# Thun ini, tabung glaong bilan thu mai avar nan ye bahrau akaok bilan thu, tỉnh Đồng Nai hu ralo mbang khuah tabau, binek padang aia thu abih, yaok ribau héc ta phun pala thu lagu kayua tua riya pandiak bhang saong njaom mbak; ralo palei  kurang aia pandar kayua bingun cao thu aia abih. Tui Sở Ngak nong saong patagok palei pala, piah pacang tua riya, meng akaok thun, Đồng Nai hu peih ngak ralo jalan piah caga saong pataom pren tame bruk pacang cakak pandiak bhang. Taphia di nan, pataom mek saong pandar siam aia pataom hu pak dom baoh binek piah pruh ka phun pala saong aia pandar.

#/ Tui Sở ngak nong song patagok palei pala tỉnh Cà Mau kuhria meng krieh bilan 11 thun 2015 mbiah tal ni, tỉnh Cà Mau hu labaih 49. 000 ha padai khut khat kayua pandiak bhang song njom mbak. Dalam nan taneh padai di angaok taneh hadang njauk khat lahik labaih 25.000 ha song jiak 12.500 ha  padai Đông Xuân njauk khat lihik. Anak bruk nan, Ủy ban bhap bini tỉnh Cà Mau hu tacei ba Sở ngak nong song patagok palei pala tỉnh pambuak bruk song dom sở, ngành song Ub bhap bini dom huyện, ban peih ngak khang dom jalan pacang caga bala kayua pandiak bhang rah tabiak song patui ngak dom sarak dong ka urang nong patagok bruk pala drak di dom bhum khat lihik tui quy định.

 # Thành đoàn Cần Thơ bahrau peih bruk tabiak mbaok Bilan dam dara thun 2016 piah peih ngak dom bruk dam dara. Ngan haong jalan ngak “Dam dara Cần Thơ ngak brei ka bhap bani rahra, iek glang bồi dưỡng ka dam dara”, Bilan dam dara thun ini brei mboh bruk sangka, iek glang di dom pakat karja dalam bruk pato pasram, pabak ilamu ka dam dara. Meng nan pamedieh tagok bruk tự hào bangsa, ilamu meng kan hadah hadai di Đoàn thanh niên. Sa-ai Huỳnh Thái Nguyên, Phaok Bí thư Thành đoàn Cần Thơ brei thau: Hadei di lễ tabiak bloh khaol dahlak hu tacei pato dom đơn vị peih ngak dom bruk dam dara. Thành đoàn meda pambuak bruk hoang dom jabat piah peih pakak dom gheng menyum aia pak vòi di dom labik công cộng. Gam saong nan, dom quận, huyện đoàn jeng peih bruk tabiak mbaok di harei 1/3.

#/ Yaom liu sáp di Trà Vinh dok tagok veik. Liu sáp di bein hu yaom meng 100.000 tal 140.000 đồng/boh, tagok 40.000 tal 60.000 đồng/boh dut song tuk vak thun dahlau. Di dom labik pablei rai, dom labik du lịch yaom meng 160.000 tal  200.000 đồng/boh bo oh ginup pablei ka tuai. Rilo meng lac tuai blei meng dom tỉnh karei karei song ban raya HCM. Yaom liu sáp tagok glong kayua thun ni liu hu baoh takik, urang duah blei ralo.

      #  Tỉnh Phú Yên hu jaik 149 ribau drei limo, kubao. Piah pacang caga jit ruak laka cambuai tapok kakau di tapul athur raong, langiu di vắc xin Trung ương daong brei, tỉnh Phú Yên jeng hu buh jien tabiak blei vắc xin, brei sraoh ka dom puk palei pacang cakak jit. Tal urak ini, tỉnh Phú Yên hu ngak blaoh mbang ka sa kluak vắc xin laka cambuai tapok kakau ka tapol athur raong, tui nan hu labaih 90%. Ong Nguyễn Văn Lâm, Phaok akaok Chi cục Thú y tỉnh Phú Yên brei thau: Chi cục Thú y tacei pato dom Balai Thú y pasang iek dom sruh jit ruak klak piah thau cambaih ka bruk jit ruak, hadei di nan dom huyện jeng patui veik kluak caga pabak ka dom drei menuk ada daok talaik veik saong dom drei menuk bahrau caih tabiak. Taphia di nan, jak ba bhap bani ngak siam bruk pruh jru pametai anek ruak labik raong glang.

#/ Di ban sit Đồng Xoài, Tỉnh ủy Bình Phước hu tabiak blah khau tin điện tử song khan số điện thoại talei pandiak piah taduan mek panuac khan di bhap bini. Labik truy cập blah khau tin điện tử di www.tinhuybinhphuoc.vn songlaik phone pandiak lac 08.888.93893. Blah khau tin lac talei pambuak urang jakar, urang đảng song dom pakat ủy đảng dalam tỉnh.

# Pak Bến radaih miền Tây (Bal raya Hồ Chí Minh), Pasak Pato tacei bruk ngak saong ba brei bruk ngak dam dara Bal raya Hồ Chí Minh peih ngak lễ tabiak mbaok danak “Daong pren urang ngak thun 2016”. Danak dak thun ini hu peih ngak ngan haong ralo bruk ngak yau: peih ngak dom bruk ngak truyền thông angaok báo chí ka hatai caong khin ngak bruk hagait saong ngak pak halei dalam bal, khan brei thau, meyaih bruk ngak oh mek jien ka urang ngak, brei thau ka labik daok trọ yaom lap; pathram kapul urang halan hatian daong ka urang ngak pak dom labik daong pren dalam mbang tabung glaong ka bruk ngak hadei di Tết.

 Nhạc cắt

Patui di ni dom khau tin dunya:

#/ Dom urang takre xì gà di dunya hu mai pataom gauk di Ban ine Habana di Cuba dalam adit ni piah hu mbaok tame  lễ hội xì-gà dunya mbang ka 18 hu peih ngak di palao Ca-ri-bê ni. Lễ hội tui kuhria taduan hu rilo tuai damuai Mỹ song dom urang takre xì gà di angaok dunya dut song tuk vak ni dahlau deih, dalam tuk vak Mỹ dok palagaih nao mai song pablei salih song Cuba, sa dalam dom kham merat piah jhul pakhang talei pambuak bruk di 2 gah.

          # Ô-xtrây-li-a brei thau meda buh tabiak 10 triệu đô la Ô-xtrây-li-a tame kadung jien daong dom urang njauk bala meng ribuk pak Phi-di (Fiji). Yaom jien 10 triệu đô la ini hu pandar piah brei pandap panda, aia hacih saong labik daok ka dom urang njauk bala.  Ngoại trưởng Ô-xtrây-li-a Giu-li Bi-xóp (Julie Bishop) brei thau, Raja-ei Ô-xtrây-li-a meda pambuak pagam haong karja Phi-di piah pasiam veik dom sang bac, sang iek ruak saong jalan mbak khut tayah kayua ribuk.

          #/ Phó Thủ tướng Thổ Nhĩ Kỳ Lútphi Envan (Lutfi Elvan) brei thau, labaih 150 ribau uranaih Xyri hu ndih tapui di Thổ Nhĩ Kỳ meng di tuk khủng hoảng di Xyri rah tabiak. Bruk ni brei mboh dom kan kandah ka bruk ngak pahla bo Thổ Nhĩ Kỳ dok dang di anak. Jeng tui panuac khan bo ong Anvan pok tagok Hội đồng nhân quyền Liên hợp quốc, Thổ Nhĩ Kỳ dok taduan labaih 2 triệu 700 ribau urang tị nạn Xyri, rilo di abih dom negar dok jiak tapen di negar Trung đông ni./.