#/ Tỉnh Quảng Trị bahrau peih bruk pok angan amaik VN anh hùng ka 2 amaik song truy tặng angan prong glong ni ka 259 amaik, pok huân chýõng ðộc lập dom hạng ka 12 boh sang hu rilo liệt sỹ var ndih trun dalam dom mbang mesruh metak. Urak ni tỉnh Quảng Trị hu 2.159 amaik hu pok brei angan maik VNAH, 628 boh sang hu pok brek Huân chýõng Ðộc lập các hạng.

#/ Urak ini, rilo mblang me-in praong di tỉnh Quảng Ngãi daok khut, oh hu pandap me-in. Di dom palei jeng hu sang sinh hoạt ilamu, min dalam nan oh hu hagait lingiu mblang saoh. Tỉnh Quảng Ngãi lac palei tapen tasik, hu ralo kraong, ribaong, bingun, danao. Bilan pandiak, dom adei sit bhian ba gauk nao menei ia kraong, menei tasik nan ye mbuan metau blung ia. ong Đoàn Dụng, Giám đốc Sở pato megru tỉnh Quảng Ngãi brei thau: Pambuak bruk saong tỉnh đoàn ngak jeng dom mblang me-in, dahlau di abih dalam 3 bilan hè daong dom adei hu labik sinh hoạt. Hu yau nan langyah hu bruk bac căng thẳng dalam thun. Taphia di nan dui dom adei tame sinh hoạt, oh nao tal dom labik kraong ia nguy hiểm”

          #/ UB bhap bini tỉnh Ninh Thuận bahrau tabiak Quyết định 603/QĐ-UBND brei adat ka danak dak padang ngak bein pakat negar Núi Chúa tuk vak 2016-2020, song yaom phun jien buh tame ngak abih tih jiak 170 tỷ đồng meng kadung jien di TƯ dong tapa danak dak “ Patagok bruk ngak glai khang kajap tuk vak 2016-2020”. Jalan ngak di danak dak piah khik ramik tamo đa dạng sinh học glai song tasik, khik ramik glai di bhum taneh pandiak bhang.

#/ Huyện ủy, Hội đồng bhap bini, Ủy ban bhap bini, Ủy ban Mặt trận negar Việt Nam huyện Đồng Phú, tỉnh Bình Phýớc barau peih bruk taom mbaok taha palei hadah krah song urang hu angan je dalam bhap bini bangsa takik thun 2016. Urak ini Ðồng Phú hu 7 hội ðồng taha palei saong 44 urang hu angan je dalam bhap bini bangsa takik. Bruk ngak di hội ðồng taha palei saong urang hu angan je hu taong yaom lac hu kein lagaih dalam pathau khan, jak ba saong pato pakai bhap bini diuk rai tui hukum, oh pang tui kol kanyaih jhak, rik daong dak padang rai diuk ilamu khu dân cý, padang ngak palei pala barau.

          #/ Bahrau ni Bộ Chỉ huy Bộ đội Biên phòng An Giang song kapul urang nong tỉnh hu mbaoh tangin tame danak dak pambuak bruk tuk vak 2016-2020, patagok pren khang jum pataom bol lin song bhap bini song paprong jum pataom tong abih bangsa, jhul pakhang bruk patagok KTXH padang palei pala di bhum tapen negar khang kajap. Kapul urang nong jak ba urang nong bhum tapen negar salih janih phun pala anek athur rong tui jalan ngak tabiak pandap panda, pambuak hong chế biến song pablei kaya nong, jhul pakhang bruk " Urang nong pakacah gauk ngak mbang pablei salih naih joi, jum pataom dong gauk ngak kaya meda song patrun kan kathaot khang kajap.

#/ Tỉnh Bạc Liêu urak ini daok peih ngak dom jalan pambak praong bruk kapul, nyaom taong cap kaya ikan. Tui nan, tỉnh patagok bruk pathau khan, pato hukum piah urang taong cap ikan mboh hu kein lagaih di bruk taong cap ikan tui kapul, nyaom. Bạc Liêu jeng padang ralo cõ chế, sarak piah daong dom kapul, nyaom barau padang yau: phao cứu sinh, mac thông tin liên lạc, hầm khik kaya ikan angaok kapal, mac duah labik ikan, jalan piah mesraiy phun jien, pablei kaya ikan, nyaik bruk ðầu nậu, vựa kateik yaom.

Nhạc cắt

Patui di ni dom khau tin dunya

#/ Văn phòng Tổng thống In-đô-nê-xia brei thau, negar ni meda peih sa mbang ginum biai chip song Ma-lai-xia hong Phi-lip-pin dalam adit ni piah ginum biai dom jalan patagok an ninh tasik, hadei di bruk kol phiến quân A-bu Say-áp (Abu Sayyaf) chap mek yaok pluh thuyền viên song pametai con tin. Yaom lac rajaei Phi-lip-pin hu panuac sinya kham merat abih drei piah ba dom con tin mai veik, min tal urak ni jeng oh ka mboh hu hagait.

#/ Rajaei CPC barau brei thau dom jalan ngak patagok bruk daong urang nông gaok kan kandah kayua pandiak bhang catang urak ini. Mintri ngak nông, ngak glai, ngak ikan taneh ia ini hu parabha asar pajaih phun pala diuk hu dalam lingik pandiak, pabak vaccine klauk pacang ruak ka athur raong saong rok bingun, ribaong pruh ia, dom ribaong sit ba ia meng ribaong praog tal dom mblang hamu, mbiah tal bruk kurang ia tapa nao, bo tui mintri khí týợng saong tài nguyên ia meda dui atah tal bilan 6.

          #/ Karja Mỹ brei thau, dalam dom bilan akaok thun ni, Mỹ chap kreik rilo jang duk saong tuk vak ini thun dahlau, dom urang nhập cý oh hu harak gar mai meng Mê-hi-cô. Jabat khik iek tapen negar di Mỹ brei thau, dalam bilan 3 meng bloh, hu 33 ribau 335 urang nhập cý suan adat njauk chap kreik, nan lac rilo jang 11% dut song bilan ni thun 2015./.