1/ Patui danak dak mbang nyaom ka 9, harei ini 17/6, QH caik harei ngak bruk di hội trường ka dự án hukum tố tụng hình sự (pasiam veik). Hadei di 10 thun peih ngak, hukum hu patagok hu bruk papang cakak tội phạm, rik daong khik kajap an ninh, trật tự, an toàn xã hội, tani tanat ka bruk patagok kinh tế XH saong mbeik drei tame dunya.

2/ Pahadar 90 thun harei Báo chí cách mạng Việt Nam, di ban sit Kon Tum, Hội Nhà báo tỉnh Kon Tum peih nyaom biai “90 thun Báo chí cách mạng Việt Nam- Truyền thống, bản lĩnh song trách nhiệm". Nyaom biai ndom lac 90 thun tapa báo chí cách mạng Việt Nam hu bruk ngak prong dalam tư tưởng di Đảng. Dom Nhà báo Việt Nam hu dom rik dong dalam bruk mek hu độc lập song dak padang taneh ia.

3/ Liên minh hợp tác xã tỉnh Đắc lắc peih nyaom meyai pataom iek veik bruk pakacah gauk anit ranam taneh ia saong pok meyaom HTX hadah krah, tukvak 2010 – 2015. 114 urang lambaok ka 355 HTX dalam tỉnh hu mbaok tame nyaom meyai. 5 thun tapa, dom HTX dalam tỉnh Đắc Lắc oh padeih patagok số lượng saong chất lượng, pachreih hu jaik 60 ribau thành viên, ba bruk ngak ka lab.aih 15 ribau urang ngak

4/ Pagam tal bruk Ủy ban bhap bini huyện Hàm Thuận Bắc, tỉnh Bình Thuận hu ngak suan hukum lao động kayua brei padeih bruk 42 gru pato dok pato hợp đồng, dalam harei 16/6 meng bloh, Phòng pato megru huyện Hàm Thuận Bắc  triệu tập samar 42 urang gru pato dok dalam sarak ni piah hu panuac khan klak sarak dahlau di nan di Ub bhap bini huyện. Tui nan 42 gru pato ni oh cakak hợp đồng bo hu ngak bruk di đơn vị sang bac drei dok ngak. Hadei di tuk pang ong Ung Đức Ánh, Trưởng phòng pato megru huyện Hàm Thuận Bắc hu panuac khan brei klak sarak klak, dom urang gru pato biak sambai kayua urak ni meda pato gilac veik .

5/ Cty tapuk saong pandap sang bac Đồng Nai peih danak dak tani tanat yaom kaom akaok meti, peih mbaok danak dak tani tanat yaom tapuk thun bac 2015 – 2016. Ini lac thun ka 5 cty hu tỉnh buh phun jien brei dahlau 20 tỷ đồng piah peih brukk tani tanat yaom tapuk. Danak dak hu dui atah tal harei 30/11.

6/ Hadei di 7 bilan peih ngak “Palei Việt Nam Posco” di xã Tân Hòa, huyện Tân Thành, tỉnh Bà Rịa-Vũng Tàu hu peih pakak tuk vak 1 song jao brei 26 boh sang ka dom boh sang kan kathaot, kan kandah meng sang dok. Ni lac dự án kayua Công ty Trách nhiệm hữu hạn Posco Việt Nam pambuak bruk song kapul dong ba sang danaok dong brei. Dự án “Palei Việt Nam Posco” hu tong abih phun jien 8,1 tỷ đồng, padang ngak 85 boh sang. Yaok boh sang hu yaom 95 triệu đồng. Tuk vak ka 2 di dự án hu peih ngak dalam thun ni.

7/ Tỉnh đoàn Sóc Trăng saong sở pato megru pambuak bruk saong bộ chỉ huy quân sự tỉnh peih “tal học kỳ dalam bol bala 2015”. Tal bac hu 130 anek saih lac urang lin sit mai meng dom puk palei dalam tỉnh saong 10 anek saih mai meng tỉnh Cà Mau hu mbaok tame. Tapa dom bruk bac pasram ngak lin, dom adei hu pato pakai ka chính trị, pasram megru quân sự, kỷ luật bộ đội… Saai Nguyễn Thanh Liêm, phaok Bí thư tỉnh đoàn Sóc Trăng brei thau: Thun ini, ban peih bruk khang hatai ba tabiak ka dom adei hu mbaok tame patagok sản xuất gam saong dom chiến sĩ. Dom bruk bac ngoại khóa jeng hu ngak dahlau. Ban peih bruk ba tabiak nan lac dom bruk ngak brei hu rah tabiak langiu thao trường, piah dom adei pasram dom ilamu, dom bruk ngak di sa  urang lin.

Patui di ini dom khau tin dunya:

8/ Akaok mintri Y tế Thái Lan Rắt-cha-ta (Rachata) brei thau, mintri y tế song dom jabat pagam di negar ni hu peih ngak dom jalan halan hatain cakak song bruk njom mbak di hội chứng suy hô hấp cấp vùng Trung Đông (MERS). Tui nan, tong abih dom pambah mbang negar, karja Thái Lan hu tagok bruk tui iek pren yava dom tuai damuai mai meng dom negar urak ni dok hu jit ruak yau dom negar Trung Đông song Hàn Quốc.

9/ jabat khí tượng NB brei thau, ceik pui Asama di bhum kreh negar taneh ia ini meda pruh veik. Hu thau, sa tal bau lipih nyu laik trun labik vir taom dar ceik pui, min jeng oh ka mboh geng sauk saong bau praong meng pabah ceik pui pruh tagok langik. Urak ini dom iah ngin praong daok pacang vil val pabah ceik pui, ngak kan kandah ka dom urang ruah duah tui iek bruk pruh bau di ceik pui ini.

10/ Mintri Du lịch Cuba brei thau :  Hãng hàng không Condor di Đức patagok dom mbang par tal Cu ba meng bilan barak anak tal. Ni hu mong lac bilan tabung glong ka bruk du lịch di palao kaoh Caribe (Ca-ri-bê) ni. Condor hu peih mbang par bahrau , ngan song tần suất sa mbang dalam sa adit. Song 136.000 urang,  Đức nan lac negar hu tuai damuai mai rivang Cuba rilo dang ka 2 di dunya, dang hadei Canada, song tagok 20% dut song thun dahlau./.