1/ Beir harei kabroi, di phủ Chủ tịch, Akaok negar Trương Tấn Sang hu taduan raok Đại sứ Vương quốc Anh, ong Antony Stokes mai likau ala tuk tamat nhiệm kỳ ngak bruk di VN. Tong yaom glong bruk ngak di ong đại sứ dalam tukvak tapa hu jhul pakhang talei pambuak bruk di 2 negar, akaok negar ndom lac, VN dahlau deih mbiah tal harei ni biak iek prong talei pambuak bruk song negar Anh song jia lac meng talei pambuak bruk siam mekre nan 2 negar meda hu dom jalan patagok bahrau dalam talei pambuak taong abih bruk.

2/ Dalam nyaom meyai UBTU kapul luên hiệp dam dara VN mbang ka 10, khóa VI rah tabiak harei kabroi di HN, saai Nguyễn Đắc Vinh, Ủy viên dự khuyết Ban chấp hành Trung ương Đảng, Bí thư ka sa Trung ương Đoàn hu pilih ruahg pok ngak Chủ tịch Ủy ban Trung ương kapul Liên hiệp dam dara Việt Nam khóa VI. Saai Nguyễn Đắc Vinh salih ka saai Phan Văn Mãi hu TƯ ba nao ngak phaok Bí thư tỉnh ủy Bến Tre.

3/ Di pabah lamnge Sa Kỳ, xã Bình Châu, huyện Bình Sơn, kadung jien dong ka urang tong chap ikan Quảng Ngãi hu jao labaih 700 triệu đồng dong ka 8 po kapan tong ikan njauk kapan TQ paoh, ginuh, ngak khut tayah tuk dok tong chap kaya ikan di angaok tasik Hoàng Sa di VN. Hadei di 3 thun padang ngak, kadung jien dong ka urang tong ikan tỉnh QN pachreih ba hu labaih 33 tỷ đồng.

4/ Harei 4/7 tal, dom anek saih tamat THPT dalam taneh ia hu yam tame mbang pakacah tame ĐH, CĐ mbang sa, thun 2014. Urak ini, bruk kuhria caga ka mbang pakacah daok hu dom sang bac saong mintri pato megru samar ngak salah bloh. Thứ trưởng mintri pato megru Bùi Văn Ga hu panuac kakei dom anek saih daok caga yam tame mbang pakacah yau ini:

“Tuk ngak bài dom adei brei bình tĩnh saong tự tin. Đề pakacah palih ruah anek saih tame ĐH, CĐ ye nyu karei duk saong mbang pakacah phổ thông di labik nan lac hu tính phân loại. Dom adei brei palih ruah câu mbuan ngak dahlau, câu kan ngak hadei klah abih tukvak. Dahlau di tuk pakacah, dom adei brei duah thau cambaih quy chế palih ruah anek saih, brei hadar dom pandap hagait hu adat brei ba tame duk pakacah saong dom pandap oh brei ba tame jui ba tame. Tuk nao pakacah, dom adei brei thoải mái jui căng thẳng. Bruk thoải mái, gam saong bruk bình tĩnh di dom adei ye dom adei meda hu thành công dalam mbang pakacah ini”.

5/ Ban sit Nha Trang, tỉnh Khánh Hòa nan lac labik peih ngak “Festival ilamu mbang huak Việt 2014” hu rah tabiak meng harei 8 tal harei 13/7. Danak dak hu 8 bruk ngak nan lac: bruk pakacah “pandap mbang VN 3 bhum palei”, darak pandap mbang huak dahlau deih song urak ni  ngan song kadha “Hương vị Việt”; danak dak “Hội ngộ đặc sản các vùng miền”; “Ẩm thực đặc trưng”; bruk pakacah ngak báng mì prong di abih, jalan hadah ngan saong kadha “ Hương sen”, Lễ hội menyum bia oh abih jien, harei blei pandap panda Việt... Festival Huế mbang ni piah yaih khan, pok meyaom ilamu mbang huak song bruk ngak dom janih pandap mbang bangsa di urang VN.

6/ Tui sở ngak nông saong patagok palei pala tỉnh Trà Vinh, kuhria tal tukvak ini dalam tỉnh hu jaik 11 ribau ha taneh padai hè thu njom ruak đạo ôn; dalam nan hu labaih meteh taneh njom trak saong daok pambak samar. Piah daong ka urang nông patrun khat lahik, urak ini chi cục khik caga phun pala tỉnh daok brei urang jakar pambuak bruk saong karja palei, nao tal yaok baoh sang bhap bini tacei jalan pacang cakak oh lui caik ka ruak đạo ôn pambak praong.

 7/ Melam bloh song mesup harei ni hu rah tabiak 2 mbang dit loại trực tiếp fi-fa cúp, mbang ka sa  kapul  Prang saong kapul Nigeria; mbang ka 2 kapul Đức song Angiêri. Mbang ka sa, kapul Prang mbang Nigeria 2 baoh hu tame vòng hadei.  Dalam mbang ka 2,  Đức mbang  Angiêri dalam hiệp phụ tỷ số 2-1,tapa nan hu mbaok di  tứ kết .

Patui di ini dom khau tin dunya:

8/ harei kabroi, dua kapal hải cảnh di TQ nyu lih tame bhum tasik di pulao Sên-ca-cư di Nhật Bản. Tui gah khik iek tasik NB, dua kapal hải cảnh số hiệu 2102 saong 2145 nyu tame dalam bhum tasik di pulao ini dalam 2 tuk, hadei di nan nyu nao nao dalam bhum tasik jaik taphia nan. Tui kuhria mboh di gah khik iek tasik NB, ini lac mbang ka 15 TQ tame bhum tasik pulao kaoh bo dua taneh ia jeng lac drei ngak pô min urak ini daok ala quyền khik iek di NB. 

9/ Jabat patagok Đức (GIZ) song jabat patagok song pambuak bruk Thụy Sĩ (SDC) dok dong ka Lào peih ngak sa dự án ka bruk pato bruk ngak, paglong ilamu ka urang ngak, piah ka negar ni  mbeik drei tame cộng đồng kinh tế ASEAN di akaok thun 2015. Dự án pato bruk ngak ka Lào hu dui atah meng ni tal abih thun 2017, song hu mbaok di Mintri pato megru song Thể thao, Mintri LĐ song Phúc lợi xã hội, mintri Quốc Phòng Lào song mintri Công Thương Lào. Tong abih phun jien di dự án tagok labaih 20 triệu đô la Mỹ.   

10/ Jabat y tế Lào saong Thái Lan barau tabiak panuac ka talei pambuak bruk patagok dom jalan pasang iek, pacang cakak ruak njom mbak piah caga ka jalan mbeik drei tame Cộng đồng kinh tế ASEAN (AEC) di thun 2015. Dua gah njauk hatai dom jalan ngak piah pacang cakak saong dom ruak njom mbak nguy hiểm yau aih caraoh, pran, hội chứng suy hô hấp cấp tính trak; pambuak bruk padang hệ thống pasang iek jit ruak di jalan tapen negar. Bhian pathau khan ka bhap bini dua taneh ia daok taphia negar thau ka bruk mbuan rah tabiak di dom ruak njom mbak; dom janih ruak mbuan tamuh jeng jit piah pacang cakak, pasang iek chip./.