1/ Harei kabroi 28/9 di HN, Mban tacei jalan TƯ, pacang caga tham nhũng ginum biai mbang ka 8 piah tong yaom bruk pacang caga tham nhũng meng mbang nyaom ka 7 di mban tacei jalan tal urak ni song brei panuac ka jalan ngak, bruk ngak di dom bilan dok veik di thun 2015. Tổng Bí Thư Nguyễn Phú Trọng, Akaok mban tacei jalan Trung ương pacang caga tham nhũng hu panuac pandar langyah dom vụ án prong, trak damak njauk jhul pakhang jang.

2# Meng harei ini (29/9) tal harei paguh, di pasak nyaom biai negar Mỹ Đình, Hà Nội, mintri Tài nguyên saong Môi trường peih nyaom biai alam Môi trường pakat negar mbang yaka 4 thun 2015. Dalam dua harei rah tabiak nyaom biai hu dom asal kadha praong ye : nyaom biai khik ramik karja ka khik caga alam moi truong, nyaom biai alamu cong nghe di gah khik caga alam moi truong.

3/ Thủ tướng rajaei njauk hatai haong bruk buh jien tabiak padang 25 boh tatua piah salih 31 tatua brei padeih atau salih tapa dự án karei. Dom tatua ni, di dự án phun jien gah pajeng ba piah pasiam veik jalan roya mbang ka 2 pandar phun jien di Jabat pambuak bruk dunya Nhật Bản (JICA).

4# Harei kabroi (28/9), Thứ trưởng mintri Y tế Nguyễn Thanh Long mbaoh tangin tame harak brei padang 10 kapul pasang iek bruk pacang caga ruak padiak tabiak darah dalam tuk jit ruak ini daok mboh di 51 tỉnh, ban saong jaik 40.000 urang ruak, dalam nan takik abih 24 urang metai. Dalam bilan 10 tal, yaok kapul nao pasang iek di dua puk palei hu : Hà Nội, Thanh Hóa, Nghệ An, Hà Tĩnh, Đà Nẵng, Phú Yên, Bình Định, Khánh Hòa, Bình Thuận, Bình Dương, Bình Phước, Tây Ninh, Sóc Trăng, Long An, Tiền Giang, Đắc Lắk, Gia Lai, Bà Rịa Vũng Tàu và Thành phố Hồ Chí Minh.

5/ Tỉnh Quảng Bình bahrau mbaoh tangin brei peih ngak danak dak khik ramik song patagok glai pacang caga tapen tasik Nam Quảng Bìnhtuk vak 2015 – 2020 piah pacang biến đổi khí hậu, patrun bala meng langik tasik, khik caga takai tasik, pacang cakak cuah par , cuah nduac, khik caga bruk ngak mbang rai duik di urang dalam bhum. Dự án hu yaom jien abih tih labaih 97 tỷ đồng dalam nan hu dom bruk yau: pala song iek glang 1.300 ha glai pacang caga, khik caga 4.500 ha glai, padang 12 km jalan mbak nao mai.

6# Di ban sit Cao Lãnh, tỉnh Đồng Tháp, Trung ương Đoàn damdara Cộng sản Hồ Chí Minh pambuak bruk saong Ủy ban An toàn giao thông pakat negar peih harei roya damdara saong ilimo jalan mbak thun 2015 saong pataom mbaok jaik 3.000 urang đoàn, damdara mai meng 12 huyện, ban dalam tỉnh. Hadei harei roya, dom urang đoàn damdara pataom tame nao takai pathau khan ka an toan jaln mbak ka bhapbini di dom canah jalan dalam ban sit Cao Lãnh; peih mbang tòa hình sự ngak iek langyah bruk ngak suan adat jalan mbak. Taphia nan, labaih 250 urang đoàn, damdara pataom tame pakacah ndik an toàn.

7/ Tỉnh Tiền Giang bahrau peih mít tinh pachreih tui bruk ngak ka dunya hacih saat jang thun 2015 song peih ngak 17 tanut ka alam môi trường dalam bruk padang ngak palei pala bahrau. Di var mít tinh tỉnh, Sở tài nguyên song môi trường tỉnh TG hu panuac ieu dom kapul nyaom, menuac urang song bhap bini kham merat khik caga môi trường, ngak krein randap takik pandar kadung nylon, oh klak hareik harom, pandar năng lượng patak patom, pandap mbang patak patom, pala song khik caga phun kayau hijao.

       Patui di ni dom khau tin dunya

            8# Tổng thống Mỹ Barắc Ôbama saong Tổng thống Nga Vlađiamia Putin melam kabroi tui tukvak Việt Nam) hu mbang gaok dua gah lingiu mbang nyaom Đại Hội đồng Liên hợp quốc di Niu Oóc (New York), Mỹ. Dahlau di nan, dalam ndom puac di Đại Hội đồng Liên hợp quốc, dua urang dang akaok dunya brei mboh bruk neg rabha gauk khang ka bruk  Xyri. Di var dala kayua Tổng Thư ký Liên hợp quốc dang akaok, hadei nan Tổng thống Nga-Mỹ gam par tangin, min oh cụng ly sâm-panh. Blah thaot binguk par tangin di ông Putin saong ông Ôbama dahlau tuk yam tame mbang gaok dua gah brei mboh oh njauk hatai di dua urang dang akaok Mỹ đối lập saong cambuai klao khim di Tổng thong Nga.

          9/ Trung Quốc sinya buh brei yaok tỷ USD song bayar abih sre dalam thun ni, piah dong ka dom negar kan kathaot di dunya. Panuac nan hu akaok negar Trung Quốc Tập Cận Bình ba tabiak dalam kadha ndom puac di đại hội đồng Liên hiệp quốc harei 25.9. Đại hội đồng Liên hiệp quốc hu tabiak tanut abih iek lipa dalam thun 2030 song bruk kham merat ni brei hu 5.000 tỷ USD yaok thun piah peih ngak. Langiu di nan, TQ hu tah klak dom phun jien sre gam tal rajaei di dom negar kan kathaot, dom palao kaoh sit song dom negar dok nyim sre trak abih dalam thun./.