1/ Patui danak dak mbang nyaom ka 9, harei ini 16/6, QH caik abih harei ginum meyai di hội trường ka hukum hình sự (pasiam veik). Hukum hình sự (pasiam veik) thun 1999 hu QH mbang 10 brei tapa di mbang nyaom ka 6. Hadei 14 thun peih ngak, anak bruk salih barau saong mbeik drei tame dunya, hukum hình sự mboh mblo tabiak ralo tavak tavaiy. Bruk pasiam veik hukum mbang ini piah patagok jang labik dang di hukum hình sự dalam rai diuk kinh tế - XH, khik kajap an ninh QP di taneh ia.

2/ Phó Thủ tướng Hoàng Trung Hải hu tacei bruk peih ngak dom danak dak prong ka bruk pacang caga bala, lagaih song bruk biến đổi khí khậu song bruk patagok KTXH thun 2015 di tỉnh tỉnh Quảng Trị. Phó Thủ tướng Hoàng Trung Hải khan lac

Meyah lac khin patagok khang kajap njauk brei tagok bhum nguyên liệu. Drei meda pambuak pagam song urang pala glai dalam jang yau nan ye tuk nan drei khik hu  nguyên liệu drei. Ni lac roh duah khol drei mboh di rilo dự án bo khol drei tuk patagok hu meda var abih bhum nguyên liệu.

3/ Di ban Đà Nẵng, tổng cục DL – mintri ilamu TT saong DL peih nyaom meyai “Ngak siam jang bruk DL tiểu vùng Mê Kông peih praong” . Ini lac bruk ngak peih akaok di diễn đàn Mê Kông 2015 kayua VN dang akaok peih tabiak di ban Đà Nẵng meng harei 15 tal harei 18/6. Ong Hà văn Siêu, phaok akaok tổng cục DL – mintri ilamu TT saong DL brei thau: Jabat DL pakat negar 6 taneh ia hu sa kapul ngak bruk kỹ thuật – DL ginum biai piah pasang iek dom bruk bo hu njauk gauk dalam mbang họp thun bloh. Taphia bruk họp nhóm, ye hu peih dự án patagok DL khang kajap Mê Kông kayua ADB daong meng phun jien ưu đãi, ba tabiak kế hoạch peih ngak dự án dalam tukvak tal.

4/ Ủy ban Mặt trận negar Việt Nam tỉnh Đắc Lắc bahrau peih mbang nyaom bruk pakacah gauk anit ranam taneh dalam tuk vak tapa. 5 thun tapa Mặt trận negar dom pakat di  tỉnh Đắc Lắc sangka peih ngak siam dom bruk jak ba kayua TƯ peih ngak. Dalam nan siam di abih nan lac bruk jak ba “Harei ka urang kan kathaot” mek hu 107 tỷ đồng, padang hu jiak 1200 boh sang “Jum pataom” dong ka 16.000 boh sang padang ngak sang tui Quyết định 167 di Thủ tướng rajaei, dong ka rilo boh sang kan kathaot blei limo pajaih song buh tabiak 7 tỷ đồng piah iek ruak ka urang kan kathaot.

 5/ Harei kabroi 15/6, urang Chăm Bà Ni di tỉnh NT ngak dom adat taduan rok bilan Ramưwan. Ini lac rija praong abih, bak ilamu di bhap bini Chăm Ba Ni tỉnh NT. Tui adat cambat di bhap bini, peih akaok ka bilan Ramưwan nan lac adat nao gun. Dom talei pajaih di dom palei Chăm Bà Ni rami ramik tani tanat dom pandap paling piah ngak dom adat cambat meng kan. Dom gru hu ngak adat daa hala ka dom kabo di urang metai, rok muk kei mai paling di sang, peih akaok bilan Ramưwan di bhap bini.

6/ Piah pacang caga jit ruak bilan hè, Sở Y tế tỉnh Lâm Đồng hu tacei ka dom đơn vị pagam tal patagok bruk pacang cakak song dom janih jit ruak mbuan si rah tabiak dalam bilan hè ni. Tui nan dom cơ sở y tếsang iek ruak  song pasak  y tế samar tui iek bruk rah tabiak ruak yau tangin takai cambuai, pandiak tabiak darah, viêm não Nhật Bản jang yau jhul pakhang bruk klauk jru, klauk ka pahu labaih 95% di dom xã phường ban sity dalam tỉnh

7/ Urak ini, urang ngak bein tỉnh Tiền Giang biak duh hatai anak bruk phun ia tasau lò rèn daok metai avar jaik 30% taneh pala. Hadei meng 7 tal 8 thun pala ye phun ia tasau nyu thu dhar, jruh hala patrun năng suất. yaom lac gah chuyên môn hu tacei urang pala bein pandar dom jalan pacang cakak, iek ruak ini min jeng oh ka khống chế hu bruk phun ia tasau Lò rèn metai. Anak bruk bruk ini urang pala bein hu tah klak phun mbang baoh ini piah salih tapa pala phun karei.

Patui di ni dom khau tin dunya:

8/ Hadei di tuk tong yaom dom khat lihik tukg cemereip kayua 2 mbang megei boh taneh rah tabiak meng bloh, Karja Nê Pan brei thau negar ni brei hu takik di abih 6, 6 tỷ đô la piah pabak ka bruk pasiam veik taneh ia. Pok jien ni samu 1/3 tổng sản phẩm quốc nội di Nê Pan. Urang dang akaok nê pan ndom lac meda padang ngak veik jalan mbak nao mai tui jalan khang kajap piah pacang cakak mbang njauk bala meyah lac rah tabiak dalam harei anak tal. Tui jalan ba tabiak harei 25/6 anak tal Nê pan peih sa nyaom ginum biai dunya di ban ine Cát-man-đu piah hu panuac ieu bruk dong ba di bhap bini dunya.

9/ rajaei HQ brei thau hu gilac 2 urang metai kayua ruak jalan suak yava bhum Trung Đông (MERS), patagok urang metai kayua janih ruak ini di HQ nan lac 16 urang. Dalam tuk nan, pasak pacang cakak saong jit MERS di HQ jeng duah mboh 5 urang njom barau, patagok abih tih urang njom barau virus ini di HQ nan lac 150 urang.

10/ Dom urang ilamu Mỹ song Trung Quốc bahrau pambuak bruk patagok sa kháng thể bahrau pacang veik  vi-rút di  Hội chứng hô hấp cấp vùng Trung Đông Mớt, ngak ka 16 urang metai di Hàn Quố. Hadei di sa tuk vak roh duah, dom urang ilamu di sang bac đại học Fu-đan di Trung Quốc song dom urang ilamu  di Viện pren yava pakat negar di Mỹ brei thau, bruk tui iek kháng thể bahrau ni brei KQ siam. Kháng thể bahrau pacang Mớt biak siam lagaih dalam bruk pacang cakak song janih kan kandah ni./.