1# Cục khik ramik chất lượng nông lâm thủy sản (mintri ngak nong saong patagok palei pala brei thau, jabat thẩm quyền di In-đô-nê-xi-a barau tabiak harak công nhận 10 duk kiểm nghiệm di Việt Nam hu chuẩn phân tích chỉ tiêu an toàn kaya nong hu asal phun pala pablei tapa In-đô-nê-xi-a tui quy định barau di taneh ia ini. Yau nan, meng ini dom doanh nghiệp Việt Nam pablei padai brah , cà-phê, njam patam baok traoh, tea, amraik kalu tapa In-đô-nê-xi-a meda kiểm nghiệm dalam taneh ia, ba mbuan lagaih jhul khang jalan pablei kaya nong tabiak taneh ia langiu. 

2# Chi cục Thú y tỉnh Lai Châu brei thau, jit laka cambuai tapaok kakau di athur raong rah tabiak di dua xã Nậm Xe saong Sin Suối Hồ di huyện Phong Thổ, tỉnh Lai ngak ka labaih 100 drei kabau, limo di di dua xã ini njom ruak. Urak ini, gah chuyên môn daok pambuak bruk saong karja palei iek ruak ka dom drei kabau, limo nan. Taphia di nan tacei pato mikva peih dom jalan ngak piah pacang cakak, padam jit.

3# Dalam tỉnh Đắc Lắc urak ini hu 22 đảng bộ trực thuộc, 805  cơ sở Đảng saong labaih 66.500 urang đảng. Dalam thun, 800 tổ chức cơ sở đảng hu phân loại, taong yaom, dalam nan hu 545 labik lac hacih sa-at, khang kajap, meblah 68%). Thun 2016, chỉ tiêu kết nạp 3.500 urang đảng viên barau pataom tame di kapul dân quân tự vệ, bhapbini bangsa takik dom doanh nghiệp taneh ia langiu, ông Y Lia Tor, phó akaok mban Tổ chức Tỉnh ủy tỉnh Đắc Lắc brei thau: Dalam thun 2016, pataom tame ngak siam bruk pilih ruah khik caga njauk tiêu chuẩn tiêu chí, njauk adat hukum. Dak padang dom tổ chức cơ sở đảng hacih sa-at khang kajap. Patagok urang đảng hu tagok gam số lượng saong chất lượng. Ngak tui chỉ thị 39 di mintri Chính trị ka  tinh giản rami ramik biên chế. Rami ramik dom tổ chức cơ sở đảng njauk saong chức năng bruk ngak yaok đơn vị.)

4/ Tui gah ngak nông tỉnh Bình Thuận, urak ini ia khik mepiah dalam dom kraong ribaong thủy lợi dalam tỉnh tok daok labaih 85 triệu m3, meblah jaik 40% dung tich thiết kế. Pandiak bhang  ngak ka jaik 90 ribau drei limo saong labaih 18 ribau drei pabe daok mbuan kurang pandap mbang, ia menyum; yaok pluh ribau baoh sang bhap bini kurang ia pandar. Anak bruk ini, UB bhap bini tỉnh Bình Thuận hu tacei pato gah ngak nông saong dom puk aplei parabha siam halau ia, thau cambaih dom bhum kurang ia piah hu jalan pabak brei, oh caik ka bhap bini kurang ia. Dalam nan, njauk pabak brei dahlau ia pandar, ia ka athur raong.

5# Ban chỉ huy Pacang caga khat lihik saong duah daong tỉnh Bình Phước brei thau , kayua pandiak bhang saong nhiệt độ glaong dui atah,  ia di dom kraong, ribong, danao thủy lợi, danao thủy điện, bingun, danao trun khang duk saong dom bilan ini thun dahlau, ngak jhak trak ka 28.829 ha phun pala. Anak meta,  tỉnh Bình Phước meda daong jien piah khoan 5 bingun ia praong ka xã Thanh Lương (thị xã Bình Long), 41 bingun ia praong ka huyện Lộc Ninh saong 61 bingun ka huyện Bù Đốp…

Patui di ini dom khau tin dunya:

6/ Cảnh sát Tokyo, NB barau peih mbang pasram piah pacang cakak dom bruk khủng bố dahlau di tuk  peih yaom meyai pakat glaong di abih di kapul dom taneh ia công nghiệp patagok (G7) di bilan 5 tal. Jaik 1 ribau cảnh sát hu mbaok tame pasram di labik pato megru cảnh sát di Tokyo dalam dom harei tapa. Sa bruk giả định hu ba tabiak pambuak tal bruk duah mboh dua sruh kapal haok oh hu menuac peih khả nghi.

7# Thái Lan daok dang anak bruk kurang ia trak, abih di nyu nan lac dalam gah ngak nong. Hu tal 14 tỉnh di taneh ia ini daok gaok tua trak saong oh pala hu dom janih phun hagait. Mbang tua riya dui atah jaik 3 bilan ini mai saong meda dui atah 2 bilan tra tal tuk hajan mai. Tui kuhria, khat lahik ini meda tagok tal 154 tỷ bạt kayua tukvak tua jeng daok dui atah labaih sa bilan tra.

8/ Bhap bini urang Hin-đu di Ấn Độ barau peih rija Hôli atau daok ieu lac rija sambo – sa dalam dom rija praong di taneh ia ini. Rija Hôli brei mboh bruk tamat bilan barak saong  peih akaok bilan xuân ngan saong hatai caong khin sa bilan pala drak njauk, saong tapa nan tượng trưng ka jayah di bruk siam mekre anak bruk kanjah jhak, brei mboh bruk tự do, oh neh rabha giai cấp daok hu mboh ralo dalam XH Ấn Độ meng rilo rai tapa./.