daok sangka.  

8/ Yaok thun tal bilan giáng sinh, bhap bini daok di ban San Fernando  di tỉnh Pam-pan-ga, Philippin jeng thavi thavar ngak dom janih gom lồng. Oh lac piah pasaim sang danaok, jalan mbak, dom labik công cộng…. urang ngak tabiak dom baoh gom ndung bak ilamu meng kan ini daok piah hu mbaok tame harei lễ hội gom lồng praong hu peih tabiak yaok thun di labik ini. 

9 # Philipin bahrau hu jeng negar akaok meti di châu Á brei adat pablei saong pajeng ba sa janih vắcxin pacang caga ruak pandiak tabiak darah hu angan  Đen-va-xia kayua Pháp ngak tabiak, piah pacang jit ruak pandiak tabiak darah – jit ruak bhian gaok di negar Đông Nam Á ini. Vắc xin Đen-va-xia mbang akaok meti hu raja-ei Mê-hi-cô brei adat pandar saong daok cang hu mboh tangin brei adat di 20 negar karei./.