1/ Harei ni, 11/6, Qh hu ginum biai di hội trường ngan song bruk javap jalei di Akaok mintri jien padai Đinh Tiến Dũng. Patui di nan lac bruk javap jalei di akaok mintri pato pakai Phạm Vũ Luận song akaok mintri tư pháp Hà Hùng Cường. Jeng dalam harei ngak bruk ni, tui kuhria akaok mintri pato pakai Phạm Vũ Luận hu javap jalei panuac tangi sua ka chất lượng pato pakai, abih di nyu nan lac chất lượng pato pakai ĐH, chất lượng pato bruk ngak, patrun bruk SV bac tamat bloh oh hu bruk ngak.

2/ Barau ini, tui pang panuac calei di akaok mintri jien padai Đinh Tiến Dũng di mbang nyaom ka 7 QH mbang 13, ralo cử tri daok di ban raya HCM caik hatai tal dom bruk kayua dom urang QH ba tabiak yau: bruk salih yaom, bayar veik jien sung saong njaik je, bleik saleik dalam kê khai je, bruk pasang iek saong tani tanat yaom kaom darak pasar.

3/ Patui danak dak patom pren yava khik caga chủ quyền tasik biển đông”, bahrau ni, báo tuổi trẻ song kapul tong ikan ban sit ĐN peih bruk jao pok jien dong ka 55 po kapan tong ikan gaok kan kandah dok di ban sit ĐN song yaom jien abih tih labaih 3 tỷ đồng kayua urang puac Báo Tuổi trẻ dong brei. Yaok po kapan hu dong 50 triệu đồng song sa gaiy thúng.

4/ Urak ini, UB bhap bini huyện Lý Sơn, tỉnh Quảng Ngãi hu ngak salah bloh bruk jao mặt bằng piah peih ngak dự án ar pacang glut jaleih pulao Bé – xã An Bình. Dự án ar pacang glut jaleih pulao Bé – An Bình hu padang ngak di labik Mom Tàu, xã An Bình, huyện Lý Sơn, tỉnh Quảng Ngãi tui thiết kế ar pambuak saong jalan nao mai atah 267 m, ngan saong yaom jien buh tame abih tih 40 tỷ đồng meng kadung jien TƯ daong brei.

5/ Di ban raya HCM, mintri Y tế hu panuac khan ka bruk pachreih tui “Harei ASEAN pacang caga pandiak tabiak darah. Tui nan, mít tinh pacang caga ruak pandiak tabiak darah pakat negar mbang ka 4 hu peih ngak di mblang bein Văn Miếu, di ban sit Cao Lãnh, tỉnh Đồng Tháp di harei 15/6 anak tal.

6/ Tui pasak pachreih nông (sở ngak nông saong patagok palei pala) tỉnh CM, abih tih tapol ada raong sit sot tui  baoh sang nan lac 60.000 drei ye hu tal 20.000 drei ada xiêm (kangan), meblah 1/3 abih tih dom tapol ada dalam tỉnh. Ralo baoh sang raong yaok rituh drei ada, ralo meng lac ada xiêm, ini lac jalan raong glang hu tính đột phá piah patagok kinh tế baoh sang .

7/ Dom harei tapa jit ruak salih bilan di anek menuac yau ruak pandiak tabiak mban, tangin takai cambuai, sởi, thương hàn, aik chraoh, tagok boh ia...di tỉnh Hậu giang daok tagok samar. Bruk ni ba tal quá tải  dom sang iek ruak di huyện, ban sit. UB bhap bini tỉnh Hậu Giang hu tacei  gah Y tế tagok bruk pathau khan, kuhira caga menuac urang, pandap panda, jru tavao, hóa chất, hu panuac kakei menuac urang ba uranaih nao klauk jru pacang caga ginup abih.

Patui di ini dom khau tin dunya:

8/ Mintri môi trường KPC saong jabat lương nông LHQ (FAO) hu mbaoh tangin tame harak pambuak bruk patagok dự án “patagok bruk lagaih haong biến đổi khí hậu ka urang nông tapa bruk khik iek vi mô piah khik hu khang kajap an ninh lương thực ”. Dự án hu phun jien abih tih labaih 5 triệu USD meng kadung jien daong di kadung jien môi trường dunya, saong hu peih ngak di dom tỉnh Kampong Thom, Siem Raep, Preah Vihear, Ratanakiri.

9/ Harei 11/6 Japon song Ô-xtrây-lia peih mbang nyaom akaok mintri ngoại giao song quốc phòng, hu ieu lac mbang nyaom  “2+2” dalam kham merat patagok talei pambuak bruk di 2 gah. Mbang nyaom hu rah tabiak hadei di mbang nao rivang Japon di bilan 4 meng bloh di thủ tướng Ô-xtrây-lia Tô-ni Ap-bót dalam nan dua gah hu njauk gauk ka bruk pambuak talei pablei salih nao mai./. 

        10/ Mintri y tế Saudi Arabia khan lac hu gac 2 urang njom virus ngak jeng hội chứng hô hấp cấp labik Trung đông (MERS), patagok abih tih dom urang njom ruak di taneh ia ini tal 700 urang, dalam nan hu 287 urang metai. Langiu di Saudi Arabia, urak ini dom taneh ia angaok dunya dalam nan hu Ai Cập, Jordan, Liban, Hà Lan, Dom taneh ia Arab Thống nhất (UAE) saong Mỹ hu duah mboh dom urang njom virus MERS./.