1 # Thủ tướng Raja-ei ủy quyền ka Mentri Lao động - Thương binh saong Xã hội ba tagok ka Akaok negar mong iek alin brei pandap ka urang hu kong haong cách mạng tukvak pahadar 68 thun harei Thương binh - Liệt sĩ (27/7/1947-27/7/2015). Yaom pandap alin brei hu pathau tagok akaok negar hu parabha jeng 2 janih: 400.000 đồng saong 200.000 đồng. Taong abih phun jien piah alin brei pandap ka urang hu kong haong cách mạng tukvak pahadar 68 thun harei Thương binh - Liệt sĩ (27/7/1947-27/7/2015) nan lac labaih 384 tỷ đồng.

2/ Patui danak dak ngak bruk mbang nyaom 9 Quốc hội mbang 13, mesup harei 19/6 QH hu brei panuac tapa hukum peih ngak Rajaei (pasiam veik) hukum peih ngak karja puk palri song ginum biai di hội trường ka dự án hukum peih ngak jabat tui iek hình sự. Dahlau di nan, harei kabroi 18/6 ginum biai ka dự án  luật phí, lệ phí, kadha salih tapa atau oh salih học phí viện phí tapa cơ chế giá hu dom đại biểu caih hatai sangka song dok rilo panuac karei di gauk.

3 # Tukvak pahadar 90 thun Harei Báo chí Cách mạng Việt Nam, meng blaoh, pak Jabat Thông tấn xã Việt Nam labik gah meraong hu rah tabiak danak dak taom gaok  adaoh tamia dom jabat báo chí Trung ương saong dom đơn vị kết nghĩa ngan haong kadha “Daoh ka taneh aia palei negar”. Ngan haong 18 kadha daoh tamia hu padang ngak biak siam ndom ka taneh aia palei negar, ndom ka Đảng cộng sản Việt Nam saong dom hatai caong khin di urang ngak báo, di dam dara ranaih… danak dak hu ngak ka bầu không khí chreih chai bui sambai, patagok tính giao lưu, gul pataom dom đơn vị.

4/ Di HN, TƯ kapul urang njauk jru klik kruac dioxin Việt Nam peih bruk tom gaok dom urang lambaok song urang vak dom jabat báo chí pahadar 90 thun harei báo chí CMVN (21/6/1925-21/6/2015). Di var taom gaok, Thượng tướng Nguyễn Văn Rinh, akaok Trung ương Kapul urang njauk jru klik kruac dioxin Việt Nam hadar veik dom bruk siam gheih di báo chí CMVN, brei mboh labik dang praong di báo chí dalam dak padang song khik caga taneh ia ba drei tame dunya.  

5 # Tui kuhria mboh di Chi cục Dân số - Kế hoạch hóa gia đình tỉnh Sơn La, dalam 3 thun gilac mai ini, bruk lahik cân bằng giới tính tuk menek pak tỉnh Sơn La tuk halei jeng daok di tanut glaong, thun 2013 lac 111/100; thun 2014 tal ini, lac 118/100. Bruk lahik cân bằng giới tính tuk menek rilo meng kayua akaok saneng “caong khin hu urang likei”, “iek prong urang likei iek lap urang kamei”, “caong khin hu urang ngak lac urang likei”... hu mbang tame dalam akaok di bhap bani. Ong Trần Đình Thuận, Akaok chi cục Dân số - Kế hoạch hóa gia đình tỉnh Sơn La brei thau: Chi cục Dân số tỉnh khaol dahlak patui veik peih ngak dom tal pato pathram ka ilamu pathau khan, tư vấn ka giới tính tuk menek ka urang pambuak bruk gah dân số saong urang jakar gah tư pháp xã. Blaoh di nan hu peih bruk ndom biai chuyên đề gah giới tính tuk menek pak cộng đồng, tư vấn tapak ka urang likei kumei kuhria caga ngak lakhah.

          6/ Harei 18/6 di tỉnh Ninh Thuận hu hajan di dom labik. Tui panuac khan hajan meda dui atah dalam dom harei anak. Hajan gam gam ngak ka langik patrun pandiak thu dalam tuk vak tapa. Tui panuac khan di Pasak Khí tượng Thủy văn tỉnh Ninh Thuận, dalam 3 harei tapa hu hajan dok dalam tỉnh. Min hajan oh parabha samu gauk di bhum taneran song bhum ceik car.

Patui di ini lac khaw tin dunya:

7 # Pak bal ine Viên Chăn (Vientiane)- Lào, Gilang pariak Thương  mại cổ phần Đầu tư saong Patagok Việt Nam ( BIDV ) hu peih bruk nghiệm thu, ba jao danak dak daong patagok hệ thống Công nghệ thông tin ka Văn phòng Raja-ei Lào. Piah daong  Văn phòng Raja-ei Lào hu ilamu gah nghệ thông tin hiện bahrau pabak ka dom bruk ngak saong padang hệ thống thư điện tử ka Văn phòng raja-ei Lào, taong abih pun jien buh tabiak ngak labaih 83 ribau đô la Mỹ.

8/ Mintri y tế TL bahrau brei tapa adat oh pablei chất lỏng hu cồn dalam phạm vi 300 mét taom dar di dom labik sang bac tiểu học song pato bruk ngak song tuk vak oh brei pablei nan lac 24/24 tuk. Min adat hukum hu peih ngak di 3 labik di ban ine  Băngcốc jang yau dom khách sạn song dom labik pablei salih alak mbia hu ba tabiak dalam dom hukum pagam tal. Yaom phạt glong di abih 6 bilan guk song 330 đô la Mỹ meyah lac ngak suan. Min quy định ni njauk brei hu Ủy ban khik caga  chất lỏng hu cồn brei tapa dalam akaok bilan 7 anak tal piah meda jeng sa adat.

9 #  “Bruk nao mai angaok tasik saong angaok lingik di Biển Đông daok gaok kan kandah”. Nan lac panuac  di Trợ lý Ngoại trưởng Mỹ Đan-ni-eo Rát-xồ (Daniel Russel) dalam mbang họp báo pak Washington DC dalam page harei ini (19/6), ka mbang đối thoại chiến lược saong kinh tế bhian thun anak tal di  Mỹ saong Trung Quốc. Trợ lý Ngoại trưởng Đan-ni-eo Rát-xồ brei thau, dalam mbang đối thoại mbang ka 7 anak tal, Mỹ saong Trung Quốc meda ginum biai ka dom gah kinh tế, an ninh saong giao lưu bhap bani./.