Daa mikva saong grauk yut pang dom khaw tin brei thau ka bruk pandiak bhang saong dom jalan ngak pacang caga tua riya di dom puk palei dalam taneh ia :

1# Dom sruh radaih ia prong meng krem, la-a nduac oh abih nhiên liệu, luac harei melam payeng ba ia tagok glaong, ba ia tame mblang hamu saong palei pala daok daong dom mblang hamu di mikva bangsa di bhum  ceik Nghệ An tabiak truh tua. Di bản Đan, labik rah tabiak tua trak abih xã Tiền Phong dalam bilan Xuân meng blaoh, mikva hu ngak guồng ia caga, urak ini, tok daok dom taneh daok kurang ia cục bộ.

2/ Tui kuhria mboh oh ka ginup abih, tỉnh Trà Vinh njauk khat lahik labaih 600 tỉ đồng kayua bala meng langik tasik. Cambaih laih nan lac, hu labaih 22.000 ha padai đông xuân metai thu, taneh njam patam kurang ia jaik 213 ha, jaik 4.000 ha phun mbang baoh trun năng suất meng 15 tal 20%. Kayua pandiak bhang, mbak dui atah nan ye tỉnh Trà Vinh jeng hu 18.770 baoh sang kurang ia pandar, dalam nan 9.672 baoh sang kurang ia biak khang.

3# Yam tame tabung glaong pandiak bhang, rilo bhum pala pa ok dalam tỉnh Đồng Nai, ye : Vĩnh Cửu, Định Quán, Xuân Lộc… gaok kan kandah kayua halau ia pruh thu. Di huyện Vĩnh Cửu hu yaok ratuh hécta pa ok kurang ia. Tui nan, urang nong njauk paik pa ok meda pablei. Urang nong gaok biak rilo kan kandah kayua bilan paik thun ini phun trun takik nang suat saong urak ini pa ok jeng daok laik yaom.

4/ Dom thun jaik di ini, dom janih phun pala yau padai, darang, ratak HALUK bhian laik yaom, ngak ka rai diuk di urang nông dak harei dak kan kandah. Meng bruk ini, kapul urang nông xã Truông Mít, huyện Dương Minh Châu, tỉnh Tây Ninh hu saneng tal bruk salih phun pala. Urak ini, ralo sang urang nông di xã Truông Mít hu jak jeng saong bruk pala njam bẹ quăn. Ini lac bruk ngak barau kayua kapul urang nông xã Truông Mít ba tabiak, tuk camereip mboh hu kein laba.  

Likau salih tapa dom khaw tin ka dom bruk ilimo :

5# Ông Nguyễn Văn Dũng- akaok Uỷ ban bhapnini ban sit Hội An (Quảng Nam) brei thau dom bruk ngak di harei tapuk Việt Nam 21/4 di ban sit Hội An meda pataom tame dom kadha piah yaih khan, pok je dom tủ tapuk sang, but pajaih. Taphia nan, peih parang iek ấn phẩm ka HỘi An, Quảng Nam, abih di nyu nan lac dom ấn phẩm ka truyền thống anit taneh ia saong cách mạng di bol bala saong bhapbini Hội An-Quảng Nam. Yaih khan saong pok je dom tủ tapuk sang, tủ tapuk di dom agama, hội quán.

6/ “Ala ia tasau amaik” lac baoh tapuk ariya di 30 nhà thơ hu yaih khan angaok báo nhân dân yaok bilan dalam dom thun 2013, 2014 saong 2015, hu minh họa di ralo họa sĩ hu angan je, ngak jeng sa tác phẩm pambuak ariya saong họa. Ini lac bruk kham merat di dom urang ngak báo nhân dân, piah pachreih urang anit ranam ariya. Baoh tapuk ariya brei mboh mbaok meta thơ ca Việt Nam dalam dom thun tapa.

Khaw tin dunya

7# Akaok mintri Quốc phòng Mỹ A-stơn Ca-tơ hu nao tal Philippines piah khik veik talei pambuak bruk quân sự kajap saong đồng minh praong di Đông Nam Á ini. Di mbang ravang ini, akaok mintri, ong Carter hu mbang taom gaok Tổng thống taneh ia po sang Bê-ni-nô A-ki-nô saong mai harei tamat mbang pasram yaok thun hu peih ngak praong di Mỹ saong Philippines. 

8/ Truyền thông Papua New Guinea brei thau, sa sruh kapal haok sit di hãng kapal haok Sunbird Aviation laik tuk par trun jalan băng di Ki-un-ga, sa bhum atah bayah gah pai taneh ia ini, ngak ka 12 urang angaok kapal haok metai.

9# Đặc phái viên Liên hợp quốc ka Xyri Sta-phan đờ Mi-xtu-ra  brei thau bruk thất vọng kayua maong lac oh hu siam lagaih dalam bruk ba pandap daong ka dom labik daok njauk pacang cakak di Xyri. Panuac ini hu ba tabiak dalam tuk vòng đàm phán barau abih ka Xyri barau hu pasiam harei 13/4 meng blaoh ./.