1/ Di HN, Kapul Âm nhạc Hà Nội bahrau họp báo ka danak dak nghệ thuật hatai ranam HN, yaih khan dom tác phẩm di dom nhạc sĩ: Nguyễn Cường, Trương Ngọc Ninh, Phó Đức Phương. 3 nhạc sĩ hu jalan paneh kadha karei, song dom đề tài karei di gauk, min jeng hu tác phẩm hu caik veik dalam hatung hatai menuac urang. Danak dak hu rah tabiak di sang doh ban ine HN dalam melam harei 14/1/2015 song hu mbaok di dom ca sĩ: Mỹ Linh, Tùng Dương, Minh Quân, Vũ Thắng Lợi, Nhật Thùy, Minh Thu.

2/ UB bhap bini tỉnh Ninh Thuận brei ba pasak bac daa bhap bini pakat xã, sang sinh hoạt bhap bini, sang ilamu, dom labik ngak bruk di mban khik iek palei, khu phố jeng pasak ilamu – Thể thao xã. Jao ka dom gah chức năng padang jalan ngak bruk ka dom pasak ini. Taphia nan, pasang iek veik dom labik ngak bruk di palei, khu phố di puk palei, hu đề xuất cambaih laih piah UB bhap bini tỉnh pasang iek, brei bruk rami ramik, sáp nhập, padang ngak barau, pasiam veik piah ka bruk ngak di dom pasak, sang ilamu, labik ngak bruk pakat palei, khu phố hu kein lagaih tui tanut padang ngak palei pala barau.

3/ Meng thun 2009 mbiah tal harei ni, meng kadung jien TƯ song kadung jien di palei pala, tỉnh Bình Thuận padang hu labaih 6000 boh sang ka urang kan kathaot song tong abih phun jien padang ngak lac 114 tỷ đồng. Langiu di nan, dom pakat, dom gah, kapul nyaom hu pachreih ba kapul nyaom, menuac urang dong brei song padang hu 1000 boh sang ka urang hu rai duik kan kandah song yaom jien 23 tỷ đồng. Quy mô song chất lượng danak dak sang dok hu patagok. Langiu di pok jien hu dong ba, rilo boh sang dok hu mesraiy piah padang sang khang kajap siam mekre khik hu labik dok tani tanat.

4/ Pasak ngak bruk xã hội tỉnh Bình pHước  pambuak bruk saong báo tiền phong barau peih bruk iek ruak, brei jru saong alin hadiah 300 paok pandap ka baoh sang kan kathaot di 2 xã taphia negar Hưng Phước saong Phước Thiện, huyện Bù Đốp. Yaok paok pandap yaom 300 ribau đồng. Taong abih pandap saong jien jru hu pasak ngak bruk xã hội tỉnh jak ba dom kapul nyaom, labik ngak pahala di dom sang iek ruak daok di ban raya HCM 

5/ Nghệ sĩ nhân dân Quang Thọ song  Nghệ sĩ ưu tú Tấn Minh, ca sĩ Ngọc Khuê, Vũ Thắng Lợi hu mbaok dalam melam doh takơ hu angan Cơn bão, hu rah tabiak di pasak Nghệ thuật Âu Cơ piah padang kadung jien padang sang bac ka uranaih bangsa La Hủ daok di xã Pa Ủ, huyện Mường Tè, tỉnh Lai Châu. Melam daoh takơ dok hu bruk pablei đấu giá bình lan am klak hu meng 1.700 thun dahlau song gu bình lan am Bát Tràng hu ngak meng abhap 19.    

6/ Mban quản trị baha Đơm Thnốt, dok di phường Vĩnh Phước, ban sit  Vĩnh Châu, tỉnh Sóc Trăng bahrau peih pakak song ba tame pandar sang bac Sala Sang bac sala lac sa dalam dom danak dak kiến trúc oh meda kurang hu di dom boh baha Nam tông Khmer. Ni lac sa labik sinh hoạt tín ngưỡng agama ka sư sãi song mik va phật tử dalam dom tuk lễ Tết Chôl Chnăm Thmây, Sene Đôn ta meng kan. Sang bac Sala bahrau ni hu padang ngak dalam 6 thun tui kiến trúc cổ kính./.