1/ Harei kabroi 5/5 di Jabat Trung ương Đảng, Mban tacei jalan TƯ ka bruk pacang caga tham nhũng peih nyom biai pakat negar ka bruk pacang caga tham nhũng. Brei panuac peih mbaok mbang nyaom, Tổng Bí thư Nguyễn Phú Trọng brei thau, ni lac mbang akaok meti sa nyaom biai pakat negar ka bruk pacang caga tham nhũng hu peih tabiak kuhria meng tuk Mintri chính trị padang mban tacei jalan TƯ ka bruk pacang caga tham nhũng di akaok thun 2013

(Nyaom biai hu labik dang prong kayua bruk mesruh pacang caga tham nhũng dalam tukvak hu dom pakat, dom gah dom puk palei peih ngak song hatai kham merat glong, hu rilo jalan tacei ba khang, tuk camereip mek hu rilo siam mekre. Min cambaih laih nan lac tham nhũng dok lac bruk biak tavak tavaiy, pandik akaok dalam XH. Bruk pacang caga tham nhũng jeng dok brei jhul pakhang, ngak brei catang jang song hatai kham merat jang tui dom jalan ngak tantu cambaih laih, kham merat, siam lagaih rilo jang. Nyaom biai mbang ni piah patui dom jalan ngak yau nan. 

2/ Di HN, mintri công thương peih họp báo thường kỳ ka bruk ngak công saong bruk pablei salih bilan 4. Pambuak tal chỉ thị 11 di mintri công thương barau patabiak ka bruk patagok tantu, cambaih laih ngan saong bruk pablei salih điện, xăng menyek. Ong Võ Văn Quyền, akaok vụ darak pasar dalam taneh ia brei thau, dalam Nghị định 84 pasiam veik hu patabiak dalam tukvak anak tal jeng patui brei adat pandar kadung jien tani tanat yaom xăng menyek, min quy định cambaih trình tự, mức độ, trường hợp pandar  saong yaok mbang pandar kadung jien tani tanat brei khan cambaih laih. Taphia di nan ndom lac, tal urak ini bruk pandar kadung jien tani tanat jeng njauk tui adat saong rik daong patakik tagok yaom tuk darak pasar biến động khang.

3/ Piah duh siam di abih ka Đại lễ Phật đản Vesak 2014, Mban peih bruk Đại lễ palih ruah hu 500 urang halan hatain nan lac SV di dom sang bac ĐH dok di HN. Harei ni, 6/5 dom urang halan hatain hu mbaok taduan raok tuai damuai dok dalam song langiu negar tame adit Vesak 2014. Đại lễ Vesak hu peih mbaok di mesup harei 8/5, hu labaih 3500 tuai dok dalam song langiu negar, yaok ribau phật tử meng grauk labik dalam negar mai hu mbaok. Gam song bruk kuhria caga grap tanat, Mban peih bruk cong khin Đại lễ Vesak hu caik veik dom kladha biak siam dalam hatai ayhut sahabah atah jiak.

4/ Di sang iek ruak Phụ sản- Nhi, ban sit Đà Nẵng hu rah tabiak chiến dịch rao hacih tangin njauk dalam urang y tế, piah khik kajap bruk pasang iek njom khuẩn saong an toàn ka urang ruak. Ini jeng lac bruk ngak pachreih tui chiến dịch yaok thun “khik caga rai diuk – rau tangin di ayut” kayua gah y tế dunya peih tabiak. Di var lễ, lambaok jabat Newborn Vietnam gam saong yaok rituh bác sĩ, điều dưỡng hu rao hacih tangin njauk jalan piah khik kajap bruk pasang iek njom khuẩn saong an toàn ka urang ruak. Tal urak ini, sang iek ruak Phụ sản- Nhi Đà Nẵng hu pabak brei 600 bình ia jru rao tangin samar dạng cồn saong caik gilac 5 hệ thống bồn rau tangin thủ thuật, blac daraih di dom labik cần thiết dalam sang iek ruak.   

5/ Tapa dom danak dak dự án pablah tame, urak ni huyện An Lão, tỉnh Bình Định hu 19 trang trại song 29 mô hình kinh tế rilo janih, dong ba bruk ngak tani tanat song jien mek tame glaong ka rilo boh sang dok dalam tỉnh. Dalam tukvak anak tal, huyện An Lão hu tagok taneh ngak  padai lai meng 30 ha tagok 100 ha piah jeng sa mblang padai prong hu quy mô meng 25 tal 30 ha, tagok bruk pala mây nếp ala halui hala glai tagok jang 3 mbang yau urak ni song tong abih taneh meng 250-300 ha dong palagaih piah ka bhap bini peih prong song patagok dom mô hình KT kein lagaih karei karei.

6/ Harei kabroi, di ban Phan Thiết, tỉnh Bình Thuận hu peih var pataom mbaok, ndom meyai nao mai saong dom urang lin hu mbaok tame chiến dịch ĐBP samar dahlau. Di var pataom mbaok, dom urang lambaok hu caik tukvak hadar veik jayah ĐBP sajarah dak rai samar dahlau. Dom urang lin điện biên samar dahlau yaom lac umo glaong, pren yava oh khang kajap min daok bak nhiệt huyết, chreih chrai klah rabha saong dom rai rah hadei ka tukvak diuk rai saong mesruh metak oai hùng. Tapa nan, payua tal dom rai rah hadei dom ilamu biak hu yaom glaong meng jayah ĐBP samar dahlau ba tame bruk harei ini.

7/ Piah palagaih ka bruk nao mai di bhap bini dalam tuk pahadar 60 thun peih paha ĐBP, Hãng kapal haoh Vietnam Airlines hu tagok rilo mbang par jang tal  Điện Biên. Yau ye: meng harei 5 tal 11/5 , meng 2 mbang par tagok jeng 4 mbang par  dalam sa harei. Meng harei 12 tal 18/5,  meng 2 mbang tagok jeng 3 mbang par dalam sa harei. (oh kuhria harei 12/5 tok hu 2 mbang par dalam sa harei kayua oh ka hu kapan haoh.

Dahlau di nan, hãng hu tagok 1 tal 2 mbang dalam sa harei, ka jalan par ni. Dalam tukvak meng harei 2/3 tal harei 18/5 hãng hu tagok 48% khaghe, samu  10.200 khghe dut song lịch par yaok harei.

Patui di ini dom khau tin dunya:

8/ Harei ini 6/5, Anh saong Prang pahadar 20 thun harei peih pakak jalan lubang tapa tasik Manche pambuak dua taneh ia. Jalan lubvang biak praong daok ala mbat tasik Manche ini tapa 20 thun peih tabiak hu ba mai nguồn lợi kinh tế oh lac sit brei ka dua taneh ia. Jalan lubang nan peih ngak harei 15/12/1987, tal harei 6/5/1994 hu Tổng thống François Mitterrand saong Nữ hoàng Elisabeth II peih pakak saong tal harei 19/5 thun nan jalan lubang nan hu ba tame pandar. Meng nan tal urak ini jalan lubang nan hu daong ka yaok rituh triệu mbang menuac saong radaih nao mai dua taneh ia hu darah samar saong mbuan lagaih.     

9/ Karja HQ bahrau brei ramik pasiam veik dom quy định an toàn song pasang iek hàng hải nội địa piah patrun bruk rah tabiak bala yau mbang kram phà Se-uôn (Sewol) di bilan dahlau ngak ka 259 urang metai song mbiah tal urak ni jeng dok 43 urang lihik. Mintri Đại dương song Ngư nghiệp Hàn Quốc brei thau, meng bilan 6 ni, khau tin di tong abih tuai damuai nao gaiy kapan hu langyah meng hệ thống khik ramik điện tử song jalan ngak ni hu pandar ka dom janih phương tiện karei nao phà meng bilan 7 . Mintri Đại dương song Ngư nghiệp Hàn Quốc hu panuac ieu dom pabah lamnge tui iek catang jang harak gar di tuai damuai nao gaiy phà.