1/ Harei ni, 10/6 Qh pang pathau khan ka bruk pasang iek, langyah caong khin di cử tri payua tal mbang nyaom  6, Quốc hội  mbang 13 song peih bruk tangi sua dom urang dalam rajaei. Tui kuhria, akaok mintri jien padai, akaok mintri pato megru, akaok mintri Tư pháp song Tổng Thanh tra rajaei hu javap jalei dom urang QH. Mbang tangi sua hu rah tabiak dalam 2 harei meteh song hu papar sap papar binguk tapak piah ka cử tri tui iek.

2/ Thủ tướng rajaei barau mbaoh tangin tame danh mục dự án “Patagok pren peih ngak công ước LHQ ka bruk pacang tham nhũng saong labik dang di dom chủ thể langiu karja piah daong bruk pacang cakak tham nhũng di rajaei VN” kayua danak dak patagok di LHQ (UNDP) daong. Bruk ngak suai livik di dự án piah patagok pren di rajaei VN dalam bruk pacang cakak tham nhũng tapa bruk paglaong tanut ngak tui công ước LHQ ka bruk pacang cakak tham nhũng (UNCAC) saong patagok bruk ngak di dom chủ thể langiu karja dalam bruk pacang cakak thum nhũng.

3/ Di ban sit ĐN, Tổ chức Đông Tây Hội Ngộ pambuak bruk song 4 tỉnh, ban gah kreik negar song Đại học Y tế, Kỹ thuật Y Dược Đà Nẵng  peih Lễ khởi động Dự án “Iek glang pren yava tagei cambuai bhap bini thun 2014 – 2015”. Peih ngak iek dalam 2 thun, danak dak hu dong meng Ronal MacDonal House Charitier (sa kapul oh duah kein laba, piah padang ngak duah thau song dong ka dom danak dak dong pasiam pren yava song rai duik ka uranaih. Danak dak hu yaom jien abih tih 399.500 USD.

4/ Sở công thương tỉnh Bình Định hu jalan khik mepiah pandap panda pacang ribuk ia sua thun 2014 tui yaom jien abih tih jaik 5 tỷ đồng. Dalam nan, hu labaih 100 tấn brah; 13.400 klaok ia menyum; 90.500 paok mì ăn liền… pandap panda brei ka bruk pacang cakak bala meng langik tasik, glut jaleih, ia sua bhum taneran hu jao ka dom đơn vị nan lac: Công ty Trách nhiệm hữu hạn Bei Gon Co.op Bình Định, Công ty Cổ phần Lương thực Bình Định, Công ty Xăng menyek Bình Định saong Công ty Cổ phần ia caik klaok Quy Nhơn kuhria caga.

5/  Tỉnh ủy Bình Thuận peih nyaom biai bac megru ilamu tacei pato bruk pacang caga tham nhũng, peih bruk patak patom, pacang palai pajoa. Tal urak ni, dalam tỉnh BT hu 60/71 pakat ủy dom jabat, đ7n vị hu pathau khan ka bruk teng drei pasang iek pacang caga tham nhũng, palai pajoa. Taong abih dom pakat ủy, jabat, đơn vị hu tabiak jalan pasang iek bruk pacang caga tham nhũng, palai pajoa. Meng thun 2013 tal abih quý 1/2014, dom jabat chức năng di tỉnh hu peih tabiak labaih 120 mbang pasang iek bruk khik ramik di labik mbuan si rah tabiak tham nhũng yau: khik ramik taneh riya, tài nguyên khoáng sản; padang ngak cơ bản, blei salih tài sản công.

6/ Dự án pabak điện ka bhap bini bangsa Khmer tỉnh Trà Vinh kayua tổng công ty Điện lực gah meraong ngak po đầu tư ngan saong yaom jien abih tih jaik 112 tỷ đồng, pabak ka labaih 6.000 baoh sang – ralo meng lac bhap bini Khmer daok di dom labik palei pala atah bayah dalam dom huyện Càng Long, Cầu Kè, Tiểu Cần, Trà Cú, Duyên Hải, Cầu Ngang saong Châu Thành. Hadei di tuk ngak salah bloh,  hu labaih 95% baoh sang bhap bini Khmer dalam tỉnh hu điện pandar .  Tapa nan, mikva hu mbuan lagaih jang dalam bruk patagok sản xuất, paglaong rai diuk, akaok saneng saong rik daong ngak salih barau mbaok meta palei pala.

7/ Dalam mbang pakacah đại học, cao đẳng thun 2014, dom thí sinh song amaik ame meng dom tỉnh tagok pakacah di ban raya HCM brei hu labaih 50.000 labik dok. Kayua yau nan ye, bruk duah sang trọ hu mban tacei ba danak dak “Daong pren bilan pakacah 2014” ban raya HCM biak caik hatai sangka. Urak ni danak dak “Daong pren bilan pakacah 2014” caga hu 12.000 labik trọ ka dom thí sinh tuk mai ban raya pakacah, dalam nan hu  1.000 labik dok brei saoh. 

Patui di ini dom khau tin dunya:

8/ Harei kabroi 9/6, di Yang-gun, Mi-an-ma, hu rah tabiak mbang nyaom dom urang ngak praong pakat glaong SOM) di Diễn đàn Khu vực ASEAN (ARF), hu mbaok di 27 taneh ia tame Diễn đàn Khu vực ASEAN gam saong EU, Ban Thư ký ASEAN. Kapul VN kayua thứ trưởng ngoại giao Phạm Quang Vinh, akaok Som ASEAN-Việt Nam pan akaok. Nyaom meyai hu pataom tame ginum meyai  dom bruk khu vực saong dunya gam sangka, kiểm điểm dom bruk ngak pambuak gauk di ARF dalam thun tapa saong ginum meyai ka bruk kuhria caga ka nyaom meyai akaok mintri ARF di akaok bilan 8/2014. 

9/ Ngoại trưởng Prang Lô-răng Pha-bi-uýt harei kabroi brei thau, Liên minh châu Âu oh ka halan hatian taduan  Ucraina tame ngak negar thành viên. Panuac khan ni hu ba tabiak sa harei hadei di tuk Tổng thống bahrau di Ucraina Pê-trô Pô-rô-sen-cô (Petro Porochenko) tagok rai anak QH song hu panuac sinya pasiam talei pambuak bruk song Nga, saong brei thau lac meda mbaoh tangin tame harak thỏa thuận mbeik drei tame prong dalam jang song Liên minh châu Âu, mong iek ni lac jalan nao camereip piah jeng sa negar dalam kapul nyaom ni.

10/ kapul caoh blong negar Anh meda hu kapul urang pachreih tui biak rilo jang dut saong gah Italy dalam mbang dit camereip di World Cup 2014 jaik tal di ban Manaus, Brazil. Yaom lac mbang caoh blong nan tal harei 14/6 meng rah tabiak min tal tukvak ini, hiệp hội dit blaong Anh (FA) brei thau lac pablei abih  bloh 2.500 harak bo urang hu parabha brei ka mbang dit ini brei ka dom urang di dom klup kapul cổ động viên chính thức di taneh ia Anh./.