1/ Harei ni 1/4, UB thường vụ QH peih bruk tangi sua Akaok mintri Công thương Vũ Huy Hoàng song akaok mintri Y tế Nguyễn Thị Kim Tiến ka dom bruk dok hu menuac sia caik hatai sangka. Var mesup, Akaok mintri Công thương Vũ Huy Hoàng hu javap chaalei ka bruk khik ramik di karja gah điện, xăng menyek song  bruk pandar kadung jien khik tani tanat yaom xăng menyek, bruk peih ngak danak dak “Urang VN pandar pandap VN”. Beir harei UBTV tangi sua Akaok mintri Y tế  Nguyễn Thị Kim Tiến ka jalan ngak bahrau piah pasiam bruk patrun y đức di dom urang jakar, công chức, urang ngak gah y tế, bruk padang bộ máy y tế huyện, xã song bruk buh jien tame ka y tế cơ sở piah patrun bruk bak menuac iek ruak ka dom sang iek ruak praong, bruk khik ramik di karja ngan saong y tế tư nhân ( dalam nan hu labik blac raih thẩm mỹ), yaom jru iek ruak, hacih saat pandap mbang menyum.

2/ Harei kabroi, 31/3 di HN, ong Trương Tấn Sang, Ủy viên mintri Chính trị, akaok negar, akaok mban tacei jalan salih bahrau adat hukum pakat negar pan akaok nyaom biai mbang ka 15 di Mban tacei jalan. Dalam mbang nyaom ini, Ban tacei jalan  salih bahrau adat hukum pakat negar brei panuac ka “Danak dak salih bahrau bruk ngak di Tòa án bhap bini tối cao Tòa án bhap bini pakat glaong,.Ong Trương Tấn Sang lac :

“Khaol drei brei hu kapul nyaom hacih saat, phẩm chất trong sáng, ilamu, pren khang pasamu song bruk ngak. Khaol drei jeng hu kapul nyaom ginup bản lĩnh mesruh piah ka urang jia tame. Kapul nyaom ni oh lac di angaok ni bo lac 3400 anek menuac di dom puk palei, gah. Ni lac bruk ngak di Thanh tra rajaei. Khaol drei brei khik caga bhap bini, dang di gaj bhap bini song khik caga ka adat hukum hu peih ngak pasamu gauk.  

3/ Bier harei kabroi 31/3, di jabat rajaei, taduan amuk Phumzile Mlambo-Ngcuka, Phó Tổng Thư Ký Liên hợp quốc, Akaok điều hành Liên hợp quốc ka bruk likei kamei samu gauk song jao quyền ka urang kamei, Phó Thủ tướng, Akaok mintri ngoại giao Phạm Bình Minh ndom lac bruk likei kamei samu gauk nan lac bruk hu tacei tabiak cambaih laih dalam hukum di VN. Dalam hệ thống chính trị, bruk hu mbaok di urang kamei dak harei dak rilo, pagap yau tỷ lệ urang QH lac urang kamei, urang kamei ngak praong pan akaok dak harei dak rilo. Phó Tổng Thư ký Liên hợp quốc cong khin dalam tukvak anak tal. VN patui jalan pachreih tui saong pambuak bruk khang kajap song jabat Liên hợp quốc ka bruk likei kamei samu gauk song jao quyền ka urang kamei.   

4/ Di HN, mintri ilamu Thể thao saong du lịch hu pambuak bruk saong mintri tư lệnh bộ đội biên phòng peih nyaom meyai pataom iek veik 20 thun peih ngak danak dak “jhul pakhang saong paglaong chất lượng, kein laba bruk ngak ilamu thông tin angaok dom jalan taphia negar, bờ biển”. Ủy viên mintri chính trị, phaok thủ tướng Nguyễn Xuân Phúc hu mbaok di nyaom meyai saong brei panuac: bruk iek glang ilamu ngan saong bhap bini dom bangsa bhum taphia negar, pulao kaoh hu rik daong ngak jayah âm mưu rabha khối jum pataom bangsa di dom kol khamang, daong bhap bini bangsa takik klak dom adat oh siam.

5/ Panuac khan di mintri jien padai brei thau, harei ni, dom DN pablei salih xăng menyek trun yaom pablei dom janih menyek điêzen, menyek gaik song madut, saong khik tani tanat yaom xăng pablei rai. Yaom pablei menyek điêzen trun takik di abih 239 đồng/ sa  lít song madút trun takik di abih 121 đồng sa kg. Trun yaom pablei menyek gaik takik di abih 145 đồng/ sa lít.

6/ Kayua kurang phun jien peih padang ngak labik tái định cư nan ye urak ini jeng daok 146 baoh sang bhap bini daok di palei Nhà Mát saong Cồn Trứng xã Trường Long Hòa saong 30 baoh sang daok di palei Chợ, palei Bào xã Hiệp Thạnh huyện Duyên Hải, tỉnh Trà Vinh njauk diuk rai di dom labik bhian glut jaleih, tính mạng saong drap ar daok đe dọa biak catang. Ong Nguyễn Văn Khiêm, akaok Ủy ban bhap bini xã Hiệp Thạnh, huyện Duyên Hải, tỉnh Trà Vinh caong khin”

 “Puk palei jeng hu pok panuac brei buh jien tame chip ka Hiệp Thạnh labik tái định cư, caong khin buh jien tame kè piah khik hu labik taneh ngak mbang ka bhap bini labik langiu piah urang hu taneh ngak mbang salih barau rai diuk”.

7/ Hadei di 5 harei pakacah, harei kabroi 31/3, Nyaom roya Thể dục thể thao tỉnh Đắc Lắc mbang ka 7 hu tamat bloh. Nyom roya mbang ni hu labaih 1.600 vận động viên mai hu mbaok pakacah gauk di 8 janih. Jaik 100 vận động viên mek hu naih gheih mek hu tanut glaong dalam nyaom roya mbang ni hu palih ruah nao pakacah dalam Nyom roya Thể dục thể thao pakat negar dalam bilan 11 anak tal di Nam Định.

8/ Melam 31/3 (tui mong VN), Tổng thống Prang hu bổ nhiệm akaok mintri nội vụ Manuel Valls ngak thủ tướng barau. Tui kuhria, dalam harei ini, ong Manuel Valls hu nhậm chức taphia di nan hu dom salih barau dalam rajaei.

9/ Harei kabroi 31/3 Thủ tướng tạm quyền Thái Lan Dinh-lắc Xin-na-vắt hu mai tal Ủy ban pacang tham nhũng piah langyah dom panuac lac amuk ngak suan adat hukum hu pagam tal danak dak blei padai brah di urang nong. Bruk langyah di Thủ tướng tạm quyền Dinh-lắc rah tabiak dalam labaih 30 minite, dalam nan Thủ tướng Dinh-lắc hu panuac caong Ủy ban pacang tham nhũng caik tukvak pasang iek duah thau dom bằng chứng, nhân chứng bahrau brei mboh lac Thủ tướng Dinh-lắc oh ngak suan adat hukum.

10/ Harei kabroi, sa mbang cuh phao di bol bala Triều Tiên saong Hàn Quốc hu rah tabiak jaik taphia negar tasik merak gauk di dua taneh ia hadei di tuk asal phao dalam sa mbang pasram megru cuh asal phao biak di Bình Nhưỡng laih tame bhum tasik di HQ pak tuk nan, HQ jeng hu tabiak lệnh panduan ba chip cư dân daok di pulao Biêng-niêng saong Di-ơn-piêng jaik taphia negar angaok tasik saong TT, taphia di nan cuh phao bayar veik./.