# Labaih 400 urang đoàn dam dara Cảng Hàng không Dunya Đà Nẵng, Cảng vụ Đà Nẵng, Tổng Công ty Hàng không negar – bhum kreh negar... mboh tangin sanya peih ngak bruk "Dam dara Hàng không thanh lịch – abih hatai – tani tanat", duh siam dom tuai nao saong mai tal mblang kapal haok Dunya Đà Nẵng. Tui nan, Đoàn dam dara Cảng Hàng không Dunya Đà Nẵng jak ba urang đoàn dam dara rik daong 30 pok pandap, yaok pok yaom 300 ribau đồng piah alin brei ka dom urang njauk ruak hu rai diuk kan kandah daok iek ruak pak sang iek ruak Đa khoa Đà Nẵng. Sa-ai Nguyễn Thị Yến, Bí thư Đoàn dam dara Cảng Hàng không Dunya Đà Nẵng brei thau: Đoàn dam dara cảng meda peih ngak ralo bruk dalam bilan dam dara. Patui veik dom bruk ngak lac peih Harei pataom brei darah pahla saong meda hu taong abih dom jabat hàng không daok dalam mblang kal haok dunya Đà Nẵng hu mbaok tame.

          #/ Tỉnh Nghệ An dok samar ba tabiak bruk pacang caga jit ruak palai kaik  vụ Xuân thun  2016, ieu pataom bruk hu mbaok di dom huyện song dom gah pagam tal. Tui nan, tỉnh Nghệ An hu kakei Chủ tịch Ub bhap bini dom huyện ieu pataom urang nong song dom gah dalam tỉnh hu mbaok tame peih pahacih mblang hamu, kuac raok danao pambuak haong bruk chap mek takuk. Lingiu di nan, pambuak bruk song jabat khik caga phun pala tui iek duah thau bruk tamuh jit tuak di angaok phun pala.

          # Akaok bilan 3/2016, yaom ikan ngừ đại dương pak tỉnh Khánh Hòa trun meng 5.000 - 15.000 đồng sa kg tui janih dut haong tukvak ini 2 bilan dahlau. Urak ini yaom ikan ini trun tagok meng 90.000 - 95.000 đồng sa kg. Yaom lac daok di tanut bình quân di ralo thun tapa, min urang taong ikan daok huac rah tabiak veik “hu ikan ralo ye yaom laik”, tuk bruk taong mek ikan ngừ đại dương bahrau tame bilan. Tỉnh Khánh Hòa urak ini hu labaih 420 sruh gilai taong ikan ngừ, yaok thun mek hu jaik 23.000 tấn; dalam nan ikan ngừ đại dương hu labaih 4.000 tấn.

          #/ Tui sở ngak nong song patagok palei pala tỉnh Đắk Lắk urak ni dalam tỉnh hu labaih 2000 boh sang urang bangsa takik kurang ia pandar, dalam nan, ralo meng daok dalam dom huyện Buôn Đôn, Ea H’leo, Krông Púk, Krông Năng, Cư M’gar. Dom boh sang kurang ia pandar jeng lac sang pandar ia bingun, ia chraoh, dok di bhum kurang ia. Dom bingun raok, danak dak pabak ia jeng thu lagu kayua ia ngầm trun beir.

# Bahrau tame akaok bilan thu, min bruk thu lagu, kurang aia pandar di xã Tân Thắng; Thắng Hải, Sơn Mỹ, huyện Hàm Tân, tỉnh Bình Thuận daok catang tagok. Bruk ini brei mboh dahlau lac huyện Hàm Tân daok dang anak bruk “mahu aia” kuhria meng dahlau tal ini. Ralo baoh binek kavei thu ia abih, phun pala thu metai, dom mblang hamu thu lagu mbau mùi hareik khuah, ralo mblang hamu Đông xuân thu abih, bhap bani njauk yuak padai mai ngak pandap mbang ka limo.

          #/ Tỉnh đoàn Đồng Nai peih bilan dam dara thun 2016 di sang bac Trung học phổ thông Sông Ray, huyện Cẩm Mỹ ngan song kadha “ Dam dara Đồng Nai hadah mbaok meta yam tagok ala hala doh Đảng”.  Di tuk peih bruk, tỉnh đoàn hu jao 600 geing doh, sa danak dak dam dara  yaom 50 triệu đồng ka Lữ đoàn 167 ( di Căn cứ Hải quân 696, huyện Nhơn Trạch). Langiu di nan, tỉnh đoàn jeng jak ba alin brei 10 pok pandap ka boh sang sarak karja, 1000 boh siphau ka anek saih song 200 pok pandap ka anek saih sang kan kandah.

          # Anak bruk tua riya pandiak bhang saong ia njaom mbak, tỉnh Kiên Giang

peih ngak ralo jalan daong ba aia pandar ka bhap bani dalam bilan bhang, oh caik rah tabiak bruk kurang aia dalam tukvak tadung glaong. Dalam bal Rạch Giá, tỉnh hu tacei pato Công ty Trách nhiệm Hữu hạn sa thành viên ba tathuak aia Kiên Giang buh tabiak 15 tỷ đồng peih ngak 8 bilai aia ngầm, ngan haong 16 bingun cao, abih tih công suất 16.000 m³ sa harei melam saong peih ngak blaoh 4 bilai, daok veik nan meda ngak salah blaoh dalam puac bilan 3 ini.

Nhạc cắt

            Patui di ni dom khau tin dunya:

          #/ Urang jakar ngak praong di Niu Di-lân dok tui iek sa bruk medin lac njom vi-rút Zika tapa jalan ndik dok bahrau rah tabiak di negar ni. Panuac khan di mintri y tế Niu Di-lân brei thau, sa urang ruak lac likei di negar ni njom vi-rút Zika hadei di tuk nao rivang sa negar dok tamuh jit ruak Zika. Dahlau di nan, mintri y tế Niu Di-lân brei thau, hu 8 urang njom vi-rút Zika di negar ni meng di tuk akaok thun tal ni.

          # Gilang pariak Trung Quốc (BOC) – sa dalam 5 gilang pariak thương mại karja prong abih Trung Quốc, meda brei ka Tập đoàn khí cuh Gazprom di Nga mesre 2 tỷ euro samau 2,2 tỷ USD dalam 5 thun. Ini lac panuac sanya mesre prong abih di Gazprom ngan haong dom kapul nyaom tín dụng negar langiu. Tui harak sanya ini, gah Nga pabak ka Trung Quốc 38 tỉ m3 khí yaok thun. 

          #/ Di Pê-ru, dom mbang ia ndik iasua dok rah tabiak meng rilo harei tapa ngak takik di abih 11 urang metai song kan kandah tal rai duik di labaih 5000 urang, jiak 600 boh sang tayah tajac abih. Mintri ngak nong Pê ru brei thau urak ni hu 42 labik di gah barak negar ni hu tabiak bruk khẩn cấp, ieu rajaei daong brei piah pacang bala tuk krong prong Za-ra-mi- song Ri-mac nyu talah ar.