1/ Đại tướng Trần Đại Quang, Ủy viên mintri Chính trị, akaok mintri Công an hu nao rivang song ngak bruk di tỉnh Nghệ An. Ngak bruk haong mban Thường vụ Tỉnh ủy Nghệ An, Đại tướng Trần Đại Quang tong yaom glong dom bruk ngak hu di tỉnh Nghệ An dalam patagok kinh tế, xã hội. Taphia dom bruk ngak hu, tỉnh Nghệ An jeng dok dang anak dom kan kandah, tavak tavaiy . Đại tướng Trần Đại Quang hu panuac lac tỉnh Nghệ An njauk sangka, samar duah thau bruk, langyah tal labik tal dhua dom bruk kan kandah dok rah tabiak dalam tỉnh.

 2/ Thủ tướng rajaei barau hu công điện pandar dom mintri, jabat, puk palei khan cambaih tal urang jakar, công chức, viên chức peih ngak catang kỷ cương, kỷ luật hành chính, kỷ luật lao động; samar pataom tame langyah bruk ngak hadei dom harei padeih tết, daong palagaih abih ka bruk ngak mbang pablei salih, đầu tư di doanh nghiệp saong bruk giao dịch di bhap bini; oh peih bruk me-in sambai, palai pajoa, ngak oh siam tal  bruk ngak. Urangdang akaok dom mintri, jabat, puk palei oh hu mbaok tame lễ hội meyah oh hu pakat hu thẩm quyền brei nao. Urang jakar, công chức oh nao lễ hội dalam tuk ngak bruk, oh pandar radaih công nao lễ hội, langiu bruk thực thi nhiệm vụ.

3/ Ong Trương Hòa Bình, Ủy viên mintri Chính trị, Chánh án Tòa án bhap bini tối cao pan akaok kapul ngak bruk hu nao rivang song ngak bruk di huyện Phú Quốc, tỉnh Kiên Giang. Di var ngak bruk, Bí thư Tỉnh ủy Kiên Giang Nguyễn Thanh Nghị hu pathau khan ka bruk patagok KTXH, bruk đầu tư di tỉnh Kiên Giang song huyện Phú Quý thun 2015, dom bruk ngak prong dalam thun 2016.

4/ Mban tacei pato danak dak bruk ngak negar padang ngak palei pala barau tỉnh Trà Vinh brei thau, thun 2016, tỉnh kham merat hu gilac 8 xã mek hu chuẩn palei pala barau. Piah ngak hu bruk nan, mban tacei pato danak dak bruk ngak negar padang ngak palei pala barau tỉnh Trà Vinh hu tacei pato dom gah pambuak tal pataom tame daong dom puk palei peih ngak samu gauk dom jalan ngak praong yau: patagok sản xuất pambuak saong rami ramik veik gah ngak nông; salih barau jalan ngak kinh tế palei pala, pandar ilamu – công nghệ tame sản xuất; jhul pakhang bruk pato bruk ngak nông, ba bruk ngak piah paglaong jien mek tame ka bhap bini. 

5/ Di ban sit Nha Trang, labaih 4000 anek saih Trung học phổ thông di Khánh Hòa hu mbaok tame daqnak dak “Tư vấn tuyển sinh - hướng nghiệp thun 2016” kayua mintri pato megru,  mbao tuổi trẻ pambuak bruk song sang bac Đại học Khánh Hòa peih tabiak. Danak dak hu 3 binah lac: langyah piah pabak ka anek saih dom khau tin ka mbang pakacah trung học phổ thông pakat negar song tuyển sinh thun 2016; langyah tui dom nyaom, ngành nghề yau kinh tế, jien padai, gilang pariak, ilamu kỹ thuật công nghệ thông tin, padang ngak jalan mbak, khoa học xã hội, sư phạm, ngoại ngữ, luật; langyah tapak ka anek saih.

6/ Tal urak ini, jit laka cambuai tapaok kakau di tỉnh Quảng trị nyu njom tal 3 xã, ban sit dalam tỉnh ngan saong 50 drei kabau limo njauk ruak. Dalam tuk nan, abih tih tapon kabau limo dalam tỉnh hu klauk pacang cakak vacxin laka cambuai tapaok kakau di thun dahlau urak ini abih tukvak miễn jit. Amuk Lê Thị Nga, akaok chi cục thú y tỉnh Quảng trị brei thau, jru vacxin piah klauk ka athur jeng abih, đơn vị caong jaik 65 ribau liều klauk pacang cakak ka abih tih tapon athur dalam tỉnh. Anak meta, caong hu chip 30 ribau liều piah klauk pacang bhum hu jit.

7/ Ngan song kadha “ Melam ia bilan hadah pambuak hatai anit ranam” di mblang bein Biển Đông, mban khik ramik palao Sơn Trà song tasik Đà Nẵng di Sở ilamu Thể thao song Du lịch pambuak bruk song Công ty cổ phần truyền thông Bờ Biển Ngọc peih bruk pakacah nduac takai  “Takai saoh di takai tasik Đà Nẵng” mbang ka 2. Labaih 5000 anek saih, SV, bhap bini ban Đà Nẵng song tuai damuai hu mbaok tame pakacah, dalam nan hu 50 thủy thủ mai meng dom negar. Dom vận động viên hu mbaok tame nduac 3 kadha lac:  chinh phục Ngọc trai patih cự ly 2 km, chinh phục Ngọc trai katam cự ly 5km và chinh phục Ngọc trai juk cự ly 10km.

Patui di ini dom khau tin dunya:

8/ Hãng tin Kyôđô di Nhật Bản brei thau, jaik 28 ribau bhap bini NB pataom gah langiu jabat ngak bruk QH di ban ine Tokyo piahphan3 đối bruk brei padang veik căn cứ quân sự angaok pulao Ô-ki-na-oa. Dalam tuk nan, dom mbang trun jalan kareijeng rah tabiak di ralo labik dalam taneh ia NB. Rajaei NB meng lavik mai jeng daok căng thẳng saong karja tỉnh Ô-ki-na-oa pambuak tal bruk panduan ba căn cứ không quân Phư-tên-ma di lin Mỹ daok di tỉnh ini. Đề xuất panduan ba căn cứ Phư-tên-ma hu ba tabiak mbang akaok meti di thun 1996,hu jeng kadha praong ngak pandik hatai bhap bini tỉnh Ô-ki-na-oa. 

9/ Urang ngak prong Bắc Kinh (Trung Quốc)  hu jalan padang ngak sa hành lang thông gió dalam ban, piah pacang cakak bruk  ô nhiễm không khí trak.  Tân hoa xã brei thau, "hệ thống thông gió" ni hu pambuak song dom mblang bein, krong ribong, dom jalan cao tốc song dom boh sang beir di ban Bắc Kinh. Dom danak dak padang ngak dalam labik hành lang thông gió hu pasang iek catang. Taphia di nan, dom chướng ngại vật pacang không khí dak harei dak hu yah klak. Tui mban khik ramik  đô thị Bắc Kinh, jalan thông gió ni hu 5 hành lang prong labaih 500 mét song dom labik hành lang sit jang.

10/ Mintri y tế Panama khan lac hu gac 8 urang njom barau virut Zika, patagok abih tih urang njom virut di taneh ia ini lac 73 urang. Virut Zika njom mbak tapa jamuok A đét saong urak ini oh ka hu vacxin pacang cakak. Triệu chứng phổ biến di abih tuk njom virut nan lac pandiak, laka kết mạc, pandik akaok, pandik talang, tabiak mban. Ngan saong urang kamei metian, virut hu caik veik di tật anek kamar ngan saong chứng teo glo akaok. Dom mbang tamuh tabiak virut Zika bhian hu mboh di châu phi, Đông nam Á, dom pulao di Thái Bình Dương saong dom taneh ia di Châu Mỹ./.