1# # Di jabat Trung ương Đảng, Tổng Bí thư Nguyễn Phú Trọng  hu taduan raok ong Thường Vạn Toàn, Ủy viên Quốc vụ, Akaok Mintri, Akaok kapul pakat glaong Mintri Quốc phòng Trung Quốc.  Tapa nan, ong Thường Vạn Toàn ndom lac Đảng, Rajaei saong bol bala Trung Quốc biak iek praong talei pambuak bruk meng kan haong Việt Nam; bol bala Trung Quốc kham merat pambuak bruk haong bol bala Việt Nam, peih ngak siam dom harak sanya pambuak bruk di dom urang dang akaok dua Đảng,  daong jhul talei pambuak bruk di dua taneh ia patagok khang kajap, tani tanat tui jalan “16 akhar” saong tui jalan “4 siam”, khik kajap hòa bình, tani tanat saong ginup meda di  khu vực saong dunya.

2./ Tỉnh Quảng Trị hu 2 pabah mbang negar pakat dunya lac Lao Bảo saong La Lay, hu rilo tuai negar lingiu tame tabiak.  Anak bruk jit ruak kayua virus Zika daok njom mbak samar di rilo taneh ia saong daok mbuan njom tame Việt Nam, eng akaok thun 2016 tal urak ini, tỉnh Quảng Trị hu peih ngak rilo jalan pacang caga ruak kayua virus Zika njom tame di dom pabah mbang negar pakat dunya nan, abih di nyu  nan lac tuk Lào hu urang njom ruak kayua virus Zika. 

3# Harei 27/3, di baha Hoằng Phúc daok di xã Mỹ Thủy, huyện Lệ Thủy, tỉnh Quảng Bình hu rah tabiak bruk taduan mek saong parang iek tượng Phật ngọc hòa bình dunya. Phật ngọc hòa bình dunya lac pho tượng Phật Thích ca Mâu ni daok  thiền angaok tòa sen tui tư thế liên hoa, ngak meng ngọc thạch. Ini lac pho tượng Phật praong abih saong trang nghiêm abih dunya, glaong 2,54 m, ngang 1,77 m. Tượng Phật ngọc hu pagam veik meng 5 binah hu kim thân, nhục kế, hào quang, tòa sen, bình bát. Tui kuhria, tượng Phật ngọc hòa bình dunya hu parang tabiak di baha Hoằng Phúc tal harei 5/4/2016.

4./ Tỉnh Quảng Nam bahrau peih pakak, ba tame pandar baoh tatua Cửa Đa saong jalan tapen tasik tỉnh Quảng Nam, pambuak pagam dua gah kraong Thu Bồn. tapa nan hu dui katut panak jalan nao mai meng Đà Nẵng tal Tam Kỳ (Quảng Nam); patrun bruk gar radaih angaok jalan roya 1A; pambuak inem krung ilamu dunya Hội An saong inem krung ilamu dunya Mỹ Sơn, daong jhul patagok kinh tế di tỉnh Quảng Nam dalam bhum timur.

5# Urak ini Đắk Lắk daok thulagu khang di ralo labik praong. Công ty Điện lực Đắk Lắk hu  ba tabiak dom jalan  caga quá tải, paglaong dung lượng dom trạm biến áp, trạm phụ tải, dom jalan talei siam abih piah ba menyek dahlau ka phun cà phê, amriak kalu, padai ia saong bruk ngak mbang ngak hoak di bhapbini dom bangsa dalam tỉnh. 

6./ Dalam bilan  3 thun ini, dom urang njauk ruak pandiak tabiak darah bahrau di tỉnh Khánh Hòa trun khang dut saong dom bilan dahlau nan kayua taong abih gah dalam tỉnh ini khang hatai tame bruk. Thun bloh, tỉnh Khánh Hòa hu jaik 9200 urang njauk ruak pandiak tabiak darah, rilo jang jaik 9 mbang dut saong thun 2014. 3 bilan akaok thun ini, di tỉnh ini hu jaik 2.500 urang ruak, dom urang njauk ruak pandiak tabiak darah daok takik nao, urak ini yaok adit daok hu meng 50 tal 70 urang min. Yaom lac yau nan, min bruk ini oh ka khang kajap kayua jit pandiak tabiak darah meda tamuh tabiak dalam dom bilan anak tal kayua lingik tuk nan lagaih ka jamaoh caih rilo.

7# anak bruk  dom janih hải đặc sản nhuyễn thể dua candaih daok mbuan lihik nao, Sở ngak nong saong patagok palei pala tỉnh Bình Thuận barau tabiak bruk “pakauk luac ia mek hải đặc sản di bhum tasik Bình Thuận meng harei 1/4 tal harei 31/7". Tui nan, dom janih hải đặc sản pakauk mek khang hu : sò lông, điệp, dòm nâu, bàn mai, nghêu lụa. Langiu bruk pakauk urang ngak ikan luac ia mek, dalam 4 bilan lệnh pakauk hu ba tabiak, dom kapul nyaom, menuac urang oh brei blei,  pajeng ba,  chế biến saong pablei salih dom janih hải sản pakauk nan. Meyah ngak suan, njauk langyah tui adat hukum . 

Patui di ini dom khau tin dunya:

8./ Tổng Thư ký Liên hợp quốc Ban Ki Mun saong akaok kapul Gilang pariak dunya Kim Yong Kim bahrau nao rivang dom trại tị nạn Za-a-ta-ri di Gioócđani, labik daok di rilo urang tị nạn Xyri. 2 urang dang akaok dunya hu pang lambaok Cao ủy Liên hợp quốc ka urang tị nạn di  Gioócđani brei thau ka bruk di trại daok hu 85 ribau urang tị nạn ini, Ong Kim Yong Kim jeng brei thau, Gilang pariak dunya brei dui atah tukvak mesariy 100 triệu đôla oh mek jien laba ka Gioocđani, piah daong taneh ia ini daong ka urang tị nạn Xyri saong bhap bini dalam palei. Tukvak bayar jien mesariy ini dalam 40 thun. 

9# Mintri Quốc phòng Algeria brei thau, 12 urang lin metai dalam sa mbang laik kapal ahaok trực thăng kayua trục trặc kỹ thuật di gah meraong taneh ia ini harei  27/3. Hãng thông tấn APS ba panuac di mintri Quốc phòng Algeria lac sruh kapal ahaok Mi-171 laik dalam tuk nao pasang iek jaik labik Reggane (Réc-gan), dalam tỉnh Adrar (A-đra) gah Tây Nam Algeria. Akaok Tổng tham mưu dom kapul par phao kraong Algeria Ahmed Gaid Salah (A-mét Ga-ít Xa-la) hu tabiak lệnh brei samar duah thau makna bruk laik kapal ahaok nan.

10./ Dom urang ngak praong di Mintri ngak nong Hàn Quốc bahrau brei thau, taneh ia ini bahrau duah mboh jit ruak cúm di tapon ada dalam sa nông trại  daok jaik ban ine Xơun (Seoul). Ini lac mbang ruak cúm menuk ada akaok meti hadei di tuk Hàn Quốc tabiak panuac lac oh daok hu jit ruak ini  di bilan bloh. Mintri ngak nong Hàn Quốc brei thau, virút ba tal  ruak mbang ini, lac H7N8, jeng lac janih virut hu mboh di taneh ia  bilan 11 thun bloh. Labaih 11 ribau 600 drei ada njom virút cúm daok dalam sa  nông trại di ban Inchơn (Incheon)  hu ba nao am cuh klaak piah pacang jit ruak pambak praong./.