# Patui veik danak dak mbang nyaom ka 11 Quốc hội mbang 13, harei ini (5/4) Quốc hội nyaom pak hội trường brei thau ka bruk bầu dom Phaok Akaok Quốc hội, dom urang dalam Ủy ban thường vụ quốc hội. Ủy ban thường vụ Quốc hội meda pok tagok QH angan dom urang piah pilih ruah pok ngak Akaok Hội đồng bangsa, Chủ nhiệm dom Ủy ban di Quốc hội, Tổng kiểm toán Karja saong brei tapa dự án Hukum khik caga, iek glang saong pato pakai uranaih (pasiam veik) saong dự án Hukum Báo chí (pasiam veik).

           #/ Salam uan Chol Chnăm Thmây thun 2016, Akaok UB Trung ương Mặt trận negar Việt Nam Nguyễn Thiện Nhân hu payua harak tadhau ayut tal dom ong bhik (vị sư sãi), a cha, song tong abih mik va urang Khmer ban Cần Thơ. Ong Nguyễn Thiện Nhân jia i lac dalam tuk vak anak tal, mik va bangsa Khmer daok rik dong rilo jang ka bruk padang talei jum pataom tong abih bangsa, padang ngak song khik caga palei negar.

# Harei 4/4 ( njauk tame harei 27/2 saja aia bulan), pak xã An Hải, huyện pulao Lý Sơn, tỉnh Quảng Ngãi, Ban khánh tiết Đình làng An Hải gam haong dom but pajaih angaok pulao Lý Sơn peih ngak lễ Khao lề thế lính Hoàng Sa. Ini lac adat cambat pahadar tal đội dân binh Hoàng Sa meng kan hu công đo đạc, kluak jameng, padang mbia brei thau ka chủ quyền pak dua pulao Hoàng Sa saong Trường Sa meng yaok rituh thun dahlau ala triều patau Nguyễn.

#/ Tui ong Chảo Duần Chiêu,  Akaok Ủy ban bhap bini xã Bản Khoang, huyện Sa Pa: Meng bruk dong ba di gah thú y, puk palei ni pacang  hu sruh jit laka cambuai tapok kakau kubau bahrau tamuh tabiak song urak ni tapon kubau daok siam veik dalam nan hu 5 drei thit abih ruak. Meng di tuk mboh hu sruh jit ruak, Chi cục Thú y Lào Cai song  Trạm thú y Sa Pa, gam song karja  xã Bản Khoang brei cách ly dom drei kubao njom ruak, am cuh kabao  njauk metai song peih bruk klauk pacang ka tong abih tapon kubao labaih 600 drei dalam tỉnh.

# Kuhria tal ini, dalam tỉnh Đắc Lắc hu jaik 37.000 ha phun pala njauk tua riya pandiak bhang trak, tagok 8.000 hecta dut haong tukvak ini thun dahlau saong labaih 17.000 baoh sang njauk kurang aia pandar, taong abih khat lahik tui kuhria dahlau jaik 650 tỷ đồng. Anak bruk yau nan, tỉnh Đắc Lắc hu brei thau ka bala meng langik tasik kayua tua riya pandiak bhang pakat I ngan haong 7 huyện, bal sit nan lac: Buôn Đôn, Cư M’gar, Ea H’leo, Ea Súp, Krông Búk, Krông Năng saong bal sit Buôn Hồ. Ong Phạm Ngọc Nghị, Akaok Ủy ban bhap bani tỉnh Đắc Lắc brei thau: Njauk brei ngak dahlau dalam mbang tua riya ini nan lac njauk grap tanat aia pandar ka bhap bani. Ka dua, caga chip 500 tấn brah piah daong brei ka mikva dalam tukvak ini. Ka klau, brei ngak dahlau bruk ba aia pruh ka bahu dom janih phun pala hu giá trị kinh tế glaong saong dom mblang taneh ngak padai daok caong khin hu aia kham merat khik hu vụ Đông Xuân.

#/ Di huyện Xuyên Mộc (Bà Rịa- Vũng Tàu) mban tacei jalan brei drah halan hatain tỉnh Bà Rịa-Vũng Tàu hu peih bruk pachreih tui (ba) harei bhap bini halan hatian brei drah ngan song kadha “ Brei darah dong ka urang - sa bruk ngak prong glong” Hadei di tuk peih bruk, labaih 500 urang lac công chức, viên chức song  đoàn viên, dam dara song bhap bini huyện Xuyên Mộc hu tut angan tame brei darah. Mban peih bruk taduan hu 429 đơn vị drah.

# Tòa án Bhap bani Bal raya Hồ Chí Minh chính thức tabiak mbaok Tòa Gia đình saong urang oh ka jeng dam jeng dara akaok meti dalam negar. Bruk dak padang Tòa Gia đình saong urang oh ka jeng dam jeng dara piah langyah dom lỗ hổng ka adat hukum dalam tukvak peih ngak langyah bruk ka baoh sang saong urang oh ka jeng dara jeng dam, pacang caga dom nguy cơ xâm hại tal uranai. Amuk Ung Thị Xuân Hương, Chánh án Tòa án Bhap bani Bal raya Hồ Chí Minh brei thau: Ngan haong uranaih ye njauk hu dom tố tụng thân thiện. Pagap yau mô hình pacang caga xử hình sự di urang dam dara ye nyu vành móng ngựa, min ngan haong dom adei ye oh hu vành móng ngựa, kayua lac piah tạo ka dom adei bruk yên tâm, piah dom adei mboh lac daok hu hội đồng xét xử, dom luật sư, dom thẩm phán saong dom chuyên gia daong ba brei.

Patui di ni lac dom khau tin dunya:

#/ Danak dak padai brah dunya di Liên Hợp Quốc (WFP) khan lac, hu tal 400 ribau urang Xu-đăng njauk dong brei padai brah kayua langik pandiak bhang dak harei dak trak jang. Akaok danak dak padai brah dunya di Xu đăng ong Ma-rcô Ca-van-can-ti (Marco Cavalcanti) brei thau, hajan di Xu Đăng tuk vak tapa biak takik di rilo labik, ngak ka labaih 400 ribau urang kurang padai brah kayua pala drak oh hu.

# Harei kabroi (4/4), Phaok Thủ tướng iek gah an ninh di Thái Lan  Pra-vít khang panuac lac, mbang tổng tuyển cử di negar ini meda hu peih ngak dalam thun 2017, yaom lac hukum negar bahrau hu bhap bani chấp thuận halei oh dalam mbang trưng cầu ý dân anak tal. Ong Pra-vít brei thau, Ủy ban khik caga trật tự negar (NCPO) hu dom jalan ngak piah pacang veik haong dom kadha hagait meda rah tabiak meng bruk trưng cầu dân ý ka bản dự thảo hukum negar bahrau, piah grap tanat mbang tổng tuyển cử meda rah tabiak dalam thun 2017

          #/ Tập đoàn dược phẩm Sanofi di Prang mbang camereip hu ba pandar vắc-xin pacang caga ruak pandiak tabiak darah  Dengvaxia dalam mbang klauk jru peih prong di Philippines.. Labaih sa triệu anek saih di 6000 sang bac công di 3 bhum ruak pandiak tabiak darah rah tabiak khang abih di Philippines hu klauk. Ruak ni ngak ka 22,000 urang metai di dunya yaok thun, di Philippines hu 200.000  urang pandiak tabiak darah dalam thun 2013./.