1#/ Beir harei 14/2, thủ tướng rajaei Nguyễn Tấn Dũng pan akaok kapul lambaok pakat glong VN tabiak truh HN tagok jalan hu mbaok di nyaom pakat glong ASEAN-Hoa Kỳ hu peih tabiak di Sunnylands, bang California Hoa Kỳ meng harei  15-16/2 tui panuac daa di Tổng thống Hoa Kỳ Barack Obama.  Mbang nyaom pakat glong ASEAN-Hoa Kỳ mbang ni hu makna prong, kayua ni lac mbang nyaom pakat dunya prong akaok meti tuhn 2016 di ASEAN song lac mbang nyaom pakat glong cemereip di ASEAN song dom negar karei karei hadei di tuk ASEAN  jeng Cộng đồng.

2# Pagaiy harei 14/2 , urang ngak ikan xã Nhơn Hải, ban sit Quy Nhơn, tỉnh Bình Định peih adat lam dar ikan limen (urang ngak ikan iek lac “ikan Ông”) hadei di tuk ikan limen theik tame ar. Dahlau di nan, tukvak 1 tuk pagaiy, diuk pasang urang ngak ikan angan Nguyễn Văn Thơm daok di palei Hải Giang, xã Nhơn Hải dalam tuk caong cap duah mboh ikan limen atah labaih 1m, sambo mau jhuk, trak jaik 50 ký metai theik tame ar. Tui adat cambat tanarakun, bruk ikan Ông metai theik tame ar yau nan hu maong lac ba pataoh jamo ka urang ngak ikan tuk nao taong cap ikan di tasik.

3#/ Melam 14/2, di Nhà hát Lớn Hà Nội, danak dak “Tình yêu cười” song dom tiểu phẩm hài di sang doh Tuổi trẻ hu parang main di ban ine. Hài kịch “Tình yêu cười” song dom tiểu phẩm yau: tapa krong, ndam likhah, melam tân hôn, Chim trắng mồ côi …bak bui sambai kayua Nghệ sỹ ưu tú Chí Trung padang ngak song rilo chreih chrai.  Dom tiểu phẩm di “Tình yêu cười” lac pandap alin di dom nghệ sĩ sang doh Tuổi trẻ dalam tuk uan raok thun bahrau song harei lễ tình nhân 14/2, pahadar  yaok menuac urang njauk caik hatai sangka iek glang dom urang drei anit ranam.

4# Tui nan, labik du lịch Thung lũng Tình yêu ban sit Đà Lạt, tỉnh Lâm Đồng hu peih ngak rilo bruk pachreih yaok ratuh yau diuk pasang lac tuai du lich saong bhapbini puk palei pataom mbaok tame. Dalam dua harei 13 saong 14/2, rilo danakdak, bruk mein hu peih ngak hamiet di Thung lũng Tình yêu, hu mbaok labaih 100 yau ayut meyau. Dalam labik gheih mekre di bingu hồng saong glai thông, dom yau ba gauk pakacah dom gameshow bui sambai yau nụ hôn dấu ấn tình yêu, khiêu vũ tình yêu…

5#/ Hadei di 12 harei peih pambah mbang hu labaih 700 ribau bhap bini song tuai damuai mai mong iek, melam 14/2 njauk tame harei 7 bingun tết, Hội Hoa xuân anek sak kara thun 2016 hu angan “ban raya Hồ Chí Minh – Hòa bình, Thịnh vượng, Phát triển”: di ban raya HCM hu tamat bloh. Hội Hoa xuân ban raya Hồ Chí Minh thun ni parang iek labaih 3.000 pandap bingu ala, ikan cảnh patau cảnh nghệ thuật di dom tỉnh, ban song langiu negar. Tui mban peih bruk hu labaih 700 ribau tuai mai mong iek dom tác phẩm nghệ thuật bingu, patau, ikan cim cảnh song rilo janih sân khấu doh takre, đờn ca tài tử, trò chơi thiếu nhi, thư pháp, biểu diễn lân sư rồng, võ thuật cổ truyền...tagok labaih 100 ribau tuai dut song thun dahlau.

6# Piah caga duh darak pasal saong pagam pambak tame tuk lingik siam lagaih, meng akaok thun barau, urang ngak nong tỉnh Tiền Giang ba tangin tame pala drak. Dalam nan, rilo puk palei kakei urang nong pala phun njam katut harei di taneh padai piah caga tua mbak; sangka pala drak tui dom jalan an toàn sinh học piah pandap panda  ginup tiêu chuẩn ba tame dom siêu thị saong pablei tabiak taneh ia langiu. Amuk Trần Thị Nguyên, akaok Phòng ngak nong saong patagok palei pala huyện Cai Lậy, tỉnh Tiền Giang lac : Meng taneh padai salih tapa pala njam mek hu jien tame glaong jang duk saong ngak padai. Nan ye bilan Đông xuân thun ini, mikva urang nong hu salih meng taneh padai tapa pala njam. Daok bruk pala njam gah ngak nong hu kakei mikva  ngak njauk jalan an toàn hacih saat pandap mbang menyum, pala drak tui 4 njauk piah khik caga pren yava ka bhapbini .

7#/ Tui Sở văn hóa Thể thao song  Du lịch tỉnh An Giang, dalam tuk tết nguyên đán anek sak kara 2016 tỉnh An Giang hu jiak 600.000 tuai mai rivang dom labik du lịch, tagok  87% dut song tết nguyên đán thun 2015. Dom labik hu rilo tuai mai rivang main lac Glai tràm Trà Sư; Khu Lưu niệm Bác Tôn;  Núi Sam; Khu du lịch thị trấn Núi Sập; Núi Cấm; Đồi Tức Dụp...Jien mek tame meng bruk brei pah labik ndih daok, mbang menyum, pablei pandap,main giải trí hu labaih 20 tỷ đồng, glong di abih meng dahlau tal ni di tỉnh.

Khaw tin dunya

8# Rajaei Philippin hu parabha 900 triệu pê-sô (sumu jaik 19 triệu đôla Mỹ) ka bruk daong urang nong di Minđanao, bhum gah meraong gaok lingik En Ninô. Akoak mintri ngak nong Philippin Prô-xét-sô An-ca-la (Proceso Alcala) brei thau, meda ba tabiak dom bruk daong siam abih ka urang nong, dalam nan mintri ngak nong meda daong urang nong soang dom gah thủy lợi kuac bingun, pabak mac bơm, mac bơm ia harei .

9#/ Hiệp hội dom công ty menyek Nhật Bản bahrau brei pasiam veik talei pambuak bruk kỹ thuật song gah  ngak menyek di  Iran. Pasak pambuak bruk ngak menyek Nhật Bản (JCCP) hu ba tabiak bruk nan hadei di tuk dom negar langiu klaak cấm vận kinh tế di Iran tui thỏa thuận hạt nhân hu mbaoh tangin di thun bloh. Pasak pambuak bruk ngak menyek Nhật Bản cong lac pambuak bruk khang kajap jang song Iran meda dong ka Nhật Bản patagok  nguồn lực song pasiam an ninh năng lượng.

10# Dalam tuk urang alamu daok roh duah ngak tabiak vắcxin pacang caga , urang jakar ngak praong di Braxin daok pataom tame caga virut meng bruk pametai jamaok. Labaih 200 rabau urang lin hu ba tabiak grauk Braxin piah tace bhapbini bruk pametai jamaok vằn, lac jalan pambak virút Zika. Bruk pametai jamaok dak harei jeng bruk njauk ngak tuk daok 6 bilan tra Braxin peih Olimpic bilan Hè 2016 di Ri-ô đờ Gia-nê-rô./.