1/ Tui dom bruk di mbang mai rivang VN, harei kabroi, Thủ tướng rajaei Cộng hòa Bungari, duik di ong song kapul doanh nghiệp Bungari hu mai rivang tỉnh Thừa Thiên-Huế. Taduan raok Thủ tướng rajaei Cộng hòa Bungari, Pla- men Ô- re- sa-xki di Điện Thái Hòa- Đại Nội Huế, ong Nguyễn Văn Cao, akaok UB bhap bini tỉnh TTH hu yaih khan dom jak jeng KTXH, jalan patagok du lịch,. Saong cong khin patagok jang bruk dong brei song talei pambuak bruk song Bun-ga-ri dalam bruk jhik, năng lượng song patagok jang talei pambuak bruk di karja dom puk palei di  Bun-ga-ri song tỉnh Thừa Thiên-Huế.

2/ Mintri pato megru hu harak payua ka dom sở pato megru, sang bac ĐH, CĐ dalam taneh ia tacei pato bruk palih ruah tapak, palih ruah dahlau tame ĐH, CĐ gah chính quy. Tui nan, dom anek saih mek hu giải sa, giải dua, klau dalam mbang pakacah palih ruah anek saih naih joi dalam taneh ia pakat THPT, hu palih ruah tame tapak ĐH, tame dom gah njauk atau jaik saong kadha anek saih mek hu giải; anek saih mek hu giải khuyến khích dalam mbang pakacah palih ruah anek saih naih joi dalam taneh ia tal bac 12 THPT, hu palih ruah tapak tame CĐ dom gah njauk atau jaik saong kadha anek saih mek hu giải. Ngan saong anek saih mek hu giải dalam nyaom pakacah khoa học kỹ thuật kayua mintri pato megru peih tabiak: iek tui kết quả dự án, đề tài ruah duah khoa học kỹ thuật di anek saih mek hu giải, giám đốc dom sang bac ĐH, học viện; akaok dom sang bac ĐH, CĐ pasang iek palih ruah ba tame tapak gah bac lagaih saong kết quả dự án atau đề tài bo anek saih mek hu giải.

3/ Tal tukvak ni, tỉnh Phú Yên bahrau giải phóng song jao taneh hu 45km atah dalam abih tih 66km di danak dak peih prong jalan roya 1A, dalam tuk nan, tukvak jao taneh ka đơn vị ngak jalan nan lac tal harei 30/4. Ban sit Sông Cầu, huyện Tuy An nan lac sa dalam dom labik gaok rilo tavak tavaiy dalam bruk giải phóng taneh riya, đền bù, dong brei song rami ramik labik daok bharau ka dom boh sang njauk jao taneh.

4/ Mban bangsa tỉnh Trà Vinh barau peih 6 tal pato brei thau sarak, hukum agama ka 1.110 ong bhik, achar di 141 baha Khmer dalam tỉnh. Asal pataom tame dom bruk yau: bruk ngak, labik dang, quyền hạn di dom sư cả saong mban quản trị dom baha; sarak bangsa, agama di Đảng saong karja; pháp lệnh tín ngưỡng agama; bruk ngak hu dalam patagok kinh tế - xã hội di tỉnh Trà Vinh; quản trị văn phòng saong nội quy, quy chế di baha phật giáo Nam tông Khmer. Langiu bruk peih dom tal pato brei thau sarak, hukum ka agama, dom thun tapa, mban bangsa daok pambuak bruk saong sở tư pháp tỉnh padang tu tapuk hukum di 141 baha dalam tỉnh. Yaok tu tapuk hu meng 40 tal 50 baoh tapuk ka hukum, agama, khoa học kỹ thuật… daong ka ong bhik, bhap bini Khmer maong iek duah thau hukum, ba ilamu tame dalam rai diuk, ngak mbang di baoh sang.   

Hadei di ni, lac khau tin ka dom bruk ngak dalam harei pachit daa Po Hùng rah tabiak grauk labik dalam taneh ia:

5/ Harei kabroi di ban raya HCM hu rah tabiak rilo bruk ngak dalam harei pachit daa Po Hùng. Di labik rivang me-in Suối Tiên, lingiu di bruk pok glau, paling pandap, mban peih bruk dok pok 4000 boh har chưng, har dày tagok dom po Hùng, gam brei mboh ka 4000 thun ilamu, gam brei mboh hatung vhatian di anek taco brei ka ong muk ong kei. Taphia di nan, bruk raok kiệu Po HÙng hu brei mboh veik saman padang taneh ia, peih tabiak sajarah hadah hadai di dom saman pô Hùng. Dalam harei raok kiệu, dok hu rup binguk di dom anh hùng bangsa di yaok saman sajarah dak rai bangsa song labaih 30 kapul dom bangsa lambaok ka 54 bangsa adei saai mai meng grauk labik dalam taneh ia VN.

6/ Ba drei tame bruk di menuac sia dalam grap taneh ia pamaong tal muk kei saong halau gha bangsa, harei kabroi 9/4, sang bac Đại học Đồng Tháp hu peih ngak pacit daa po hùng mbang ka 5 thun 2014. Dalam praong prang, mban peih bruk hu ngak adat rok kiệu po hùng, dom adat am cuh gilau, paling alak, ahar saong puac chúc văn. Tapa nan, urang dang akaok sang bac hu khan brei thau hatai thau dhar phol dom po hùng; saong hu panuac ieu taong abih urang jakar, gru pato di sang bac brei jum pataom, sa hatung hatai, paglaong saong patagok ilamu di bangsa, di muk kei, ba gauk tame dak padang saong patagok sang bac Đại học Đồng Tháp jeng labik pato megru menuac urang hu ilamu brei ka bhum taneran kraong Cửu Long saong dalam taneh ia.   

7/ Tui kuhria di mban khik ramik Đền Hùng di palei Giao Khẩu, xã Tân Phú, huyện Thới Bình, tỉnh Cà Mau, dalam harei kabroi 9/4 nan lac harei 10 bingun bilan 3 saka ia bilan hu labaih 2000 mbang tuai damuai dok dalam song langiu tỉnh Cà Mau hu mai ni rivang iek. Oh lac menuac dalam bhum taneran krong CL saoh, bo daok hu rilo menuac meng palei atah mai ni pok gilau. Piah pabak ka nyu siam jang bruk mai rivang iek, pok gilau di tuai damuai atah jaik mai kakuh Đền Hùng, tỉnh Cà Mau bahrau brei buh tabiak 100 tỷ đồng piah peih prong labik inem krung Đền Hùng.

Patui di ini dom khau tin dunya:

8/ harei kabroi 9/4, di ban ine Viêng-chăn, Lào hu rah tabiak mbang pataom iek veik dự án langyah tuyển tập Kinh điển Mác – Ăng-ghen, Lênin saong Hồ Chí Minh meng sap Việt tapa sap Lào. Dự án hu peih ngak dalam 5 thun, hu 13 tuyển tập kinh điển, dalam nan Mác – Ăng-ghen 6 tập, Lênin 4 tập saong Hồ Chí Minh 3 tập,  abih tih jaik 15 ribau blah hu lang meng sap Việt tapa sap Lào, kayua dom urang lang sap di VN saong Lào langyah. Dom kadha kinh điển ini, lac tài liệu praong brei ka bruk ruah duah, bac megru duah thau saong pan kajap dom jalan di chủ nghĩa Mác Lênin saong tư tưởng Hồ Chí Minh  jeng yau brei ka bruk pakhang, pabak, pasiam sarak, jalan ngak di Đảng bhap bini cách mạng Lào. 

9/ Harei kabroi, ong Sổm-chai (Somchai), urang dalam Ủy ban bầu cử Thái Lan iek gah peih bruk bầu cử brei thau,  harei 22/4 anak tal, Ủy ban bầu cử Thái Lan hu peih bruk ginum biai song dom  chính đảng; hadei di nan di puac bilan 4, Ủy ban bầu cử hu ginum biai song lambaok rajaei tạm quyền Thái Lan piah ginum biai ka bruk patabiak sắc lệnh bầu cử song patabiak tukvak pilih ruah urang tame hạ viện bahrau. Tui ong Sổm-chai, Ủy ban bầu cử anak meta hu tabiak jalan ka bruk bầu cử Hạ viện, tui nan, hadei di tuk pa tabiak sắc lệnh bầu cự hạ viện bahrau, Ủy ban bầu cử hu peih bruk bầu cử ini dalam 90 harei atau 120 harei song 150 harei.. 

10/ Gah y tế dunya brei thau, jit pandiak tabiak drah Ebola tamuh tabiak di labik Tây Phi daok caik tabiak dom kan kandah di abih. Tui kuhria jit daok  tamuh tabiak di labik ini dalam dom bilan tal. Dom jabat LHQ urak ini daok brei urang jakar y tế nao daong ka bhap bini labik ini pacang cakak jit. Tal tukvak ini hu 157 urang njom ruak di Ghi-nê, dalam nan hu 108 urang metai. Di Li-bê-ria hu 21 urang njauk ruak, 10 urang metai, min gah y tế dunya brei thau, jit pandiak tabiak drah ini oh pambak tapa dom taneh ia jaik taphia yau Xi-ê-ra Lê-ôn, Mali atau Ga-na./.